Wilfried Haslauer
| Der Artikl is im Dialekt Östareichisch gschriem worn. |
Da Haslauer Wüifried, da Jingane (af d'Wöid kumma am 3. Mai 1956 in Soizburg), is a östareichischa Jurist und Politika. Seidn Joa 2013 is Landeshauptmaun vo Soizburg.
Sei Voda, da Haslauer Wüifried, da Öidane, is vo 1977 bis 1989 scho Landeshauptmau vo Soizburg gwen. Er söim is in Neimorkt am Wollasee afgwochsn und dortn aa ind Voiksschui gaunga. Noch da Matura am Akademischn Gymnasium in Soizburg hod a augfaungt, daß a in Soizburg und in Wean Jus studiad. Do is a im Joa 1979 Dokta woan, a bissl hod a aa Voikswiadschoft studiad. Nochn Grichtsjoa in Wean und Soizburg hod a si ois Aunwoit söibständig gmochd. Des woar a, bis a im Joa 2004 Politika worn is.
Scho vuahea is a Kurator im Seebrunna Kroas gwen, des is a Thinktank vo de Schwoazn. Außadem woar a President vo da Dr.-Wilfried-Haslauer-Bibliothek, an politisch-gschichtswissnschoftlichn Forschungsinstidut. Zua Wirdschoft hod a durch sei Kanzlei aa rechd guade Kontakte ghobd. Im Joa 2004, vua da Laundtogswoi, hod eam da domolige Laundeshauptmau, da Schausberger Fraunz, ois sein Nochfoiga vuagstöid. Nochdem de Schwoazn de Woi valuan hom, is da Schausberger zruckdredn und da Haslauer is am 28. Aprüi 2004 ÖVP-Chef und Stöivadreta vo da neichn Laundeshauptfrau, da Burgstaller Gabi, worn.
Im Netz
[Werkeln | Am Gwëntext werkeln]| → Dea Artikl basiad auf ara frein Ibasetzung vom säim Artike in da Wikipedia af Deitsch. |