Nutza:Luki/Kini 8 Hiasch-Jagua Kroin

Aus Wikipedia
Der Artikl is im Dialekt Owaöstareichisch gschriem worn.


Da Kini 8 Hiasch-Jagua Kroin, dt König 8 Hirsch-Jaguar Kralle woa da oanzige Mixteknheascha de de Mixtekn unta seina Fiarung vaeint hod. Da Kodex Nuttal bschreibt sei Lebm und seine Totn, agfaungd vo seine Ötan bis za sein Tod.

Da Kodex (Zouche) Nuttal, Ausn Britischn Museum

Sei Jugand[Werkeln | Am Gwëntext werkeln]

Ea is 1063 af d`Wöd kema. Sei Vota 5 Krokodü woa da Owapriesta vo Tilantongo. Dea Stodschtoot woa ana da wichtigstn da Mixtekn. Vamuatli hod scho sei Vota de Hochlaundmixtekn im Sidn vaeinign kena. Ois sei Vota da 5 Krokodü mid 61 Joa gschtuam is woa da 8 Hiasch 18 Joa oid. In an Kodex schteht das ea scho mid 8 Joa an Födzug midgmocht hed.

Sei Aufkemma[Werkeln | Am Gwëntext werkeln]

Af dem Büdl hod da 8 Hiasch-Jagua Kroin de 11 Seapentin Bleamal gheirat. Daduach is a da machtigste Mau in da Mixtec-Alta wuan. Ausn Kodex Vindobonensis.

Im Oita vo zwanzg Jahrln, hod a mid seina Valobtn da Prinzessin 6. Off, de a de Eabin vo da Schtod Jaltepec gwest woa, a wichtigs Heiligdum afgsuacht. Do haums daun de Priestarin Cihuacoatl () Gros) um Rot und Hüf bitt. De hod in 8 Hiasch an de Pazificküstn gschickt za Schtod Tututepec und deran Heascha is a daun a wuan. Aus uns heid ned bekauntn Gründ hod a sei Valobte ned heiratn kena. De hod se daun mid sein schpodan Feind und Gegna 11 Wind vaheirat. Dea 11 Wind woa söwa fuahea mid an Hoibschwesta vom 8 Hisch vaheirat. Ea hod a oanige vo seine Hoibbriada umbringa lossn

Da 8 Hiasch söwa woa mid mera Wiwal vaheirat. Scho alloane aus mochtpolitischn Gründ. Wos owa ned beiflußt hod. Den noch Eaowarungen is a mid de Famülin seina Autrautn ned zimpalig um. So maunchn seina augheiratn Vawauntn hod a iwa de Kling schpringa lossn. Laud de Afzoachnungan im Kodex soi ea 94 gressare Oat und Schtäd eaowat hom. Nu Aundare hom se glei eagem.

8 Hiasch und da Toitekn-Chichimeknheascha 4 Jagua.

Im Joa 1097 hod a se mid de Toltekn unta eanan Heascha 4 Jagua. Des miassatn owa scho de Toitekn-Chichimekn gwest sei, de noch Zafoi vo Tollan vo de Olmeca-Xincalanga den Schtodschtoot Cholula (Cholollala) eaowat haum. Bei de Toltekn-Chichimekn is da 8 Hiasch in deran Listn vo de eignan Nowön (dt. Noblen) eitrogn und de haum na aa mid an Nosnschmuck aus Türkis auszoachnt. So intaschtizt is a in sei Gbuatsschtod Tlantongo zruckkema. In dea is ea a daun mid sein vü ödan, eam treu eagemna Hoibbruada 12 Eadbebn, endli a za deran Heascha eigsezt wuan.

Mid eanane Kriaga san daun de zwoa Briada und da Toltekn-Chichimeknheascha daun in Sidostn owi zogn, vamuatli af Raubzüg oda goa af Eaowarungan aus bis in Nuadyucatan bis za de Maya.

Sei End[Werkeln | Am Gwëntext werkeln]

De Soatn 22, ausn Kodex Nuttal

Umbrocht is da 8 Hiasch 1115 vom 4 Wind, Dea a Suhn vo seina easchtn Valobtn 6 Off woa, de daun speda den Gegna vom (( Hiasch, den 11 Wind gheirat hod. Vamuatli woa da 8 Hiasch scho a rechta Despot, weu bei dem Mod aun eam, haum em 4 Wind mera Fiaschtn intaschtizt. Da 4 Wind hod daun zwoa Techta vom 8 Hiasch gheirat. Es woan domois scho a wengl vazwickte Vawaundtschoftsvahötniss!

Schaug aa[Werkeln | Am Gwëntext werkeln]

Mixtekn

Litaradua[Werkeln | Am Gwëntext werkeln]

  • Berthold Riese, Das Reich der Azteken- Geschichte und Kultur. C.H.Beck, Minga, 2011.ISBN 978-3-406-61400-2
  • Jansen, Maarten (1998). «Monte Albán y Zaachila en los codices mixtecos». En Maarten E.R.G.N. Jansen, Peter C. Kröfges, and Michel R. Oudijk (eds.). In The Shadow of Monte Albán: Politics and Historiography in Postclassic Oaxaca, Mexico. Leiden, Netherlands: Research School CNWS (Leiden University School of Asian, African and Amerindian Studies). ISBN 9-057-89006-2. OCLC 40511286.
  • Jansen, Maarten (2003) (PDF). Monument en verhaal in het land van de Regengod. Amsterdam: Koninklijke Nederlandse Akademie van Wetenschappen (KNAW). ISBN 906984382X. OCLC 66724118.
  • Jansen, Maarten (2004). Renaming the Mexican Codices. 15. pp. pp.267–271. doi:10.1017/S0956536104040179. ISSN 0956-5361.
  • Pohl, John M.D. (n.d.). «Ancient Books: Mixtec Group Codices». John Pohl's Mesoamerica. Foundation for the Advancement of Mesoamerican Studies, Inc (FAMSI). Consultado el 21-08-2007.
  • Pohl, John M.D. (2002). The Legend of Lord Eight Deer: An Epic of Ancient Mexico. Oxford; New York: Oxford University Press. ISBN 0-195-14019-2. OCLC 47054677.
  • Spores, Ronald (1967). The Mixtec Kings and Their People. Norman: University of Oklahoma Press. ISBN 0-8061-1091-0.


Im Netz[Werkeln | Am Gwëntext werkeln]


Kategorie:Geschichte Mittelamerikas Kategorie:Indianische Kultur

Voh „https://bar.wikipedia.org/w/index.php?title=Nutza:Luki/Kini_8_Hiasch-Jagua_Kroin&oldid=592322“