Dylan Bob
| Der Artikl is im Dialekt Bassauerisch gschriem worn. |
Da Dylan Bob [bɑːb ˈdɪlən] (* 24. Mai 1941 in Duluth, Minnesota, ois Robert Allen Zimmerman) is a US-amerikanischa Folk- und Rockmusika, Moia und Dichter. Bob Dylan singt, spêid Gitarr, Mundharmonika und Klavier und guit ois oana vo de eiflussreichstn Musika vom 20. Joahundert.
Da Dylan hod zum Endt vo de 1950er-Jo ois Folkmusika agfanga und hod se Mitte vo de 1960er-Jo da Rockmuse zuagwennt. Neba seina Muse han aa seine Text beachtenswert, de wo am Anfang vo seim Schaffa vo de Inhoit vo da Folkbewegung und oam vo ihre bekanntastn Vatreta, da Woody Guthrie, späda aa vo symbolistischn Dichtan wia am Arthur Rimbaud, am Charles Baudelaire und am Dylan Thomas, oba aa vo da Bibe beeinflusst g'wesen han. Sei Lem und Werk is von zoireiche Brich und Wendunga duachzong, de wo vo seim Publikum aa kritisch betracht woan han, de oba oft a Beleg vo Erneiarung vo seina kreativen Inspiration und da moderna Muse dorstejn.