Hoibloata

Silizium is in da Elektrotechnik und Photovoltaik as wichtigste Hoibloatamateriai.

A Hoibloata (dt. Halbleiter, engl. semiconductor) is a Materiai mid ana elektrischn Loatfehigkeit, de wo zwischn an Loata wia Kupfa und an Nedloata wia Glos liegt.

A weidas Meakmoi vo de Hoibloata is, doss de Loatfehigkeit mid steigada Temperatua zuanimmt.

Hoibloata spuin grod in da Elektrotechnik a wichtige Roin, wei ia Loatfehigkeit duach Dotiarung (d. h. duach Fremdatome) beeihflusst wean ko. Doduach kina Stromrichtunga und Schoitafunktiona festglegt wean.

Materiai

Hoibloata kina sei aus:

• Reinan Elementn: Silicon und Germanium san de wichtigstn
• An Vabund vo zwoa oda drei Elementen
• Organischn Vabundstoffn (organic compounds)

Owendunga

Hoibloata san fia de Eletrotechnik so wichti, dass inzwischn a oagnas Fochgebiet, de Hoibloatatechnik, gibt.

Koa Chip, koa Mikroprozessor, koa Computer, koa Smartphone, koa Digitalkamera und koa Photovoltaikolog dad ohne Hoibloata funktionian.

• 
  A Mikroprozessor
• 
  A Chip
• 
  A Photovoltaik Element

Im Netz

 Commons: Halbleiter – Sammlung vo Buidl, Videos und Audiodateien

• Ioffe-Institut St.Petersburg – Physikalische Daten zu Halbleitermaterialien (engl.)
• Flash-Animation zur Stromleitung bei Halbleitern (dwu-Unterrichtsmaterialien)
• 3D-Animationen zum Thema