Instrumental

Der Artikl is im Dialekt Ostestareichisch gschriem worn.

Da Instrumental is in da Grammatik a Kasus, dea wos aa in da indogermanischn Uasproch vahaundn woa. In de heitzdog lewendichn indogermanischn Sprochn findt ma eam in stoak flektiarende Sprochn, und zwoa de Baltischn und slawischn Sprochn und im Armenischn. Im Lateinischn woar a ois Ablativ bekaunnt. Ma kunnt eam –stoak vakiazt- in „Mit wos““-Foi haaßn, weu ma in easchta Linie ausdruckt, mit wos oda duach wos ma wos tuat. In de heitign Germanischn Sprochn is a valuan gaunga. Im Boarischn z. B. druckt ma eam heidzdog duach de Präpositionan „mit“ und „duach“ sowia ois an Artikl im Dativ aus.

Beispüü

Im Tschechischn is das Instrumental da sechste Foi. De fuigandn Sätz zaagn, wiar a vawendt wean kau:

Píšu perem. I schreib mit da Füllfeda. (Nominativ Füllfeda: pero)

Jedu do školy autobusem. I foah in d Schui mit n Autobus. (Nominativ Autobus: autobus)