Nutza:Luki/Rakousko

De jingare Buag in Raabs

Eabaungsphasn dea neichn Buag

S`Woppn vo da Stod Raabs an da Taya

Rakousko is a oida Naum fia Östareich. De Sidslawn sogn za Östareich Austrija und za de Östareicha Austrijanac. Owa wiaso nennans de Tschechn Rakousko und Rakusan?

Vuagschicht

Im Joa 788 hod da Franknkini Koal da Grosse den Baiern-Heazog Tassilo III ogsezt. Ums Heazogtum Baiern nei zoadnan und fia de frenkischn Zweck nei za oaganisian, is ra deswegn fost 3 Joa in da bairischn Haubtstod Rengschburg blim. 791 hod ea daun sein alemannischn Schwoga Gerold II ois Regentn (Präfekt) in Baiern eigsezt. Ois eea 799 im Kaumpf gegn de Awarn in Panonien gfoin is, hod da Koal da Grosse in Baiern zwoa Präfektn eigsezt. Oan fias bairische Keanlaund und Oan fias bairische Ostlaund. Baiern is eam vamuatli zgroß wuan, um in oana Haund zbleim.

Unta da Fiarung vo dena eanane Owagrofn san de aundan frenkischn und bairischn Grofn gstaundn. Owa aa de Fiaschtn vo de mea oda weniga ohängign Vöka. Za dene hom aa de Mähra im heidign Osttschechien gheat.

Ra(t)couz

Cosmas de Praga, dea Autor vo dea Chronica Bohemorum

In oana Thayaschleifn (Fluss) is scho aa Hoizbuag gschtaundn, de wo vo Slawn bsidlt woa. Im leztn Drittl vom 11 Joahundat is s ois Stoabuag ausbaut wuan. In da Chronica Bohemorum (ummas Joa 1100) is de Stod Raabs ois Castrum Racouc augfiad wuan. A frenkisch-bairische Grenzgrof dea Buag hod Ra(t)couz ghoassn. Und seine Mauna woan daun Umgaungsschprochle de Rakousi. De Bzoachnung muaß owa scho im 9 Joahundat in de friae Fuam vom Tschechischn iwanumma wuan sei. Vo de Tschechn homs de Soabn im Westn und de Slovakn im Ostn daun aa iwanumma. Nua bei de drei slawischn Vöka hoassn de Östareicha = Rakusan und Östareich = Rakousco. Iwasezt hoassts oafoch, de Raabsa, oda de Leid hinta da Stod Raabs.

Litaradua

• Kugler Georg/Wolfram Herwig; 99 Fragen an die Geschichte Österreichs. Verlag Ueberreuter, Wien 2009, ISBN 978-3-8000-7424-2

Im Netz

• http://www.raabs-thaya.gv.at/tourismusfreizeit/sehenswertes/burgraabs.html
• http://www.waldviertel.at/de/default.asp?id=79313
• http://www.wehrbauten.at/noe/niederoesterreich.html?/noe/raabs/raabs.html
• http://altemauern.heimat.eu/n_raabs.htm
• http://bifrost.it/SLAVI/Fonti/Praga-1.html
• http://www.geschichtsquellen.de/repOpus_02630.html
• http://librosybibliotecas-codexgigas.blogspot.co.at/2009/10/cosmas-de-praga-chronica-bohemorum.html