Yann Tiersen

Aus Wikipedia
Wexln zua: Navigation, Suach
Da Tiersen Yann

Da Guillaume Yann Tiersen (* 23. Juni 1970 z'Brest) is a Komponist und a Musika aus Frãnkreich.

Aussahoib vo Frãnkreich is da Tiersen seid 2001 weng da Fümmusi zu de Kinofüm „De faböhåfte Wöd vo da Amélie“ und „Good Bye, Lenin!“ bekãnt.

Biografie[VE | Weakln]

Auf d'Wöd kéma is da Yann Tiersen am 23. Juni 1970 in Brest in da Bretagne, aufgwåchsn is a owa in Rennes. Späda hod da Yann a boa Joah in Paris gwohnd und iatzt is a in Ouessant dahoam. Da Tiersen spüd seid a 6 is Geing und Klawia. Ois Jugendlicha håd da Yann in a boa Post-Punk-Gruppn de Gitarr gspüd, wo a, wia a söwa sågt, stoak vo Joy Division und vo de The Stooges beinflusst woan is. Da Tiersen håd ãn de Musihochschuin in Rennes, Nantes und Boulogne studiad und is rechd a gschickta Multi-Instrumentalist.

Musi und Diskografie[VE | Weakln]

Da Tiersen Yann bei an Konzeat mid ana Geing

An Tiersen sei Musikstü vabindt de franzésische Folkmusi und in Chanson midn Pop und da Rockmusi. Da Yann vawendt Sequenzn de se oft wiedahoin und leichd variian, deswegn sehng eam vü scho bei da „Minimal Music“. Ném seine Åibn komponiad da Tiersen Yann a imma wieda Soundtracks fia bekãnte Füm.

  • 1995 – La valse des monstres
  • 1996 – Rue des cascades
  • 1998 – Le phare
  • 1999 – Tout est calme
  • 1999 – Black session (Radiokonzeat)
  • 2001 – L’absente
  • 2001 – De zaubahåfte Wöd vo da Amélie (Fümmusi)
  • 2002 – C’était ici (live und best of)
  • 2003 – Good Bye, Lenin! (Fümmusi)
  • 2003 – 3 titres inédits au profit de la FIDH
  • 2004 – Yann Tiersen & Shannon Wright
  • 2005 – Les Retrouvailles
  • 2006 – On Tour
  • 2008 – Tabarly
  • 2010 – Dust Lane
  • 2011 – Skyline

Im Netz[VE | Weakln]

 Commons: Yann Tiersen – Oibum mit Buidl, Videos und Audiodateien