YouTube
| Der Artikl is im Dialekt Noadboarisch gschrim worn. |
| YouTube | |
|---|---|
|
|
| www.youtube.com | |
| Motto | „Broadcast Yourself“ |
| Kommerziej | jo |
| Beschreiwung | Videoportal |
| Registriarung | Google-Konto optional (zum Auffelodn, Kommentian, Bewertn) |
| Sprochn | Deitsch, 60 weidare |
| Eigntima | Google Inc. (mehr) |
| Urheba | Chad Hurley, Steve Chen und Jawed Karim |
| Aussakema | 15. Feba 2005 |
YouTube [ˈjuːtuːb oda ˈjuːtjuːb] is a Seitn im Internet, wåu d'Benutza ummasunst Videos naaflåån und ooschaung kinna. YouTube is am 15. Febra 2005 vu de ehemalign PayPal-Mitawaida Chad Hurley, Steve Chen und Jawed Karim gründt woan und håd sain Sitz z'San Bruno, Kalifornien. Am 9. Oktowa 2006 håd Google mitdeut, dass s' YouTube kifft håm.
Af dera Seitn findt ma Fümm- und Feanseeausschnitt, Musikvideos und söiwadraade Fümm. Sognennte „Video-Feeds“ kå' ma in Blogs oda iwa a Programmiaschnittstöi (API) in Websiten ejbaun. A aktuelle Studie vum Mackfoaschungsinstitut Hitwise moant, dass 73 Prozent vu alle Bsouch vu US-Videoseitn af YouTube landn. As aigne Videoangebot vu da Muttagsöischaft Google kummt in dera Zait blåuß af 8,4 Prozent.
Inhoitsvazeichnis |
Nama [dro werkln]
Da Deu „Tube“ (aingtlich: Rean) im Nama is in da englischn Umgangsspråch a Ausdruck fia 'n Feansee. Des kummt vo da „cathode ray tube“ (bar. Kathodnstroirean), ajso da Büidrean, wåu fraja im Feansee drin woa. Da ganze Nama (weatlich: DuRean) loud se am bestn ajs „Du sendst“ iwatrång.
Vakifft [dro werkln]
Am 9. Oktowa 2006 is YouTube vu da Souchmaschina-Fiama Google fia 1,31 Milliaadn Euro (in Aktien) kifft woan. D'Maakn YouTube soi waida heagnumma wean. De Fiama mit 67 Mitawaida - unta dene aa d'Gründa Chad Hurley und Steve Chen - wean as Gschäft voast unabhängich waidafian.
Technik [dro werkln]
YouTube benutzt ajs Webserver Apache, fia Büida und andane statische Inajt wead a vaändate Veasion vu Lighttpd mit vabessade Lastvadeuung heagnumma. Zum Spaichan vu de ooglegtn Fümm kummt as Flash-Video-Format (Datainama-Eawaitarung .flv) zum Ejsatz. Spejda håd YouTube oogfange, saine Videos aa ins H.264-Foamat umzumwandln. Des is as Foamat, wås Apple heanimmt, damit ma YouTube-Videos afm iPhone oospün kånn. D'jewailign Videoveasiona kå' ma iwa an Link untahaj' vu Veasion ooschaung, oda we' ma &fmt=18 an d'Video-URL droohengt. Sait im 25. Novemba 2008 wean geaignete Videos aa im 16:9-Braitbüidfoamat oozoagt.
Videos ooschaung und åspaichan [dro werkln]
D'Videos kå' ma ajs Stream im Internetprogramm („Browser“) ooschaung. Dåu dafia braucht d'Adobe-Flash-Eawaitarung („Plugin“), wåu's fia alle gängign Internettprogramm gibt.
D'Möglichkait, Videos runtazumlåån, håd YouTube ned voagseng und aa ned ejbaut. We' ma a Video åwa trotzdem af d'Festplattn kopian wü, gibt's dafia programmebasiate Lösungen waj z. B. Bookmarklets- oda Greasemonkey-Skripte. Es gibt åwa aa Seitn im Internet, wåu höifa, Videos zum spaichan. Ma kånn åwa aa oafach d'.flv-Datai ausm Zwischnspaicha vum Browser kopian.
Baispü vo Åspüüprogramm, wåu unta Windows laffa und Flash-Videos ålaffa låun kinna, san da Media Player Classic (mit FFDShow Filter), da VLC Media Player, da MPlayer und da extrich fia. flv-Datain gmachte FLV-Media Player. We' ma Eawaitarungen installiat, kå' ma. flv-Videos aa mit de wait vabraitetn Programm Windows Media Player und Winamp ooschaung.
Videos naaflåån [dro werkln]
Videos kå' ma bai YouTube in vaschiedne Foamat (waj z. B. AVI, MPEG, WMV oda Quicktime) naaflåån. Empfoin wead a Videoaflejsung vu 480×360 Pixel ode meija. Unta'm Naaflåån wean d'Videos ins Flash-Foamat (320×240 Pixel) oda ins H.264-Foamat (352×244 Pixel) umgwandlt. Bai da Skaliarung (ajso baim oobassn vu da Aflejsung) wean mögliche Qualitätsvalust eliminiat, wåu duach a verlustbehaftete Formatkonvertierung entstaj kinna.
D'Videos deafa ned grejßa sai, waj 1 GB und ned lenga waj 10 Minutn. Mit am Director-Acount (Regisseur-Konto) woa's möglich, lengane Videos nejzumstöin, åwa des gejht ajtz nemma. Ajtza kinna blåuß nu Alt-Director-Kontn und Premium-Partner lengane Videos naafzumlåån.
Sait Dezemba 2008 kå' ma aa houchaflejsnde Videos (HD) naaflåån und ooschaung. Daj wean dann mit 1280×720 ågspüüt, ajso 720p.
Nutzung [dro werkln]
D'Popularität vu YouTube låud se mit da gråußn Gmainschaft eaklean, daj wåu Videos naaflåån, beweatn und kommentian kånn.
YouTube is sait saine Gründung recht schnöi zum füandn Videopoataj im Internet woan. Momentan nimmt ma oo, dass YouTube in de USA an Mackoodeu (Marktanteil) vu 73 Prozent håd.
Nåuch'm Eafoig vu YouTube woin aa d'privatn Feanseesenda z'Daitschland a Stickl vum Koucha. Im August 2006 håd RTL zougem, dass d'Videoseitn Clipfish vu eana kumma is, und a bååa Wocha draaf håd se ProSiebenSat.1 Media mit 30 Prozent bai da Konkurrenz MyVideo ejkafft. Trotzdem blaibt YouTube aa in Daitschland Mackführa.
Commons: YouTube – Oibum mit Buidl, Videos und Audiodateien
