Keplerkirche

Aus Wikipedia
Zur Navigation springen Zur Suche springen
Der Artikl is im Dialekt Weanarisch gschrim worn.
Keplerkiach'n, dahinta (links) da Pfoahof und's Beziaksaumt
Vuadafront
Innanausicht
De Orgel

De Keplerkiach'n, mit'n richtich'n Nauman St. Johann Evangelist, umgaungsspråchlich aa Johanneskiach'n g'hass'n, is a remisch-katholische Pfoakiach'n aum Keplerplåtz im 10. Weana Beziak Favoritn. Se steht unta Denkmoischutz.

Des Patrozinium[1], da Tåg vom Evangelist'n Johannes (27. Dezemba), foit gleichzeitich auf'n Gebatståg vom Johannes Kepler[2].

G'schicht'[VE | Weakln]

De Keplerkiach'n woa de easchte Kiach'n, de wo in Favoritn baut wua'n is, – nua de Kiachna von de späta dazua kummanan Beziaksteu' Oberlaa und Unterlaa san öita. 1872 is füa de Keplerkiach'n da Grundstaa auf an ehemålich'n Exaziaplåtz bei da Favoritn-Lina g'legt wua'n und 1876 håt da Eazbischof Johann Rudolf Kutschker des Gotteshaus g'weicht. Baut is's nåch de Plän' vom Archetekt'n Hermann Bergmann wua'n.

De Kiach'n is a dreischiffiche Basilika[3], in da Baufoam von da Neorenaissance. Se is 52 m laung, des Kiach'nschiff is 18 m hoch, de zwaa Tüam' mit Pyramid'ndachln san 50 m hoch. Genau hinta da Kiach'n liagt da Pfoahof und daneb'n des Magistratische Beziaksaumt, sowia'r a städtischen Schui.

Füa rund 25 Jahrln laung is de Keplerkiach'n de anziche Kiach'n in Favoritn g'wes' n, des Pfoarrgebiet håt zeitweis um de 100.000 Katholik'n g'håbt. Eascht 1902 is de (greßare) Antonskiach'n ois zweite im Beziqk g'weiht wua'n.

Duach Bomb'n is de Keplerkiach'n im Zweit'n Wöitkriag, 1944/1945 stoak beschädicht g'wes'n.

De Orgel is 1968 vom Orgelbaua Rudolf Novak konschtruiant wua'n.[4]

Literatua[VE | Weakln]

Im Netz[VE | Weakln]

 Commons: Johannes-Evangelist-Kirche – Sammlung vo Buidl, Videos und Audiodateien

Beleg[VE | Weakln]

  1. schaug bei Patrozinium
  2. schaug bei Johannes Kepler
  3. schaug bei Basilika
  4. Informateaunan zua'r Orgel

48.17861111111116.375555555556Koordinaten: 48° 10′ 43″ N, 16° 22′ 32″ O