Hektar

Physikalische Maasoaheid
Nama	Hektar/Hektare
Zoachn	$\mathrm {ha}$
Physikalische Gräss(n)	Flechninhoit
Formezoachn	$A$
Dimension	${\mathsf {L^{2}}}$
System	Zum Gebrauch mit dem SI zugelassen
In SI-Oaheidn	$\mathrm {1\,ha=10\,000\;m^{2}}$
Gnennd noch	„Hekto-Ar“
Obgloadt vo	Ar

As oda dea Hektar bzw. de Hektare (schweizarisch) is a Moßeihheit vo da Fläch mid'm Eihheitnzeichn ha. Se is voa oim in da Land- und Forstwiatschoft vabroat und entspricht ana Fläch vo 10.000 m², oiso beispiuisweis oam quadratischn Fejd mid da Seitnläng 100 Meta.

Gschicht

As Wort Hektar is aus'm Franzesischn entlehnt und beruaht af griachisch: hekt(o) (fia ‚hundad‘) und franzesisch are (aus lateinisch: „ārea“), bedeit dohea: 100 Ar.

1879 is da Hektar vom CIPM (Comité International des Poids et Mesures) in sei Empfehlunga afgnumma worn. Scho dovoa woa as Hektar Bstondtei vo da Moß- und Gwichtsoadnung vom Noaddeitschn Bund vo 1868. Om 1. Jenna 1872 is se in gonz Deitschland in Kroft tretn.

Seit'm spadn 19. Joarhundad hom im Deitschn Reich oam Hektar exakt via Morgen, dea is desweng zua Obgrenzung vo traditionejn Moßn aa Viatlhektar (vha) gnennt worn.

Umrechnunga

Illustrative Definition vo Hektar und Ar

Oa Hektar entspricht 10.000 Quadratmeta oda aa 100 Ar oda oam Quadrathektometa. Oa Quadrat mid'm Flächninhoit 1 Hektar hod oa Seitnläng vo 100 Meta (1 Hektometa). Oa Hektar entspricht dohea oam Quadrathektometa (hm²).

1 km² = 100 ha = 10.000 a = 1.000.000 m²

0,01 km² = 1 ha = 100 a = 10.000 m²

0,0001 km² = 0,01 ha = 1 a = 100 m²

0,000001 km² = 0,0001 ha = 0,01 a = 1 m²

Vawendung

Gsetzliche Eihheit

Zwoar gheat's Flächnmoß Hektar ned zum Internationoin Eihheitnsystem (SI), es is jedoch zua Bnutzung mid diesm zuaglossn. Da Hektar is in Deitschland und Östareich und ois Hektare in da Schweiz a gsetzliche Eihheit, jedoch eihgschränkt af de Ongob vo da Fläch vo Grund- und Fluastickn. Noch da EWG-Richtlinie 80/181/EWG is „Hektar“ ledigli a bsondara Nama fia's Hundadfoche vom Ar, buidt aus'm Voasotz Hekto fia 100 und'm Eiheitnnama Ar.

Vawendung mid SI-Voasätz

De deitsche Eihheitnvaordnung siagt Ar (Eihheitnzeichn: a) und Hektar (Eihheitnzeichn: ha) ois eignständige Eihheitn und losst fia beide de Vawendung vo SI-Voasätzn zua. Somid san in Deitschland Buidunga wia Hektoar (ha) und z. B. Zentihektar (cha) legoi, owa unuibli. Am Eihheitnzeichn ha is ned oz'seng, ob domid Hektar oda Hektoar gmoant is, wos jedoch koan Untaschied mocht, do in beidn Fäjn 10.000 m² gschriem wean.

Hektareatrog

In da Landwiatschoft werd haifig mid'm Begriff Hektareatrog g'oabat, gmoant is domid de vo da Fläch vo oam Hektar geerntte Menge vom Ernteguat (beispuisweis Droad oda Wein).

Weitane (Ned-SI-)Flächneihheitn im gleichn Greßnbereich

• Ar: 1 a = 0,01 ha
• Acre: 1 Acre = 0,40468564224 ha
• Joch: zwischn 33 und 58 Ar; 3300 bis 5800 m²
• Morgen: zwischn 0,1906 und 1,178 ha, meist zwischn 0,3 und 0,4 ha, spada zu 0,25 ha
• Dogweak: Grechnt noch bayerischn Dogweak (3407,27 m²) entspricht oa Hektar ugfeah 3 Dogweak.
• Bliabta Vagleichsmoßstob fia'n Hektar, is a Fuaßboifejd, des meist olladings kloana ausfoit:
  • halfigsts Moß fia Fuaßbaoifejda: 68 Meta moi 105 Meta = 0,714 ha,
  • Minimum laut Reglweak: 45 Meta moi 90 Meta = 0,405 ha,
  • Maximum laut Reglweak: 90 Meta moi 120 Meta = 1,080 ha.

Schau aa

• Greßnoadnung (Fläch)