Google

Aus Wikipedia

Wexln zua: Navigazion, Suach
Der Artikl is im Dialekt Obaboarisch gschrim worn.

7Koordinaten: 37° 25′ 20″ N, 122° 5′ 4″ W

Google Inc.
Google-Logo
Rechtsform Corporation
ISIN US38259P5089
Gründung Mountain View, Kalifornien/USA (1998)
Firmensitz Mountain View, Kalifornien, USA
Gschäftsleitung
  • Eric E. Schmidt (Chief Executive Officer - CEO)
  • Sergei Brin (Chief Technical Officer - CTO)
  • Larry E. Page (Chief Marketing Officer - CMO)
Mitorbata 24.400 (8. Januar 2009)[1]
Umsatz 21,8 Mrd. USD (2008)[2][3]
Branschn Internetdienstleistungen, Werbung
Hoamseitn google.com
vo links noch rechts, Eric E. Schmidt (Google CEO), Sergey Brin und Larry Page (Gründa vo Google)
Umsatz- und Gewinnentwicklung

Google bzw. Google Inc. is a Firma mit Haptsitz in Mountain View (Santa Clara County, Kalifornien, USA), des wo bsundas duach de gleichnamige Suachmaschin „Google“ – bekannt woan is. De Firma is am 7. Septemba 1998 vom Larry Page und vom Sergei Brin gründt woan. No am säim Dog homs de easchte Testversion vo dem Programm afn Moakt brocht und no im säim Joah is de Suachmaschin offiziej ans Netz ganga. De Firma beschreibt as Haptzui wia foigt:

„S Zui vo Google bestähd do drin, de Informationa vo da Wäid z organisian und oigmoa nutzboa und zuagängli z mocha.“

– Google-Unternehmensinformationa[4]

De Firma hod Ende Juni 2008 rund 20.000 Mitoabata beschäftigt. Google hod 2009 a moaktbeheaschende Stejlung unta de Suachmaschina. Noch da Moaktfoaschungsgruppn Millward Brown is Google mit am Weat vo rund 86 Muilliardn US-Dollar (54,5 Muilliarden Euro) de teiaste Markn vo da Wäid.[5]

Inhoitsvazeichnis

[dro werkln] Da Begriff „Google“

[dro werkln] Etymologie

S Woat Google basiat af an Woatspui (mange sogn sogoa, des warad bloss a Rechtschreibfäila) mit da US-amerikanischn Aussproch vom Woat googol.[6] Milton Sirotta, dea Neffe vom US-amerikanischn Mathematika Edward Kasner, hod den Ausdruck im Joah 1938 erfundn, um de Zoi im ana Oans und hundat Nuin (10100) an Nama z gebm. De Google Gründa hom den Begriff af den Hafa an Informationa iwatrogn, de wo a Suachmaschin findn soit.

[dro werkln] s Verb „googeln“

Da standarddeitsche Rechtschreib-Duden hod des Verb googeln (sprich: [ˈɡuːgl̩n] „guhg(e)ln“) 2004 in de 23. Aflog afgnumma.[7]

S Woat wiad in da Umgangssproch moast ned fias Suachn mit Google vawendt, sondan aa ois Synonym fia de Suacharei im Netz mit irgendana Suachmaschin (vgl. Wiktionary,[8] LEO Dictionary[9]). Google gähd geng den Brauch vo, um zu vahindan, dass „googeln“ zum Gattungsbegriff wiad und damit de Markn obgweatet wiad. 2006 hod Google Zeidungs- und Wäatabuachredaktionen afgfoadat, „googeln“ nimma oigmoa fia de Internet-Suach zum Vawenden. Des hod zum Beispui dazua gfiaht, dass da Eitrog in da 24. Auflog vom Duden genaua definiat woan is („mit Google im Internet suchen“).[10]

[dro werkln] Firmengschicht

Da Page Larry 2003
Da Brin Sergey auf da 'Web 2.0 Konfarenz' im Joa 2005

[dro werkln] 1995-1998 - da Ofang

1995 san da Page Larry und da Brin Sergei an da Stanford University ois Studentn zammatroffa.[11]. Se hom nacha de Suachmaschin BackRub konzipiat. Gnennt hom ses so zweng den Backlinks, nach dena die Wertgkeit vo oana Seitn bestimmt woan is.[12] 1998 hod si owa znagst neamd fia de nei entwicklte Suachtechnik interessiat. Im August 1998 hod da amerikanische Investor Andreas von Bechtolsheim nach oana Zehn-Minutn-Präsentation fia de Weidaentwicklung vo da Suachmaschin an Scheck iwa 100.000 US-Dollar ausgschdöd.[13] Wei da Bechtolsheim Andy ognumma hod, „Google" warad da Nama vo da Firma, hoda ois Empfänga „Google Inc." afn Scheck eitrogn. De Firma hods domois owa no gor ned gebm.[14] Larry Page und Sergei Brin ließen das Unternehmen unter diesem Namen registrieren, damit der Scheck kassiert werden konnte. [15] De Google Inc is nacha am 7. Septemba 1998 vo oana Garagn aus grindt woan. Mit an Startkapital vo umgrechnet 810.000 Euro (1.100.000 Dollar, afgbrocht vo de Familien, Freind und vom Bechtolsheim Andy) is de easchte Vasuachsversion vo dem Programm vaeffentlicht woan. Fimf Monat spoda hod Google mit ocht Ogstejtn a Biro in Palo Alto bezogn. Ca. 500.000 Suachofrogn san boid Tog fia Tog vazeichnet woan. Wia nacha im September 1999 AOL und Netscape mit Google zammagorbat hom, san de Suachofrogn glei afs Sechsfoche gstiegn.

[dro werkln] 1999-2003

[dro werkln] Akquisitiona

  • Im Februar 2001 hod Google as Usenet-Archiv vo Deja News iwanumma und hod mit eiganen Gruppm ogfangt: Google Groups.[16]
  • Im Februar 2003 hod Google de Blogging Plattfoam Blogger.com kafft, de wo zu dera Zeit scho hundattausende Nutza ghobt hod.[17]
  • Im Aprui 2003 hod Google de Applied Semantics, Inc. akquiriat und und de Technik vo dena späda in Google AdSense eibaut. Applied Semantics hod voahea bei Kundn wia Overture mit Huif vo oana sognenndn KeyWordSense-Technik de semantische Bedeitung vo Netzseitn erkannt und entsprechande Werbeeinblendunga ermeglicht. [18] [19] (siehe auch Juni 2003)

[dro werkln] Eifiarung vo neien Produktn

  • Am 21. Septemba 1999 is de Vasuachsphasn vo Google offiziej beendet woan und da „Beta“-Hiwoas is vo da Hoamseitn entfernt woan.
  • Im Herbst 2002 hod de Firma as „AdWords“-Programm in Frankreich, Deitschland, England und Japan.
  • Im Juni 2003 hod Google mitm AdSense-Werbeprogramm ogfangt. Dabei wean af teinehmandn Netzseiten themenrelevante Werbeozeign eiblendt.
  • Im August 2003 is a deitschsprochiga Nachrichtendeanst obotn woan. Ogeblich wean do Google-News ohne menschlichs Eigreifn produziat.

[dro werkln] Sunstigs

  • Im Joa 2000, am Ende vom 2. Quartal, woa Google Moaktfiara bei Suachmaschina mit mehr ois oana Milliarde Seitn im Index.
  • Im Jahr 2001 is da Schmidt Eric neia CEO woan.
  • Kurz vor Ende 2001 is de Zoi vo drei Milliarden Dokumentenzuagriffn erreicht woan.

[dro werkln] 2004

[dro werkln] Akquisitiona

  • Google hod im Joa 2004 Where2 LLC iwanumma. Späda is do draus Google Maps entwicket woan.
  • Am 13. Juli hod Google de Iwanahm vo Picasa LLC bekannt gebm, wo späda zum Produkt Google Picasa wead. [20]
  • Am 27. Oktoba is bekannt gebm woan, dass Google Keyhole Corp. kafft hod. Keyhole woa da Grundstoa fia Google Earth. [21]

[dro werkln] Einfiarung vo neien Produktn

  • Am 1. Aprui 2004 hod Google de Betaversion vom kostenlosn E-Mail-Deanst Gmail mit 1 GB Speichaplotz je Nutza okindigt.
  • Am 14. Oktoba homs as Google Desktop Search vorgstejt, a Programm zum Durchsuacha vo de Datnbestände afm eiganan Rechna.

[dro werkln] 2005

[dro werkln] Akquisitiona

  • Am 28. März 2005 iwanimmt Google de Urchin Software Corp. Späda entstäd do draus as Produkt Google Analytics. [22]
  • Am 11. Mai gibt Google de Iwanahm vo Dodgeball, am mobiln sozialn Netzwerk bekannt. [23] Daraus is späda da Deanst Google Latitude entstandn. [24] [25]
  • Im August wead da Kauf vo Android, Inc. bekannt. [26].
  • Am 21. Dezemba 2005 hod Google an Kauf vo fimf Prozent vo de AOL-aktien (Time Warner) bekannt gebm. Damit is Google a grossa Erfoig gegn Microsoft glickt, de wo ebmfois dro intaressiat woan.

[dro werkln] Sunstigs

Im Joa 2005 is de Google Inc. zan easchtn Moi af da Forbes-Listn ogfiat (Platz 38). Dea Unternehmenswert is im Joa 2005 af etwa 55 Milliardn Dollar gschätzt woan.

[dro werkln] 2006

[dro werkln] Akquisitiona

  • Am 17. Januar 2006 hod Google dMarc Broadcasting, Inc. kafft, an Betreiba vo oana Radio-Werbeplattform.
  • Am 9. März hod da Konzern de Start-up-Firma Upstartle, LLC mitm Produkt Writely iwanumma. Späda is do draus Google Docs entstandn.
  • Am 14. März hod Google de 3D-Firma @Last Software (Google SketchUp) zua Integration vo 3D-Skizzn in Google Earth kafft. [27]
  • Am 9. Oktoba hod Google fia 1,65 Mrd. Dollar as Internet-Videoportal YouTube iwanumma.[28]
  • Am 15. August wead Neven Vision iwanumma. Neven Vision ghean Patente im Bereich Biometrische Gsichtserkennung und Objekterkennung. [29] [30]
  • Am 1. Novemba iwanimmt Google as Wiki-Startup JotSpot Inc.. Späda wead do draus Google Sites. [31]
  • Am 18. Dezemba hod Google de Schweiza Kortnfirma Endoxon teiweis kafft.

[dro werkln] Einfiarung neia Produkte

  • Vom 12. Aprui o woa da Google-Kalenda Google Calendar ois Beta vaeffentlicht. Damit homs MSN und Yahoo konkurrenziad.
  • Am 29. Juni hod Google as Bezoisystem Checkout eigfiat.
  • Am 30. August hod Google mit seim umstrittanan Deanst Google Books zum Runtalodn vo ned mehr urhebarechtlich gschitzta Biachl ogfangt.

[dro werkln] Sunstigs

2006 is Google zua einflussreichsten Markn vo 2005 gwäid woan.[32]

[dro werkln] 2007

Gründer Sergei Brin

[dro werkln] Akquisitiona

  • Am 13. Aprui 2007 hod Google as Online-Werbenetzwerk DoubleClick, Inc. iwanumma, oan vo de gresstn Online-Werbevamoakta, fia 3,1 Milliarden US-Dollar und hod damit unta andam Microsoft und Yahoo iwabotn [33] [34]. De DoubleClick-Technik wead späda in Google AdWords integriat. Google Inc. dominiat damit an Moakt fia Onlinewerbung mit 80 Prozent Marktantei; die Konkurrenzfirmen Microsoft und AT&T hom se deshoib an de Kartellbehärdn gwendet [35]
  • Im Aprui hod Google an schwedischn Videokonferenz-Spezialistn Marratech iwanumma [36]
  • Am 30. Mai hod da Konzern Panoramio kafft, oan Start-up, wo se af de Vabreitung geolokala Digitalfotos spezialisiat hod. De Fotos kena etz in Google Earth und Google Maps ozoagt wean.
  • Am 3. Juli hod de Firma an kalifornischen Telefondeanstleista GrandCentral Communications kafft. Do draus is as VoIP-Produkt Google Voice entstandn. [37]
  • Im Juli hod Google fia de Iwanahm vom IT-Sicherheitsdeanstleista Postini 625 Milliona US-Dollar zoid.
  • Mit da Tonic Systems [38] und Zenter [39] hod Google nach Upstartle (schaug März 2006), zwoa weidane Firman kafft, vo dena de Technik in Google Docs iwanumma wead.

[dro werkln] Sunstigs

Google deaf noch an Gerichtsurtei vom 14. Februar 2007 in Belgien de Artikel vo nationaln Tageszeitunga ned mehr vaeffentlichn und hod 3,45 Mio. Euro Gejdstraf zoin miassn.[40]. Am 23. Aprui is Google de wertvoiste Markn vo da Wejt - vor General Electric, Microsoft und Coca-Cola [41]. Drei Tage drauf hod Google aa de moastn Besucha im Internet vor Microsoft, Yahoo, Time Warner, eBay und Wikipedia [42].

[dro werkln] 2008

[dro werkln] Eifiarung vo neien Produktn

  • Im März 2008 präsentiat Google sein Deanst fia elektronische Patientenaktn Google Health.
  • Am 23. Juli 2008 gäd mit Knol a Wissnsportal in de effentliche Vasuachsphasn.
  • Im Septemba 2008 wead a eigana Brausa vorgstejt: Google Chrome.

[dro werkln] Sunstigs

Google wead exklusiva Sponsor vo oam Satellitn mitn Nama GeoEye-1, dea wo aktuelle hochauflesende Satellitnfotos fia Google Earth und Google Maps liefat.[43][44] Beim Start vo dem Satellitn woan de zwoa Google-Gründa Larry Page und Sergey Brin dabei. [45]

[dro werkln] 2009

[dro werkln] Eifiahrung vo neien Produktn

  • Seit März 2009 kena Werbekundn vo Google iwa sognennde Interest Based Ads (interessnbasiate Ozeign; Behavioral Targeting = Vahoidnsfocussiarung) Konsumentn gezuida osprecha.[46][47][48]
  • Seit Juni 2009 offariat Google mitm Produkt Google Fusion Tables Nutzan de Mäglichkeit, große Datnsammlunga in Form vo Tabejn mit ana Gräß vo bis zu 100 MB online z vawoitn.[49]
  • Seit Juni 2009 gibts a Toolkit fian Google Translator (Google Iwasetze) mit dem de Nutza komplette Dokumente vo eanan Computer hochlodn und automatisch in ondare Sprochn iwasetzn lossa.[50]

[dro werkln] Vorokindigunga

  • Google Wave is a internetbasiats System zur Kommunikation und Zammaorbat in Echtzeit, des wo im Mai 2009 vorgstejt woan is. De Entwickla stamma aus da Firmeniwanahm vo Where2 LLC aus dem Jahr 2004, aus dea wo aa Google Maps entstandn is.
  • Google Squared is a neie experimentelle Suachmaschine vo Google, de wo Suachergebnisse im Tabejnformat liefat und im Juni 2009 vorgestejt woan is. De Suachmaschine vasuacht, automatisch a Struktur in unstrukturiate Datn aum Web z bringa.[51][52][53]
  • Google Chrome OS is a Betriebssystem (zeascht amoi nur fia Netbooks konzipiat), des wo afm Linux-Kernel basiat. Easchte Geräte mit Google Chrome OS sois in da zwoatn Häiftn 2010 gebm. Google Chrome OS soi ois Open Source offariat wean.[54]

[dro werkln] Sunstigs

  • Am 31. März 2009 hod Google a eigane Beteiligungsgsejschaft mit am Risikokapital vo 100 Milliona Dollar gstartet. Des Gejd soi in erfoigsvasprechande Firmengründunga (standarddeitsch: Start-ups) aus oin Bereichn vo da Wirtschaft investiat wean. Da Schwapunkt vo de Investitiona liegt owa laut Aussog vo Rich Miner und Bill Maris vo Google Ventures in de Branchn Software, Umwejttechnik, Biotechnologie, Gsundheitswesn und Internettechnologien fia Vabraucha.[55] [56] [57]

[dro werkln] Werbung und Finanziarung

Googleplex
Geschäftszoin [2]
Joahr Umsatz
in Mio. Dollar		 Gewinn
in Mio. Dollar
2008 21.795 4.282
2007 16.503 4.203
2006 10.604 3.078
2005 6.139 1.465
2004 3.200 399,1
2003 961,9 105,6
2002 347,8 99,7
2001 86,4 7,0
2000 19,1 -14,7

[dro werkln] AdWords

Google vakaft fia beliabige Suachbegriffe s Einblendn gsponsata Links. Des nenna se Google AdWords. Des is a reine Textwerbung, de wo optisch speziej hervorghobm is, so dass da Nutza se vo de eigentlichn Suachergebnissn untascheidn ko. So wead a Werbung ozoagt, de wo inhoitli zua Suachofrog passt. Obgrechnet wead vo Google dann pro Klick. Dabei legt da Werbekunde sejm fest, wiavui ea fia an Klick zoin wui. De Hächn vom Preis bestimmt owa de Position, wann mehrare Ozoag af ana Seitn gibt (je mehr ma zoit, desto weida obm is ma). Und wann ma beispuisweis a Monatslimit festglegt, des wo ma maximal ausgebm wui, dann bestimmt da Preis aa, wia oft de Ozoag eascheint.

[dro werkln] AdSense

Adsense san de Google-Ozoagn, de wo a Webmoasta af seina Hoamseitn eibindn ko, de hoasst de Ozoagn wean kontextobhängig eiblendet.

[dro werkln] Sunstigs

Google hod okindigt, si mittlfristig ned nur af Werbung im Internet beschränkn z woin, sondan aa driwa ausse z gähn. In de USA lafn scho diverse Kooparationa dazua.

[dro werkln] Produkte

[dro werkln] Toolbar

Des is a Funkzion, dé ma åwalådn und inschdalian kã und mid dé Browser Firefox und Internet Explorer funkzioniad und im Browser a zusezliche Weakzaiglaistn âifügt mid ana Google Suach Box, am Phishing Schuz, Pop-Up Blocker und a da Meglichkait fia Laid mid aigena Intanetsaitn, das ma Button måcha kã.

[dro werkln] Calendar

Des is a Online Kalenda zum Fawåitn fu de peasönlichn Termine, mid Earinnarungsfunkzion. Kã ma sogoa auf Hendis fawendn. Dé Funkzion is åwa datnschuzmessig umschdridn, wai natiali dãn foi fü Infoamazion iwa õan søwa aufn Google Server gschbaichat is.

[dro werkln] Picasa Web Albums

Des is a Ãwendung, wo ma søwa gschossene Fotos online schdøn kã und Web Albums måcha kã. Dea Service is in Google integriad woan, wia s 2004 de Fiama Picasa kauft hãm.

[dro werkln] Blogger

Des is a Sisdem zum Easchdön und Beoawatn fu Blogs, des 1999 fu da Fiama Pyra Labs eafundn woan is. 2003 håd Google Pyra Labs kauft. 2006 is de naichasde Blogger Version in da Betawariantn aussakema, mid dea a engültig ole User auf dé Server fu Google tranfariad woan san. Mid Blogger kã ma entweda Blogs auf blogspot.com easchdön oda de Sofware benuzn fia Blogs, dé ma auf aigene Domains hosted.

[dro werkln] News

Google News is a Funkzion, mid dea ma dé naichastn Nåchrichtn aus online Zaidungen duachfoastn kã bzw. saine aigenen Intaressensgebite âischdön kã, zu dénan ma Infoamzionen und Naiigkaitn håm mechad. Funkzionad a auf Hendis.

[dro werkln] Scholar

Des is a bsondare Suachfunkzion fu Google, mid dea ma schbeziel nåch wissnschåftliche Artikl und uniweasiteare Zaidschriftn, Diplomoawaitn, Disseatazionen usw. suachn kã. Funkzioniad jez a auf Daidsch.

[dro werkln] Gmail

Gmail is da Webmail Service fu Google, dea am 1. Abrü 2004 gschdart woan is. Zu dea Zaid woan Hotmail und Yahoo-Mail de waidast fabraitadstn Webmail Services, und wia Google ãnkündigt håd, das baim Gmail a jeda User â Gigabyte Webspace håd, hãm de mearan Laid glaubt, dés is a Abrüscheaz - foa oim, wai Google schã efda am 1. Abrü klõane Pflanzarain gmåcht håd. Désmåi wo dés åwa eanst gmõand, und mitlaile håd jeda User sogoa zwà Gigabyte Webspace gratis dabai (fia Attachments, gschbaichate e-Mails, usw.)

[dro werkln] Talk

Google Talk is a Voice over IP Program, so endlich wia Skype.

[dro werkln] Google Video

Google Video is a gratis Hosting fu Videos und glaichzaitig a a Suachmaschin fia ole Videos im gãnzn Intanet. Dé Funkzion wü kloarawais Youtube a weng in Eafoig schdraitig måch und håd désweng a boa Foataile, damid s User ãnlokn. Bai Google Video is de Auflösung gressa und ma kã lengare Videos aufilådn (bai Youtube is fia noamle User dés Limit zehn Minutn).

Im Nowemba 2006 håd Google Youtube iwahaupst komplet kauft und dén Service in Google Video integriad. Youtube is åwa a waidahin nu unta saina Domain aufruafboa. Mea unta Youtube.

[dro werkln] Google Maps

Mid de Google Maps håd dé Fiama zum easdn Måi ãgfãngt, Lãndkoatn und Satelitnfotos ois Service zum ãnbitn. Google Maps funkzioniad im Intanet Browser und ma braucht kõa Software åwalådn und nix inschdalian. Am Ãfãng woa s Koatnmatrial auf de USA bschrenkt, åwa mitlawaile kã ma si de gãnze Wød ãschaun, dailwais in foa hocha Detailschdufn. Saitdém s åwa s Google Earth gibt, is dés Intaresse an Google Maps a weng zrukgãnga.

[dro werkln] Google Earth

Is a virtueller Globus, bai dém ma si Satelitnfotos fu da gãnzn Wød ãschaun kã. Dea revoluzioneare naiche Service håd auf da õan Saitn fü begaistate Fans kriagt und is auf da ãndan Saitn a heftig kritisiad woan, wai jez a jéda detailiataste Infoamzionen iwa jédn Oat fu da Wød aussafindn kã, zum Baischbü wo genau milidearische Ãnlågn san, wia a Flughåfn fu om genau ausschaud, wo de Zufoatswége zu beschdimte Gebeude und Schdådfiatl san, usw. Foa oim in dé USA, åwa a in ãndare Lenda håds då Diskusionen gém, ob dés néd fu Kriminele und Terroristn misbraucht wean kintad. Fia Google Earth muas ma si a aigens klõans Program åwalådn und inschdalian.

Google Earth fawent Satelitnfotos, dé öfentlich zuagenglich san, zum Beispüi fu da NASA, da airopeischn Raumfoatbehöade und ãndare private Ãnbita, und fabinz zu ana flechndékendn Åbbüdung fu da gãnzn Wød. Dé Auflösung is åwa néd iwaroi glaich, zum Beispüi is in Ésdaraich de Detailiadhaid néd so hoch wia in Daidschlãnd, aussa in grose Schdete wia Wean und Såizbuag. Mea unta Google Earth.

[dro werkln] Google Moon

Dés is déssøwe wia Google Earth, neta das ma si då dé Owaflechn fum Mond ãschaun kã.

[dro werkln] Google Mars

Dés is déssøwe wia Google Earth, neta das ma si då dé Owaflechn fum Mars ãschaun kã.

[dro werkln] Fiamenfilosofi

Büd fum Google Developers Day 2007

Die Fiama Google Inc. is a bsondas dafia bekãnt, das doat de Untanemenskultua und dés Fiamenklima nu oiwai so is wia bai ãndare Fiamen ind da Zaid fum grosn Intanet-Boom. Dés Motto fu Google is "Don't be evil", dés hoast, ma soid néd unfraindlich zu dé Kolegn, de Kundn und dé User sai, åwa a ned ådrad und hintalisdig, wia s sunst im Gscheftslém oft da Fåi is. Drai Richtlinien, dé dé Fiama eanare Ãngschdödn midgibt, san zum Baischbü: "You can make money without doing evil" (Ma kã Gød fadina, one das ma bes sai muas), "You can be serious without a suit" (Ma kã eansthåft sai, one das ma an Ãnzug ãhåd) und "Work should be challenging and the challenge should be fun" (Oawad soid a Hearausfoadarung sai und a Hearausfoadrung soid Schbas måcha).

Õan Dåg fu da Oawadswocha håd jéda Ãngschdöde zua frain Fafügung, an dém a in da Fiama dõa kã, wås a wü - zum Baischbü bai intresante Projekt fu ãndare Åbtailungen middõa oda aigene Projekde ausprowian, etc. Daduach soin a nu mea Inovazionen entschdê wia sunst e schã. Google is åwa a kritisiad woan, wai zum Baischbü mãnche Sisdem Administratoan im Joa neta 35.000 US-Dollar fadinan, wås bai de daian Brais in Kalifoanien goa ned fü is. An Haufn Midoawata fu Google hãm åwa alõa schã déswéng a guads Gød gmåcht, wais néman Gehåit a nu Akzien kriagt hãm, dé in de lezdn Joa wansinig hoch gschding san.

Nåchn Börsngãng fu Google im August 2004, bai dém de zwoa Gründa, da Larry Page und da Sergey Brin, iwa Nåcht zu Multimilionean woan san - zumindest am Papia - hãm dé zwoa komplet auf a Gehåit fazicht und griang saitdém neta a pro-forma-Gehåit fu õam Dollar pro Monad.

[dro werkln] Manipulation vo de Suachergebnisse

Wei Google so a Beideitung hod, wiad aa imma wieda vasuacht de Suachergebnisse zum Manipulian. Dazua wean Technikn eigsetzt wia Brucknseitnn, Vaweisplantagn (neideitsch "Linkfarmenen oa Tarnseitn (neideitsch: Page-Cloaking) eingsetzt.

Aa Google-Bomben ghean dazua. De Technik is voa oim im Zammahang mitn ehemolign amerikanischn Präsidenten George W. Bush bekannt woan. Da Suachbegriff „miserable failure“[58] (boarisch: „voiständiga Vasoga“) is vo Bush-Gegnan mit seina Hoamseitn vaknipft woan. Google hod gegn de Foam bo Manipulation ogeblich etz Fuita eibaut.

Manipulationen, de wo an Rang vo da Netzseitn (neideitsch Ranking) vabessan soin, wean Google-Spamming gnennt. De Vasuache konkurriarende Netzseitn aus da Google Ergebnislsite aussezdränga wean Google Kegln (neideitsch: Google Bowling) gnennt.

Um an Missbrauch schwaa z mocha, ändat Google ständig de Suach-Algorithmen, de wo de Prioritäten festlegn.

[dro werkln] Kritik

Google wiad voa oim untransparente Zensur - ohne nochvoiziagbore Ogobm - und Datnschutzvaletzunga voagwoafa. Grod im Hiblick af a zua Zeit fost monopoloatige Marktstellung san de Voawiafe graviarend.

[dro werkln] Filtarung in Deitschland

Scho seit a poa Joah san Suachergebnisse vo Google in Deitschland bereinigt. Gfiltat wean olle Inhoite, wo jemand bei Google a Infringement Notification (nochm us-amerikanischn Digital Millennium Act eireicht.[59] Um wiavui Seitn sis dabei handlt is genauso wenig bekannt wia ob aa andare Inhoite, wia kinderpornografische oda extremistische beispuisweis, zensiat wean.[60][61]

Da Nutza wiad iwa an Hiweis af de Filtarung vo de Suachergebnisse „aus Rechtsgründen“ afmerksam gmocht. Dabei wiad drauf vawiesn, dass „von einer zuständigen Stelle in Deutschland mitgeteilt wurde, dass die entsprechende URL unrechtmäßig ist“. Wäiche zuaständige Stäi des is oda afgrund wäicha gsetzlichn Grundlog de Entfernung eafoigt, wiad ibahapts ned ealaitat[62]

[dro werkln] Datnschuz

Google sãmit ole Datn fu de Suachãnfrågn fu eanare User, damid s eanan Service fabessan kinan. Mãnche Mechanismen funkzionian neta déswéng so guad, wai Google unglaubliche Datnmengen håd, mid denans eanare Algoritmen fabessan kinan. Zum Baischbü des Tool zum Ausbessan fu Tipfela funkzioniad aso, dé Raiung fu de Hits wiad a fu dé Datn beainflus (auf den Drefa, wo de Laid am ehastn hîklikn, dea wiad dãn waida nåch om graid) und a dés automatische Iwasezungstool funkzioniad duach Faglaich fu dé gsãmitn Datn.

Wai Google de Datn åwa praktisch unendlich lãng schbaichan kã, is a dé Gfoa fu am Misbrauch gém. Entweda das Google søwa Laid ausschbioniad, dass dé Datn an ãndare Fiamen fakaufn, oda das Regiarungen fu mãnche Lenda - a dé USA mid eanare Anti-Terror-Gsez - Google zwinga kintadn, de Datn zum aussaruka. So an Fåi håd s zwoa dawai nu nia gém, zumindest is nix publik woan, åwa alõa schã de Meglichkaid beunruigt so mãnche Laid.

[dro werkln] Fåischinfoamazion

Bai dé Suacheagebnis in Google wiad natiali ois aufglist, wås unta am beschdimtn Begrif im Intanet zum finden is. Då is natiali a an Haufn fåische Infoamazion dabai, oda rassisdische Intanetsaitn, Saitn mid earotische Inhåite, Faschwörungsteorin, ois. Google håd grundsezlich kõan Füta âibaud, dea so wås aussafütat. In mãnche Lenda is Google åwa fum Gsez hea fapflicht, mãnche Intanetsaitn oda gãnze Sever zum schbean. In Daidschlãnd kã ma zum Baischbü mãnche Nazi-Saitn néd iwa Google findn.

Google-Zentrale in Peking, Kina

[dro werkln] Terror

Foa oim da Service fu Google Earth håd ainige Regiarungen und doat foa oim de Gehaimdinst und s Milidea aufhoacha låssn. Dé woan iwahaupst néd fro driwa, das auf õa Måi jéda, dea an Intanet-Zugãng håd, fåst genau so guade Satelitn-Fotos si ãschaun kã, wia foahea neta sé. Es is oft gsågt woan, das mid Google Earth auslendische Schbion und a Terroristn gãns laicht Infoamazionen aussagriang kinan und Sabotasch oda an Ãnschlåg plana kinan. Said am Zaidl håd Google ãngfãng, das beschdimte hoagliche Objekde auf Google Earth åbdékt san oda nima in ana guadn Auflösung zum seng san. Dés widarum håd ãndare Laid gschdiad, dé glai wida "Zensur" gschrian hãm.

[dro werkln] Moaktotei und Moaktbeheaschung

Google is de gresste Suachmaschin vo da Wejt und hod a moaktbeheaschende Stejlung. Nach joarelanga Steigarung vo de Moaktotei mocht se 2009 easchtmois a iwaroschnda Gegntrend bemeakboa. Google dominiat an Leitmoakt USA owa noch wia voa. 64,7 Prozent vo de Suachofrogn laffn iwa Google, Yahoo is mit 19,3 Prozent weit obgschlogn afn zwoatn Plotz. Microsoft hod mit Bing im Juli 2009 scho an Moaktotei vo 8,9 Prozent erreicht, Tendenz steigend. Wejtweid hod Google sogoa oan Moaktotei vo 78,5 Prozent, in Deitschland iwa 80 Prozent. International mocht se Bing no ned so bemeakboa, dafia de chinesische Suachmaschin Baidu.[63]

[dro werkln] Schau a unta

[dro werkln] Belege

[dro werkln] Drucksocha

  • Tara Calishain, Rael Dornfest: Google Hacks. 100 Insider-Tricks & Tools O'Reilly, Beijing 2003, ISBN 978-3-8972-1362-3.
  • Marcel Machill, Markus Beiler, Martin Zenker: Journalistische Recherche im Internet. In: Schriftenreihe Medienforschung der Landesanstalt für Medien Nordrhein-Westfalen. Bestandsaufnahme journalistischer Arbeitsweisen in Zeitungen, Hörfunk, Fernsehen und Online 60, Vistas, 2008, ISBN 978-3-8915-8480-4 (http://www.lfm-nrw.de/downloads/veranstaltungen/zus-jourrech.pdf).
  • Anja Sauerwald, Michael Weckerlin: Google-Suche & Google Earth. 2. Auflage. Knowware, 2007, ISBN 978-8-7913-6434-1.
  • David A. Vise, Mark Malseed: The Google Story. Bantam Doubleday Dell, New York 2005, ISBN 978-0-5538-0457-7.
  • Gerald Reischl: Die Google-Falle. Die unkontrollierte Weltmacht im Internet 5. Auflage. Carl Ueberreuter Verlag, Wean 2008, ISBN 978-3-8000-7323-8.
  • Lars Reppesgaard: Das Google-Imperium. Murmann-Verlag GmbH, Hamburg 2008, ISBN 978-3-8677-4046-3.
  • Kai Lehmann, Michael Schetsche, Die Google-Gesellschaft. Vom digitalen Wandel des Wissens, (2. Auflage), Bielefeld: transcript 2007, ISBN 978-3-89942-780-6

[dro werkln] Netzseitn

Commons: Google – Buidl, Videos und/oda Audiodatein
WikiNews
 Wikinews: Google – Nåchrichtn
Wikiquote: Google – Zitate
Wiktionary: Google – Bedeitungserklärunga, Wortherkunft, Synonyme und Iabasetzunga

[dro werkln] Hoamseitn

[dro werkln] Artikl iwa Google

[dro werkln] Presseberichte

[dro werkln] Oanzlnochweis

  1. ↑ Erstmals Stellenabbau bei Google, 8. Januar 2009
  2. ↑ 2,0 2,1 heise.de: siehe Tabelle unten
  3. ↑ Google announces fourth Quarter and Fiscal Year 2007 Results , 31. Dezember 2007, englisch
  4. ↑ Google-Unternehmensinformationa
  5. ↑ Die teuersten Marken der Welt. 2. Teil: Die komplette Rangliste – was die Top-100-Marken wert sind. Auf: Spiegel Online, 21. April 2008.
  6. ↑ "Der Triumph der grossen Zahl". Neue Zürcher Zeitung. 2008-04-25. http://www.nzz.ch/nachrichten/medien/der_triumph_der_grossen_zahl_1.718652.html. Retrieved on 2008-05-06. 
  7. ↑ Peter Zschunke: Googeln im neuen Duden. Artikel bei Stern.de http://www.stern.de/computer-technik/computer/?id=529233 Abgerufen am 7. Februar 2007
  8. ↑
    Wiktionary: googeln – Bedeitungserklärunga, Wortherkunft, Synonyme und Iabasetzunga
  9. ↑ LEO D-E Ergebnisse für "google". ([1] ; Stand: 2008-02-08).
  10. ↑ Nie mehr "googeln? - NachrichtenWebwelt - WELT ONLINE. ([2] ; Stand: 2008-02-08).
  11. ↑ "Der Triumph der grossen Zahl". Neue Zürcher Zeitung. 2008-04-25. http://www.nzz.ch/nachrichten/medien/der_triumph_der_grossen_zahl_1.718652.html. Retrieved on 2008-05-06. 
  12. ↑ John Battelle: The Birth of Google. In: Wired Magazine, August 2005.
  13. ↑ "Googeln wie ein Gott" mz-web.de 14. September 2008
  14. ↑ Offizielle Unternehmensgeschichte von Google, 8. Februar 2008
  15. ↑ „Google, ein 100.000-Dollar-Missverständnis“, Heise online, 7. September 2008
  16. ↑ Google Acquires Usenet Discussion Service and Significant Assets from Deja.com
  17. ↑ [3]
  18. ↑ Google kauft Applied Semantics
  19. ↑ Google Buys Applied Semantics
  20. ↑ Google Acquires Picasa
  21. ↑ Google Acquires Keyhole Corp
  22. ↑ [4] Google Agrees To Acquire Urchin
  23. ↑ VentureBeat: Google Acquires Dodgeball
  24. ↑ Where Are You? Show ‘Em With Google Latitude
  25. ↑ VentureBeat: Google Acquires Dodgeball
  26. ↑ BusinessWeek: Google Buys Android for Its Mobile Arsenal
  27. ↑ Official Google Blog: A new home for @Last Software
  28. ↑ tagesschau.de: Google schluckt Videoportal YouTube
  29. ↑ heise Telepolis: Die Welt als Bild
  30. ↑ Official Google Blog: A better way to organize photos?
  31. ↑ heise.de Google übernahm Wiki-Startup JotSpot
  32. ↑ heise.de: Google zur "einflussreichsten Marke" 2005 gewählt
  33. ↑ [5] Google kauft DoubleClick für 3,1 Milliarden US-Dollar
  34. ↑ golem.de: Google kauft DoubleClick für 3,1 Milliarden US-Dollar
  35. ↑ spiegel.de: „Google und DoubleClick würden zusammen mehr als 80 Prozent der Werbung umschlagen, die ein Internet-Nutzer sieht, wenn er eine Website ansteuert, argumentierten sie.“
  36. ↑ heise online – Google übernimmt schwedischen Videokonferenz-Spezialisten
  37. ↑ heise.de: Google integriert GrandCentral als Google Voice
  38. ↑ Official Google Blog: We're expecting
  39. ↑ Official Google Blog: More sharing
  40. ↑ BuchMarkt 3/2007, S. 25
  41. ↑ spiegel.de: Ranking. Google ist wertvollste Marke der Welt, 23. April 2007.
  42. ↑ spiegel.de: fia März 2007: „1. Google (528 Millionen Besucher) 2. Microsoft (527 Millionen Besucher) 3. Yahoo (473 Millionen Besucher) 4. Time-Warner (272 Millionen Besucher) 5. Ebay (256 Millionen Besucher) 6. Wikipedia (212 Millionen Besucher)“
  43. ↑ netzwelt.de: Geoeye-1: Googles Satellit liefert erstes Bild
  44. ↑ silicon.de: Google wirft ein GeoEye-1 auf Earth
  45. ↑ theinquirer.de: Google sieht dich – jetzt noch schärfer
  46. ↑ AdSense Blog: Höhere Einnahmen durch maßgeschneiderte Anzeigen
  47. ↑ golem.de: Behavioral Targeting bei Google AdSense und Youtube
  48. ↑ sueddeutsche.de: Personalisierte Werbung – Google weiß, wo du surfst
  49. ↑ Google Inc.: Google Fusion Tables
  50. ↑ Google Inc.: Google Translator Toolkit
  51. ↑ Google Labs: Google Squared
  52. ↑ Techcrunch: What Is Google Squared? It Is How Google Will Crush Wolfram Alpha (Exclusive Video)
  53. ↑ heise online: Google Squared ist online
  54. ↑ Chrome OS: Google bringt ein eigenes Betriebssystem. Heise Online. 8. Juli 2009, abgerufen am 8. Juli 2009.
  55. ↑ WirtschaftsBlatt.at: Google Ventures verteilt 100 Millionen an Start Ups
  56. ↑ ZDnet: Google startet Beteiligungsgesellschaft Google Ventures
  57. ↑ Google Blog: Google’s newest venture
  58. ↑ Google-Suche: miserable failure. ([6] ; Stand: 2008-02-08).
  59. ↑ Google: Digital Millennium Copyright Act (DMCA) – Benachrichtigung über eine Urheberrechtsverletzung in der Websuche und allen anderen Produkten.. Abgerufen am 19. April 2009.
  60. ↑ Sascha Zäch: Google zensiert Suchresultate. PCtipp. 24. Oktober 2002, abgerufen am 19. April 2009.
  61. ↑ Burkhard Schröder: Google filtert: Zensur bei Suchmaschinen und jugendschutz.net. Telepolis. 22. Juli 2002, abgerufen am 19. April 2009.
  62. ↑ German regulatory body reported illegal material. 14. Dezember 2005, abgerufen am 19. April 2009.
  63. ↑ persoenlich.com - s Onlineportal vo da Schweiza Kommunikationswirtschoft (obgruafa am 29. August 2009
Fairytale bookmark silver op.png
Fairytale bookmark silver op.png
Der Artikl gheart zu de berign Artikl in da boarischn Wikipedia.
Fairytale bookmark silver op.png
Vu „http://bar.wikipedia.org/wiki/Google“
Peasönliche Weakzeig