Quöntext voh da Seiten Gonâve-Insl auhschauh

{{Dialekt-oben|Ostmittlboarisch|Owaöstareichisch}}
[[Datei:Haiti map.png|thumb|Koatn vu Haiti mid da Govâve-Insl]]
De '''Gonâve-Insl''' ([[Französische Sprache|fraunzesisch]]: ''Île de la Gonâve'', früher ''Île de la Gonaïve'') is a Insl vu de Großn [[Antillen|Antüin]] in da [[Karibik]]. Sie gheat zum Stood [[Haiti]] und liegt im Vawoitungsgebied Ouest („Westn“), in dem d'Insl a eingnes ''Arrondissement'' ausmochd. D'Insl bestehd aus de Gmoana [[Anse-a-Galets]] (Hauptstod vum Arrondissements) und [[Pointe-a-Raquette]]. Auf da Insl faungan olle Postleitzoihn mid <code>65</code> au.

[[Datei:Haiti Gonave Island houses.jpg|thumb|Haisa aun da Gstod]]
[[Datei:Gonave.jpg|thumb|Satellitnaufnohm]]
D'Gonâve-Insl liegt 50&nbsp;Kilometa westnoadwestli vu da haitianischn Hauptstod [[Port-au-Prince]] im [[Golf von Gonâve]]. Mid iara Läng vu ungefäa 56&nbsp;Kilometa, da Broadn vu 16&nbsp;Kilometa und da Flächn vu 743&nbsp;Quadratkilometa iss d'greßte Nochboainsl vu [[Hispaniola]] und damid d'greßte Insl, de Haiti mid kam aundan Laund teun muaß. D'Gonâve-Insl bestehd zum greßtn Teu aus [[Kalkstein|Koikstoa]] und is vu mearare Riffe umgem. D'Insl is trucka, hüglig und ziemli öd, ia hechsta Beag schofft a Hächn vu 778&nbsp;Meta. Im Joa kemman zwischn 800 und 1600&nbsp;Millimeta Niedaschläge zsaumm, wobei de hecha glengnen Gengdn eha mea dawischn. D'Übaweidung und d'Wossavaschwendung san de greßan Probleme vu de ungefäa 200.000 Leid (Schätzung fia 2005<ref>{{Internetquelle |titel=MSN-Encarta |url=http://encarta.msn.com/encyclopedia_762528593/gon%C3%A2ve_%C3%8Ele_de_la.html |zugriff=2009-11-01 |archiv-url=https://web.archive.org/web/20090821210704/http://encarta.msn.com/encyclopedia_762528593/Gon%C3%A2ve_%C3%8Ele_de_la.html |archiv-datum=2009-08-21 }}</ref>) auf da Insl, auf deas kane Flüss oda Bäch gibd.<ref name="M">[http://www.zeno.org/Meyers-1905/A/Gonave,+Ile+de+la Meyers Großes Konversations-Lexikon (1905)]</ref>

D'Gonâve-Insl woa d'letzte Gengd vu Haiti, in de si de [[Taíno]]s (a Uaeinwohna-Gsöischoft) zruckziang hom kina, nochdems 1503 vu Hispaniola em duathi gflicht han. Vu eana staummd da heidige Naum vu da Insl, da wos de Taínos nämli ''Guanabo'' ghoaßn hom.<ref name="M" /> Späda is de Insl a Piratnsitz gwen.<ref>[https://web.archive.org/web/20061010152505/http://eol.jsc.nasa.gov/sseop/EFS/photoinfo.pl?PHOTO=STS060-84-56 National Aeronautics and Space Administration]</ref> 1925, wia de [[USA]] Haiti bsetzt ghobt haum, hod si da US-Offizier [[Faustin Wirkus]] zum Inslkini ''Faustino II'' (''le roi blanc de la Gonâve'' – „da weiße Kini vu La Gonâve“) ausgruafn – ea is owa 1929 vu da Regiarung vu Haiti vatrim woan.<ref>[http://www.poles.org/DB/W_names/Wirkus_F/Wirkus_F.html Faustin Wirkus auf ''poles.org'']</ref> Noch am Oakan, dea 1976 Teile vum Südn vu Haiti verwüstet hod, haum si einige Leid auf da Gonâve-Insl augsiedlt und duat de easchtn laundwiatschoftliche Deafa vu da Insl aufbaud.

== Beleg ==
<references />

{{Koordinate Artikel|18_50_N_73_5_W|18° 50' N; 73° 5' W}}

{{DEFAULTSORT:Gonave-Insl}}
[[Kategorie:Insel (Atlantischer Ozean)]]
[[Kategorie:Haiti]]