Zweagplanet is ane vo de Klassn vo Himmeskeapan im Sunsystem, wo se af oana Umlaufboh um de Sun bewegn. De Klassifiziarung kimmt vo da Internationalen Astronomischen Union (IAU) und stammt vom 24. August 2006. A Zweagplanet is demnoch a Himmeskeapa, wo wiar a Planet gnua Massn hod, um des hydrostatische Gleichgwicht z earreichn (d.h. de Foam vo oana Kugl z hom; Ausnohm is de Vafoamung duach Eignrotation), owa im Untaschied zum Planetn sei Umlaffboh vo andan Objektn net weitgehend freigraamt hod. Zweagplanetn aussahoib vo da Neptunboh nennt ma Plutoidn. Nem de Planetn und Zweagplanetn gibts no de Kloakeapa (Asteroidn und Kometn) ois dritte Klassn vo Himmeskeapan, wo si um de Sun bewegn.
[drå werkln] Klassifiziate Zweagplanetn
- Zweagplanetn im Asteroidengiatl
- Ceres
- Transneptunische Zweagplanetn
Es gibt an Haffa Kandidatn fia de Klassn vo de Zweagplanetn, sowoi im Asteroidngiatl (eppa Vesta, Pallas, Hygiea) wiara im transneptunischn Bereich (eppa Orcus, Quaoar, Sedna oder Varuna). Die IAU hod okindigt in de "nextn Monat und Joarn" weidane Zweagplanetn festzlegn.
