Quöntext voh da Seiten Hormus auhschauh

{{Dialekt-oben|Ostmittlboarisch|Owaöstareichisch}}
[[Datei:Harahormoz.jpg|thumb|Laundschoft auf da Insl Hormus]]
[[Datei:Portuguese Castle (Hormuz).jpg|thumb|D'Portugiesische Festung]]
D'[[Insel|Insl]] '''Hormus''' ([[Persische Sprache|peasisch]]: {{ar|هرمز}}, [[Persisches Alphabet|DMG]]: ''Hormuz'') is a koage Föisninsl im [[Persischer Golf|Peasischn Goif]], 18 Kilometer östli vu da Insel [[Qeshm]] und 16 Kilometer südli vum [[iran]]ischn Festlaund. Hormus is 42 Quadratkilometa groß, da hechste Punkt liegt auf 186 Meta. De Insl is fost so rund wia a Kroas und liegt in da [[Straße von Hormus|Stroßn vu Hormus]], de wos jo ane vu de wichtigstn [[Meerenge]]n vu unsara Wöid is. Hormus und de Provinz [[Hormozgan]], zu dea de Insl gheat, san beide nochm ''[[Ahura Mazda]]'', da wichtigstn Figur im [[Zoroastrismus]], benannt woan.

Vu 1515 bis 1622 is Hormus unta [[Portugal|poatugiesischa]] Herrschoft gwen und dozumois woa an da Noadküstn vu da Insl ans vu de ollawichtigstn Haundlszentren vu da [[Arabien|arabischn]] Gegnd und ane vu de reichstn Haundlsstätte vu da [[Erde|Eadn]], nämlich de gleichnaumige Stod Hormus. Daun oba hod da peasische Schah [[Abbas I. (Persien)|Abbas da Große]] d'Insl eaobat und nochhant is des Haundlszentrum vafoin und Hormus hot oag vü an Bedeitung valoan. An de glaunzvolle Zeit unta de Poatugiesn, in dera bis zu viazgtausnd Leid auf deara klan Insl glebt hom, earinnat de anzige sengswerte Soch auf da Insl, de poatugiesische Festung.

Heit lem so um de dreitausnd Leid auf da Insl und de san volle Wäsch aufs Festlaund augwiesn, weils nämli auf Hormus ka Trinkwossa gem duat. S'[[Schmuggel|Schmuggin]] vu [[Zigarette|Zigrettn]] ind [[Vereinigte Arabische Emirate|Vareinigtn Arabischn Emirate]] und da Obbau vum [[Roteisenstein|Roteisnstoa]], dens auf da Insl gibt und den ma in da [[Pharmaindustrie]] braucht, san de wichtigstn Wiatschoftszweige vu Hormus.

{{Koordinate Artikel|27_03_N_56_27_E_type:isle|27° 03' N 56° 27' O}}

[[Kategorie:Insel]]