Wikipedia:Wikiquette

Aus Wikipedia
Wexln zua: Navigation, Suach
Dialekt: Flochgaurisch

Hinter am jedm Baitrog zur Wikipedia - ob guad oder schlecht - stet a Mensch. Des z' bejon is oafocher, ois wia sai Håndln ån dera Maxime auszrichtn. Des is ower grod in am Gmoaschoftsprojekt wia dem vo essenzieller Bedaitung. A jeder Autor hod sain Baitrog, de san valetzt, wånn se aner in am oizua grobm Ton iwern Inhoit und d' Texte oder Diskussionsbaiträg aissert. Zaudem wird de Diskussion desweng vo aner Soch- auf a Persänlichkaitsewane valogert. Dodurch entstet a Straid - der ned im Sinn vom gmoasåmen Projekt is. A fraindlicher Umgångston deant'm professionöin Midanånder.

De Saitn stöid de zentraln Grundsätz vom Umgång midanånder in da Wikipedia dor.

  1. Koane persänlichn Ågriffe: Bai Diskussionen und Kritik blaib sochlich und vasuach, dai Gengiwer ned z' valetzn. Kritik losst se auf olle mägliche Waisn formulirn – wöi d' schonenste aus.
  2. Geh vo guade Obsichtn aus. Geh dodavo aus, dass d' Benitzer iwer Wissnsressourcen vafing und se do aibringa woin. Bis auf a weng Ausnåmen håm d' Laid, de do midorwaitn, genau wia du as Züi, d' Wikipedia besser z' mocha. Fir'a Akzion, de du auf'n erstn Blick fir unsinnig hoitst, hod a åndarer mäglicherwais guade Grind, des ånders z' mocha. Zum gengsaiting Respekt ghärt aa, Ändarungen ned one Begrindung rickgängig z' mocha. Vasuach 'n Dissens auf da Dischkrirsaitn vom Benitzer z' klärn und hoi da im Zwaife a dritte Moanung ai.
  3. Sai fraindle: Fraindlekait is a Zoachan vo Professionöität. Se färdert an Austausch vo Informazionan und somid d' gmoasåme Konstrukzion vo Wissn. Sog ebbers Netts, wånn du wos list, des da gfoid. Es kostt dert ned vüi, am åndern Nutzer a kloane Nochricht af sainer Dischkrirsaitn z' hinterleng, motivirt dageng umsomera. Zua Fraindlekait ghärt aa, dass du koane Åfrong one a Åntwort losst.
  4. Hüif åndare. Nimm Naiåkämmling in Empfång und hüif eana, se im Dschunge vo da Wikipedia zrechtzfindn. Åntwort, wånn du ågsprocha bist und bdånk de, wånn ma dir ghoifa hod. Kommunikazionsvasuach, de ins Laare laffan, san dert frustrirad.
  5. Blaib ruig - Reg de ned af! A Jeder hod amoi schlechte Tog und is impuisiv und raizbor - dua guad durchotman und prowirs amoi mid Gmiadlichkait! Dånn host dert koan Stress, kåst besser reagirn und bist dert ned aso valetzlich.
  6. Mir san der oie ernåmtle. Koaner griagt a Göid fir sai Orwat do. Wånn du wos wüist, dånn bitt drum; du host koan Åspruch drauf, dass da Åndre wos sofurt erledigt oder åntwortt - villaicht mocht der jo grod a Wikipausn. Mir han a Wiki - Du bist da Autor und kåst dert söiwer wos in d' Hånd nemma; ho an Muat! Wånn åndare dai Orwat ned gfoit, kännts es af d' Dischkrirsaitn driwer dischkrirn und an Kompromiss findn oder d' Akzion am End rickgängat mocha.
  7. Besser redt sa se vo Ågsicht zua Ågsicht. Nimm Kontakt mid daim Gengiwer af und bnutz an Chat. Durtn findst oiwai erforane und hüifberaite Wikipedianer, de du um eana Moanung bittn kåst, wånn du unsicher bist und de aa modarirn kenna. Umd mid daim Gengiwer kåst du so aa vüi schnöier Dinge klärn, de sunst villaicht z' håndfeste Flamewars worn waradn.
  8. Loss d' åndern Benitzer eaner Anonymität- Vüi vo de do ågmöidatn Benitzer san unter am Psaidonym unterwegs. Mäglicherwais kennst du de aan oder åndern Benitzer persänlich, oder du stöist Nochforschungan iwer de Identität vo am Benitzer å. Beocht dodabai unbedingt as oigmoane Persänlichkaitsrecht: Bittschän vaäffmtlich niamois an Nåm vo am Wikipedia-Benitzer oder sunstige Hiwais auf sai Identität one sai ausdrickliche Dalaabnis.
  9. Trog Konflikte ned äffmtlich aus. Wånn zwoa se äffmtlich straidn, laidt d' gånz Gmoaschoft drunter - und zur Konfliktläsung trogts aa weng bai. Wer wüi scho vur oie åndre as Gsicht valirn? Deshoib: Nitzt in soiche Fälle E-Mail, IRC, ICQ oder a jeds åndre Kommunikazionsmittl, des a sochliche Form vo da Klärung zualosst.
  10. Sai dert ned nochetrongd. Wer long gnua ba da Wikipedia midmocht, grot mid Sicherhait oamoi mid Åndre in d' Hoar. Belaidigt sai, Schmoin und Grantln is in soicham Foi scho in Ordnung, ower sai ned nochtrogat: Vazaih Belaidigungan, sai berait um Entschuidigung z' bittn und vasuach, Konflikte noch ågmessaner Zaid auf se beruan z' lossn. Ned oiss, wos du so vastest, is aa so gmoat - villaicht iss jo aa nur a Missvaständnis???

Schau aa unter[VE | Weakln]

(DE-Wikipedia)