Wakkanai

Der Artikl is im Dialekt Såizkåmmaguadlarisch gschrim worn.

Wakkanai

Wakkanai jap. 稚内市, -shi) is de nördlichste Stådt vo Japan. De Stådt hod 40.629 Eiwohna (31.Dez 2007). Wakkanai liegt auf da Insl Hokkaido und is da Vawoitungssiz vo da Unterpräfektua Sōya.

Wichtige Industrien san d'Fischarei, d'Moikarei und d'Lãndwirtschåft.

Da Nãm vo Wakkanai kimmt aus da Ainu Språch (yamwakkanay) und hoaßt so vü wia „da Båch, in dem s'koide Wòssa rinnt“.

S'Klima

S'Klima vo Wakkanai is weng da Låge a oans vo de ködastn in Japan. Im Winter iss oft frostig und da Schnee foid (Jenna -6 °C). Erst im März steing de Temperaturn auf iwa 0 °C. S'Frühjåhr is gscheid laung und wird east im Juni mi so 12 °C spürbår wärma. Da August is da wärmste Monat vom Jåhr, wobei de Werte auf durchschnittlich 20 °C austeign. Im Herbst wirds Weda wieda ungmiatli mid vü Regn, owa schau nu müde Temparatuan. Schneim duads dãn wieda Ende Novemba. Im Jåhr foin 1161 mm Niedaschlåg, de Temperaturextreme liegn zwischn –19,4 °C und +31,2 °C.

A Blick auf Wakkanai

Vakea

D'Stådt besitzt an Flughåfn Wakkanai und an Håfn.

• Zug:
  • JR Sōya-Hauptlinie
• Stråßn:
  • Nationalstråßn 40, 232, 238

Städtepatnaschoftn

Städtepatnaschoftn gibts laundesintean zu Ishigaki, da südlichstn Stådt vo Japan, und international zu Juschno-Sachalinsk (Sachalin, Russlånd) und zu Anchorage (Alaska).

• Korsakow, seid 1991
• Juschno-Sachalinsk, seid 2001

Im Netz

 Commons: Wakkanai – Sammlung vo Buidl, Videos und Audiodateien