Zürich
Aus Wikipedia
Zürich is de greaßte Stoodt vo da Schweiz und die Hauptstood vom Kanton Zürich, Stood und Kanton hoaßen beide gleich. In da Stood lehm ca. 370.000 Leid, im ganzen Kanton ca. oane Million. Von dene 370.000 hom 110.000 koan schweizer Pass. Die meisten Zuagroasten san Deitsche, gfoigt vo Italiener. Ma sogt, in Zürich is des Witschaftzentrum vo da Schweiz.
A Studie hod ergebn, dass Zürich die Stood mit da hechsten Lehmsqualität auf dera Weid gwen is. Oba 2009 is damid gor gwen: Jetza is Wean de Stod mit da hechstn Lehmsqualität.[1] Die Limmat fliaßt durch Zürich und laaft in Zürichsee eini, der mitten in der Stood liagt. Da Bahnhof is da greaßte von da Schweiz, und angeblich da am meisten benutzde von da ganzen Weid.
De Leid redn untaranand Zürideitsch. Im September hams as Knabenschiaßen, do werd da beste Schütze unter de junga Buam ausgschossen. Ende April gibts as Sächseleitn, a oide tradionelle Zunftfeier, do werd da „Böög“, da symbolische Winta verbrannt und da Frühling ko kimma. Des greaßte Technofestl vo Europa steigt a do, de Streetparade. Des is jeds Jahr und es kemma knapp oane Million Leid. In Summa hods no so einige Festl, z. B. des „el caliente“, a südamerikanisches Festival, a des greaßte seinera Art in Europa.
[dro werkln] Quelln
