Zum Inhalt springen

Nutza:Luki/Vom fufzehnt bis zan zworafufzigstn Lebmsjoa

Aus Wikipedia
Der Artikl is im Dialekt Owaöstareichisch gschriem worn.

Im vom fufzehntn bis zan zworafufzigstn Lebmsjoa, vom fünfzehnten bis zum zweiundfünfzigsten Lebensjahr, wean de wichtign Oschnitt im Lebm vo de Aztekn a wengl bschrim, bis se 52 Joa oid wuan san. Owa a wauns Heiratn hom deaffa.

Vo 15 bis umma 30 Joa

[Werkeln | Am Gwëntext werkeln]

De Madln san do mid 15 scho vaheirat wuan. De Beaschn san nebm de schulischn Afgom in da Telpuhcalli (Grundschui) a scho fia Oawatn an de Kaneu, Wossaleitungan und Tempöumbautn aughoitn gwest. Bei de Kriagszig woans mera ois Träga fian Tross eideut gwest.

Waun de Madln mid 14/15 Joa aus da Schui austretn san oda de Buam in easchtn Födzug zogn san, is in da Schui a Feschtl okoidn wuan. De Ötan dea Kinda hom Gschenk midgnumma des ois Daunkscheen in Schuileita iwagem hom. Daun san de junga Schuiogenga nuamoi vo de Owaprista und eanane Ötan bleaht wuan, wia Se in da Zuakunft Lebm und se Vahoitn soin, foigsaum, bscheidn und reschpektvoi.

  • A Deandl leands Kocha.
    A Deandl leands Kocha.
  • Ausn Kodex Mendoza
    Ausn Kodex Mendoza
  • Eante- und Transputowadn.
    Eante- und Transputowadn.

In da Calmecac (Owaschui) haum de Odlignbeaschn scho Kriagsspü okhoidn. De Zögling hom a scho in de Bleamalkriag, gegn gleioitrige Gegna khempft. Midm Oita vo 19/20 Joa is daun weidagaunga. Entweda sans im Zivüdeanst oda beim Militäa untakema. Maunche san owa a nu in de hechare Pristaschui weidagaunga wos daun fia a Owapristaschto vuabroat woan san.

De Suhna vom gmoana Voik haum daun nu bis eppa zan dreißigstn Gbuatsdog Deanst aun da Gmoaheid mocha meassn. Do haums an de Großbautn goawat. Des hod da Bau vo Dammbautn, Wossaleitungan, Tempöneich und Umbautn sei kena, owa a deran Inschtaundhoitung. Natiali sans a za de Födzig eizogn wuan. Heratn homs im Ausnamsfoi ab Zwanzg deaffa. Noamalawoas eascht mid 25 bis 30 Joa. Den zeascht homs jo eana Oawatsleistung fian Schtoot und Gmoaschoft eabringa miassn. Se hom se owa a in de Kriag bweahn missn. In ana Nidaschrift schteht das da Mau eascht an Gfaungana hoambrocht hod missn um heiratn kena hod. Owa sicha iwalifat is, daß jeda Mexi`ca Kriag oda Schtrofziag midgmocht hod missn, das a heiratn hod deaffa.

De Eaowarung ana Stod ausn Kodex Zouche-Nuttall

Vo de Madln hod ma eawoat das bis in de Ehe keusch lebm. De Beaschn woas ealaubt das vua da Ehe gschlechtlige Eafoahrungan saummin. Do jo des Ane des Aundare ausschliasst hods a Gunstgweablarinnan gem. In ana Afzoachnung wead sogoa iwa Transvestitn gschrim. Ma hod se damid ogfundn, owa gsöschoftli woans ned recht Gocht. In da Ehe is vo de boadn Eheleid Treu valaungt wuan. Af Ehebruch is de Todesschtroff gschtaundn, wuascht wöchan Schtaund de Ehebrecha aukheat hom.

Iwa 30 bis 52

[Werkeln | Am Gwëntext werkeln]

Nebm eanana Obgobnpflicht haum de Mauna reglmassige Aufgom fia de Effentligkeit eabringa miassn. Reinigungsowatn fian Tempö und de Midhüf bei gressare Bauvuahom. Natiali hodms a tegli de oagne Gossn und Platz, owa a de Kaneu sauwahoitn miassn. Und bei gressare Födzig hoda a damid rechna miassn das a zan Militäadeanst eizogn wuan is.

Wauna a Odliga oda aufängli a aa fadeanstvoia Biaga (Kriagshöd)woa, daun isa a in da Zivü- oda Militäavawoitung eigsezt wuan, oda ma hodn a fia an niadaran Owapriastapostn bruaffn. A Ausnaum hom de Feanhendla- Pochteca büt. De woan vo olle Deanst bfreit, sogoa vom Militäadeanst.

Schaug aa

[Werkeln | Am Gwëntext werkeln]

Litaradua

[Werkeln | Am Gwëntext werkeln]
  • Hans j. Prem, Die Azteken. 5. Auflage 2011, C.H.Beck, Minga. ISBN 978-3-406-45835-4
  • Hanns.J.Prem, Geschichte Altamerikas. R. Oldenburg Verlag, Minga 2008. ISBN 978-3-486-53032-2
  • Rudolf Pförtner/Nigel Davids, Alte Kulturen der neuen Welt. Econ Verlag, Wean 1980.
  • Berthold Riese, Die Maya. C.H.Beck-Wissen, Minga, 6.Auflage 2006. ISBN 978-3-406-462641
  • Berthold Riese, Das Reich der Azteken- Geschichte und Kultur. C.H.Beck, Minga, 2011.ISBN 978-3-406-61400-2
  • Nigel Davies: Die Azteken: Meister der Staatskunst – Schöpfer hoher Kultur. Econ, Düsseldorf 1979, ISBN 3-499-16950-9.
  • Serge Gruzinski: Die Azteken: kurze Blüte einer Hochkultur. Maier, Ravensburg 1992, ISBN 3-473-51028-9.
  • Peter Hassler: Menschenopfer bei den Azteken? – Eine quellen- und ideologiekritische Studie. Europäische Hochschulschriften; Reihe XIX Volkskunde/Ethnologie, Abt. B: Ethnologie, Vol. 30; Peter Lang AG, Europäischer Verlag der Wissenschaften, Bern 1992. ISBN 3-261-04587-6, 456 S.
  • Doris Heyden: Gartenkünstler in der neuen Welt. In: Spektrum der Wissenschaft, Oktober 2003, S. 70–75, ISSN 0170-2971 (Artikel über den Gartenbau der Azteken)
  • Felix Hinz: „Hispanisierung“ in Neu-Spanien 1519–1568. Transformation kollektiver Identitäten von Mexica, Tlaxkalteken und Spaniern. 3 Bde, Kovač, Hamburg 2005, ISBN 3-8300-2070-8.
  • Ulrich Köhler (Hg.): Altamerikanistik. Eine Einführung in die Hochkulturen Mittel- und Südamerikas. Reimer, Berlin 1990. ISBN 3-496-00936-5


Im Netz

[Werkeln | Am Gwëntext werkeln]

Kategorie:Amerikanische Geschichte Kategorie:Mittelamerika Kategorie:Indianische Kultur

Voh „https://bar.wikipedia.org/w/index.php?title=Nutza:Luki/Vom_fufzehnt_bis_zan_zworafufzigstn_Lebmsjoa&oldid=592409“