Quöntext voh da Seiten Elsass auhschauh

{{Dialekt-oben|Ostmittelbairisch|Soizburgarisch|Sort=Österreich}}
{{Infobox ehemalige französische Region
|Titel=Alsace
|NeueRegion=Alsace-Champagne-Ardenne-Lorraine
|Flagge=Flag of Alsace.svg
|Wappen=Blason région fr Alsace.svg
|Verwaltungssitz=Straßburg
|Präsident=Philippe Richert<ref>region-alsace.eu: [http://www.region-alsace.eu/region-alsace/conseil-regional-dalsace Conseil Régional d'Alsace]</ref>
|Partei=Union pour un mouvement populaire
|Abkz=UMP
|RangBev=13
|Bev={{#expr:{{Metadaten Einwohnerzahl FR|67}}+{{Metadaten Einwohnerzahl FR|68}}}}
|Jahr={{EWD|FR|67}}
|Fläche=8280
|RangFläche=23
|AnteilFläche=1,3
|Départements(Nummer)=2
|Arrondissements=9
|Kantone=40
|Gemeinden=904
|ISO 3166-2=A
}}

As '''Elsass''', oda aa '''Öisass''' bzw. '''Ejsass''', ([[Deutsche Sprache|deitsch]]: ''Elsaß'' oda aa ''Elsass'', [[Alemannisch|Öisässisch]]: ''Elsass'', [[Französisch|Franzesisch]]: ''Alsace''), is a ehemolige Region in Frankreich und moant aanaseits aane vo d' 26 Regiona und auf da ondan Seitn de historische Londschoft ''Elsaß'' in [[Frankreich]].

D' Region umfosst d' boadn [[Département]]s [[Bas-Rhin|Niadarein]] und [[Haut-Rhin|Owarein]] mid insgsomt guade 1,8 Millionen Eihwonan, dodavo san heid no guade 37% [[Deutsche Sprache|deitsch]]- bzw. [[alemannisch]]sprochig. Da Sitz vom Regionalrot und bevökarungsreichste Gmoa is [[Straßburg|Strossburg]]. Sei kuiturelle und wirtschafdliche Bedeitung sowia da Sitz zoireicha eiropäischa und intanazionala Eirichtungen (u. o. [[Europäisches Parlament|Eiropäischs Parlament]] und da [[Europarat|Eiroparot]]) mochn s Öisass zua ana vo d' wichtigstn Regionen vo [[Frankreich]] und vo da [[EU]].

D' Bezeichnung „Elsaß“ wead spadestns seid 'm [[Frühmittelalter|Friamittloita]] fir d' Geengd zwischn [[Vogesen|Vogeesn]] und [[Rhein|Rein]] vawendt, beinhoitet owa je noch Epochn vaoanzlt untaschiedliche tearitoriale Ausdenungen und politische Strukuarn.

== Geografie ==

D' Region Öisass grenzt on d' französische Region [[Franche-Comté]] im Siidwestn und [[Lothringen|Lotringen]] im Westn, on [[Deitschland]] (im Noadn [[Rheinland-Pfalz]], im Ostn [[Bodn-Wiattmberg]]) und on d' [[Schweiz]] (Kantone [[Kanton Basel-Stadt|Basl-Stod]], [[Kanton Basel-Landschaft|Basl-Laundschoft]], [[Kanton Solothurn|Soloturn]] und [[Kanton Jura|Jura]]).

Mid na Gress vo 8.280&nbsp;km² is as Öisass d' flächnmässig klanste Region auf 'm französischn Festlond. s heidige Öisass hod a Nord-Sid-Ausdenung vo 190 Kilometa, wäarnd d' West-Ost-Ausdenung nur 50 Kilometa betrogt. Im Ostn wead s Öisass durch 'n [[Rhein]] begrenzt, im Westn auf weidn Streggn durch 'n Hauptkomm vo d' [[Vogesen|Vogeesn]]. Im Noadn markiarn da [[Bienwald|Bienwoid]] und da [[Pfälzerwald|Pföizawoid]] wichtige Grenzgegendn, im Sidn da Nordrond vom [[Jura (Gebirge)|Jura]] und im Sidwestn, in da offanen Torlondschoft vo da [[Burgundische Pforte|Burgundischn Pfortn]], nähat se - de eascht auf 1871 zruggegehate - heidige Regionsgrenzn on da [[Wasserscheide|Wossascheidn]] zwischn [[Rhone]] und [[Rhein|Rein]] o.

=== Naturraimliche Haupteiheitn ===

Da iwawiengde Teil wead vo da Öisässischn Ewane ''(Plaine d'Alsace)'' eignumma, de mid [[Breisgau]] und [[Ortenau]] 'n sidlichn Teil vom [[Oberrheingraben|Owareingroom]] buidt. Se wead vo da [[Ill (Elsass)|Ill]] durchflossn und is vom [[Droad]]obau prägt. Es gibt a grosse Woidgebiet wia 'n [[Hagenauer Forst]] im Noadn und 'n [[Harthwald|Harthwoid]] im Sidn. Neem weidn Ewanen tredn zuadem wellige bis higlige Gengdn auf (beispuisweis [[Kochersberg (Berg)|Kochersberg]] nordwestlich vo [[Straßburg|Strossburg]], westlicha Sundgau / östliche Burgundische Pfortn, Gebiet zwischn Hagenauer Woid und Bienwoid).

Im Westn wead s Londschoftsbuid vo d' [[Vogesen|Vogeesn]] dominiart, de vo d' braadn Täla vo d' Illzuafliass durchzong san. Do befindn se Hochweidn ''(Hautes Chaumes)'', de se mid Wöidan obweggsln. Da [[Großer Belchen|Grosse Böichn]] ''(Großer Belchen / Grand Ballon)'' is mid 1424&nbsp;m da hechsde Gipfe im Öisass und in d' Vogeesn. In Frankreich wern aa d' Gebiete neadlich vo da [[Zaberner Senke|Zaberna Senkn]] zua d' Vogeesn zöid ''(Vosges du Nord)'', se buidn owa a naturraimliche Eiheit mid 'm [[Pfälzerwald|Pföizawoid]].

Zwischn Ewane und Vogeesn vamittlt (analog zum westlichn [[Schwarzwald|Schworzwoidrond]]) a schmole Vurbergszone. Tipisch fir des „Piemont vo d' Vogeesn“ is da [[Wein]]obau.

Gonz im Sidn hot s Öisass aa no Oteil am [[Jura (Gebirge)|Jura]] (Pfirter Jura).

== De gresstn Städt ==

De gresstn Städt vo da Region mid mear ois wia 15.000 Einwohna (im Joa 1999) san:
* [[Straßburg|Strossburg]] (frz. ''Strasbourg'', als. ''Strossburi'', hdt. ''Straßburg'') mid 264.115 Eiwona
* [[Mühlhausen|Müihausn]] (frz. ''Mulhouse'', als. ''Milhüüsa'', hdt. ''Mühlhausen'') mid 110.359 Eiwona
* [[Colmar|Koimar]] (frz. ''Colmar'', als. ''Kolmer'', hdt. Kolmar) mid 65.136 Eiwona
* [[Haguenau|Hagenau]] (frz. ''Haguenau'', als. ''Hoejenäu'') mid 32.242 Eiwona
* [[Schiltigheim]] (frz. ''Schiltigheim'', als. ''Schìllige'') mid 30.841 Eiwona
* [[Illkirch-Grafenstaden]] (frz. ''Illkirch-Graffenstaden'', als. ''Ìllkìrich-Grafestaade'') mid 23.815 Eiwona
* [[Saint-Louis (Haut-Rhin)|St. Ludwig]] (frz. ''Saint-Louis'', als. ''Sää-Lüi'') mid 19.961 Eiwona
* [[Schlettstadt|Schlettstod]] (frz. ''Selestat'', als. ''Schlettstadt'', hdt. ''Schlettstadt'') mid 17.000 Eiwona

== Vawoitungsgliedarung ==

De Region Öisass untagliadat se in zwaa [[Departement]]s.

{| class="prettytable float-center" 
|-
!  bgcolor="#ABCDEF" | Departement
!  bgcolor="#ABCDEF" | Präfektur
!  bgcolor="#ABCDEF" | Einwohna<br /><small>(1999)</small>
!  bgcolor="#ABCDEF" | Flächn<br /><small>(km²)</small>
!  bgcolor="#ABCDEF" | Bevökarung-<br />sdichtn
!  bgcolor="#ABCDEF" | Arrondisse-<br />ments
!  bgcolor="#ABCDEF" | Kantone
!  bgcolor="#ABCDEF" | Gmoan

|- ALIGN="right"
| ALIGN="left" | [[Bas-Rhin|Niadarain]] 
| ALIGN="left" | [[Straßburg|Strossburg]] || 1.026.120 || 4.755 || 216 Eiw./km² || 7 || 44 || 526

|- ALIGN="right"
| ALIGN="left" | [[Haut-Rhin|Owarein]]
| ALIGN="left" | [[Colmar|Koimar]] || 708.025 || 3.525 || 201 Eiw./km² || 6 || 31 || 377

|- ALIGN="right"
| ALIGN="left" | Gsomt
| ALIGN="left" | [[Straßburg|Strossburg]] || 1.734.145 || 8.280 || 209 Eiw./km² || 13 || 75 || 904
|}

== Sprochpolitik ==

[[Datei:Dialectes Alsace en alsacien.PNG|thumb|250px|rechts|Dialektvateilung im Öisass umara 1910]]

=== Gschicht ===

Seid 'm [[Middloita|Friamittloita]] san im Öisass [[Deutsche Sprache|germanische Dialekte]] behoamat. Unta de san d' [[Alemannisch|alemannischn Dialekte]] vurherrschnd, dodrunta iwawiengd Owareinalemannisch und gonz im Sidn a Hochalemannisch. [[Fränkische Dialekte|Reinfränkisch]] wead gonz im Noadn um Weißenburg und Lauterburg und im gonz nordwestlichn Zipfe vom Krummen Öisass und um [[Sarre-Union|Sarunion]] (frz. ''Sarre-Union'') gredt. D' Owendung vo ana germanischn Standardsproch is oiwei vo politische Gegemheitn obghengt.

Im Friamiddloita is owa jedoch ned s gonze heidige Öisass sprochlich germanisiart worn: romanische Dialekte wia Patois bzw. d' [[Franzöische Sprache|Französische Sproch]] san desweng bereits tradizionell in monche Gebiete vo d' Vogeesn (owas Breuschtoi, Teile vom Weilertoi, um Ste.-Marie-aux-Mines und um Lapoutroie) und im westlichn [[Sundgau]] (um Montreux) vaonkat gwesn. A s heidige [[Territoire de Belfort]], des bis 1648 a Teil vom hobsburgarischn bzw. königlich-fronzösischn Sundgau gwesn is und eascht [[1871]] vom Departement [[Haut-Rhin|Owarein]] obtrennt worn is, is tradizionell romanisch- bzw. französischsprochig.

s Französische hot vur oim zwischn 'm 16. und 20. Joahundat sukzessiv on Gwicht gwunga. Des hängt vur oim mid da politischn Gschicht zomm, owa a parziell mid 'm Oseeng, des as Französische vur oim in da friaran Neizeid [[Europa|eiropaweid]] im [[Adel|Adl]] und im ghowanen [[Bürgertum|Biagatum]] gnossn hot.

Noch da Daowarung durch d' französischn Trubbm 1639 - 1681 is s Französische beispuisweis mid de königlichn Vawoitungsbeomtn, sowia durch Eiwondara und Händla aus Zentralfrankreich ins Öisass kemma. D' iwawiengdn Bevökarungskreise hom weidahi [[Deutsche Sprache|Deitsch]] bzw. eanan jeweiling germanischn oda romanischn Dialekt vawendt.

Noch da [[Französische Revolution|Französischn Rewuluzion]] hot se d' Sprochpolitik vom französischn Stoot gändat, der jetzad fir [[Frankreich]] a sprochliche Eiheit propagiart hot. Driwa ausse hod s französische vur oim in de Bevökarungskreise an Eigong gfundn, de mid da Idee vo da Rewuluzion simpatisiart hom. Deitsch bzw. de deitschn Dialekte san a Teil vo ana Entwigglung zu da parzielln Zwasprochigkeit worn. In de Gengndn wo Partois gredt worn is, hot se aufgrund vom Schuiuntaricht s Französische durchgsetzt.

Wärnd da Zuagherigkeit zum [[Deutsches Kaiserreich|Deitschn Koasareich]] ([[Reichsland Elsass-Lothringen|Reichsland Öisass-Lotringen]], 1871 - 1918) is d' „Sprochnfrog“ in am Gsetz vom Meaz 1872 a so greglt worn, dass ois [[Amtssprache|Omtssproch]] grundsätzlich Deitsch bestimmt worn is, owa in de Londesteile wo iwawiengd französisch gredt worn is, hom de öffmtlichn Bekonntmochungen und Erlosse mid ana französischn Iwasetzung bekonnt gem wern miassn. In am waidam Gsetz vo 1873 is fir diejening Vawoitungseiheitn, in denen Französisch gonz oda teilweis vurherrschnde Sproch gwesn is, Französisch ois Gschäftssproch zuaglossn worn. In am Gsetz iwa s Untarichtswesn vo 1873 is greglt worn, dass in de deitschsproching Gebiete ausschliasslich Deitsch Schuisproch gwesn is, wärnd in de französischn Gebiete da Untaricht ausschliasslich auf Franzöisch ghoidn wern hod soin.

D' französische Sprochpolitik zwischn 1918 und 1940 is dageng streng geng d' [[Deutsche Sprache|Deitsche Sproch]] bzw. 'm Öisässischn Dialekt ausgrichtt gwesn. In da Schui und da Vawoitung is ausschliasslich Französisch zuaglossn worn und zeidweis is bei Strof vabotn worn, Deitsch bzw. 'n Dialekt zum Reen. Seid d' Woin vom Novemba 1919 und bis Ofong 2008 is s jedoch d' Kandidatn aus de drei öisässisch-lotringischn Departements Owarein, Niadarein und 'm [[Département Moselle|Moseldépartement ''(Département Moselle)'']] gstottet gwesn, Woikompfschriftn in beide Sprochn, Französisch und fakultativ a Deitsch, zum vabreitn<ref>[http://questions.assemblee-nationale.fr/q9/9-51128QE.htm Parlamentarische Aufrog vom Obgeordnentn Jean-Louis Masson ausm Département Moselle vom 09.12.1991 an an franzesischn Innenminista]</ref>.

Mid da Hitla-Diktatur (1940 - 1945) hod as Öisass erneit a Steigarung on restriktiva Sprochpolitik daleebt. De is rüggsichtslos on de nazionalsozialistische Ideologie opasst gwesn. De Umwondlung vo französische Vurnomen in deitsche hom sichalich zua de hormlosestn ghert, owa san tipische Beispiele gwesn.

=== Heidige Situazion ===

[[Datei:Kerchplatz Ense.jpg|250px|thumb|rechts|A zwasprochigs Strossnschüdl im Öisass]]
Noch 'm [[Zwoata Wödkriag|Zwoatn Wödkriag]] hod se d' französische Sprochpolitik vo da Vurkriagszeid im Prinzip furtgsetzt. Seiddem is Französisch d' allaanige Omts- und [[Verkehrssprache|Vakearssproch]]. D' Ausnoom mocht d' Mearheid vo da mittlan und öidan Genarazion, de in eanara Muadasproch (auf Deitsch oda im Dialekt kommuniziart). D' jingane Genarazion, insbundane in de gressan Städt, benitzn vurwiengd Französisch. In de Schuin wead Deitsch iwawiengd ois Fremdsproch untarichtt. Bilinguale Schuin, in denen da Untaricht teilweis auf Deitsch ghoidn wead, san im Septemba 2003 vo 13.000 Schuilan bsuacht worn. Noch Ogom vom „Aumt fir Sproch und Kuitur im Öisass“, des in [[Straßburg|Strossburg]] osässig is, reen no 600.000 Leid „Öisässisch“ (za. 34,6 % vo da Bevökarung), vur oim im ländlichn Raum, in Derfal und klaanare Städt.

Unta 'm Motto „''E Friehjohr fer unseri Sproch''“ findn se seid 2001 Teata- und Musigrubbm, Mundortdichta, Hoamatvareine und Sprochnpflega zomm, um Werbung fir 'n Dahoit vom Öisässischn z' mochn. Zuadem subwenzioniart da Regionalrot öisässische Sprochkurse. [[France 3 Alsace]] sendt vo Mondog bis Freidog d' Nochrichtnsendung „Rund Um“, in der ausschliasslich Öisässisch gredt wead. A Gfoar besteet in da Folklorisiarung vo de Dialekte, a Tendenz de owa aa in deitschsprochige Lända beobochtet wern ko. s Vaschwindn vom Deitschn bzw. vo de deitschn Dialekte is Teema vo monche Schriftstella worn, wia z. Bsp. [[René Schickele]], [[André Weckmann]], [[Hans Arp]] und ondane.

In da politischn Debattn um an Dahoit vom Deitschn is a oadeitige Präfarenz zuagunstn vo de hoamischn Dialekte und zum ungunstn vom Standarddeitschn gsetzt worn. Ma orientiart se oiso weniga on da [[Schweiz]], wo de Mundort und zuagherige Standardsproch neemanonda existiarn ([[Diglossie]]), sondan mear on Sprochmodelle wia [[Luxemburgisch|Luxmburg]], wo da Dialekt gengiwa da zuaghering Standardsproch heha bewertt wead und sogor zur Schriftsproch ausbaud worn is. So hod ma beispuisweis in [[Straßburg|Strossburg]] im Zommhong mid da Dokumentazion vo deitsche Strossnnomen auf Strossnschuida noch longa Diskussion ned Standarddeitsch hergnumma, sondan se fir d' Strossburga Mundort entschiedn. s Problem is, dass aa im Öisass se de Mundortn regional recht untascheidn. A Iwaleem vo de Dialekte hängt donn möglichaweis a dodavo ob, inwiaweid se a „Standardöisässisch“ (analog beispuisweis zum „[[Schweizerdeutsch|Standardschweizadeitsch]]“) etabliarn ko.

== Vakear ==

=== Strossnnetz ===

D' wichtigste Strossnvabindung im Öisass is d' mautfreie Autobo [[Autoroute A35|A&nbsp;35]], sie is d' Nord-Sid-Vabindung vo [[Lauterbourg|Lauterburg]] bis [[Seint-Luis (Haut-Rhin)|St. Ludwig]] bei [[Basel|Basl]]. Sidlich vo [[Straßburg|Strossburg]] valauft de A&nbsp;35 auf ana kurzn Streggn ois Nazionalstrossn, wobei plant is, de Luggn zum schliassn.

De vuibefoarane A&nbsp;4 fiart vo [[Straßburg|Strossburg]] noch [[Saverne|Zabern]] und weida bis [[Paris]]. Sie is ob da Mautstöi bei [[Hochfelden (Bas-Rhin)|Hochfelden]] (20&nbsp;km nordwestlich vo Strossburg) mautpflichtig. D' [[Autoroute A36|A&nbsp;36]] fiart vo da deitschn [[Budesautobahn 5|A&nbsp;5]] vom Autobodreiegg [[Neuenburg am Rhein|Neuenburg]] aus noch Westn in Richtung [[Paris]]/[[Lyon]] und wead ob da Mautstöi bei [[Burnhaupt-le-Haut|Oberburnhaupt]] mautpflichtig.

In de 1970a und 1980a Joa san de Autobonen in Transitstreggn und in Aufoistrossn fir d' groußn Bollungsgebiet umgwondlt worn. Seidher fliasst da Durchgongsvakear in 2 bis 3 Foarspurn in 1&nbsp;km Entfernung um [[Straßburg|Strossburg]] in in 1,5&nbsp;km Entfernung um [[Mühlhausen|Müihausn]] umadum. D' hohe Vakearsdichtn vaursocht storke Umwödbelostungen, des guit vur oim auf da A&nbsp;35 bei Strossburg mid 170.000 Foarzeig pro Dog (Stond: 2002). A da storke Stodvakear auf da A&nbsp;36 bei Müihausn hod reglmässig Vakearsbehindarungen zur Foing. Des hot owa nur voriwageend durch 'n Ausbau auf drei Foarspurn pro Richtung vamindat wern kenna.

Um an Nord-Sid-Durchgongsvakear aufznemma und [[Straßburg|Strossburg]] z' entlostn, plant ma a neie Autobotrassn westlich vo da Stod. De Trassn soid s Autobodreiegg bei Hördt im Noadn mid Innenheim im Sidn vabindn. D' Eröffnung is auf Ende 2011 ogsetzt. Ma erwortt donn a Vakearsaufkemma vo 41.000 Foarzeig pro Dog. Da Nutzn is owa umstrittn, noch a poar Schätzungen wead d' neie Trassn nur 10 % vom Vakearaufkemma vo da A&nbsp;35 bei Strossburg aufnemma.

Weng da Eifiarung vo da Lkw-Maut in [[Deutschland|Deitschland]] 2005 kummt no a erhebliche Zuanom vom üwa d' deitsche Bundesautobo [[Bundesautobahn 5|A&nbsp;5]] gfoaranen Lostvakears auf d' parallel valauffmde und mautfreie öisässische Autobo. Desweng hod da [[Adrien Zeller]], da President vo da Region Öisass, am Ofong vo 2005, d' Ausweitung vom deitschn Mautsistem auf d' öisässische Streggn gfordat.

== Beleg ==
<references/>

[[Kategorie:Region in Frankreich]]
[[Kategorie:Elsass]]