WIG 74

Der Artikl is im Dialekt Weanarisch gschriem worn.

De Wiener Internationale Gartenschau 1974, kuaz WIG 74 woa'r a Goat'nschau auf'n Laaer Berg im 10. Weana Beziak Favoritn, duat wo jetzt'n da Kurpark Oberlaa os.

De WIG 74

Nåch'n Eafiog von da WIG 64 im Donaupark in da Donaustod is no a zweite Ausstöllung plant wua'n, und zwoa in Favoritn aum Laaer Berg. Des ehemåliche Ziaglareigelände aum Südosthang woa daumois teuweis a Mistplåtz,teuweis a Natuaschutzgebiet. Des håt de Meglichkeit geb'n, doda a neuche Parkaulåg' zum måch'n. Im Zusaummanhaung damit is de Therme Wien ausbaut wua'n.

De WIG 74 is aum 18. April 1974 eaöffnet und aum 14. Oktoba 1974 wiedarum g'schloss' wua'nn. Se woa mit 2,6 Mülleaunan Besucha a großa Publekumseafoig, waunn's aa etliche kritische Stimman z'weg'n ana Göidvaschwendung geb'n håt.^[1] Da Bundeskanzla Bruno Kreisky dageg'n håt de Aulåg a „Schönbrunn des 20. Jahrhunderts“ g'hass'n.

De Aschienanbauhn „Transrapid“håt si net rentiat und is nåch aniche Jahrln wiedarum ohg'riss'n wua'n. Ende 1974 is des Areal von da Goat'nschau daunn in den Kurpark Oberlaa umbaut wua'n, de wo beim Publekum unhamli beliabt is.

Da Kurpark Oberlaa

Da Nåchfoiga von da WIG 74 woa da Kurpark Oberlaa mit ana Fläch'n von rund 860.000 m². Ea is in vaschiedane Bereiche aufteuit:

Im Allergiegoat'n kaunn man vua de jeweulich'n Pflaunz'n botanische Informaeaunan wia den Poll'nflug les'n
Da Barocke Brunnangoat'n zagt etliche historische Brunnan, an Båch und Sitzgrupp'n
Des Blumenlabyrinth is dem beim Schloss Hellbrunn in Soizbuag nåchempfun'n
In da Füimstådt san in de 1920ga-Jahrln bekaunnte Stummfüim draht wua'n,wia beispüisweis Sodom und Gomorrha und Die Sklavenkönigin; im Summa wea'n's jed's Joahr in an Open-Air-Kino im Kurpark aufg'füaht.
Da Takasakipark (Japanischa G0at'n)n woa da japanische Beitråg zua WIG 1974; 1990 is a neu gestoitet wua'n
Da Liebesgoat'n is mit romantische Bänk', Schauk'ln und Laub'n heag'richt, de olle 2001 weiß g'strich'n wua'n san; seithea wea'n nua meah weiße Bleamaln Staud'n, Ros'n und Sträucha aupflauntz - vüile Hochzeitspaarln låssN se doda fotografia'n
In da Näh vom Skatelaund gibt's aa den Kindaspüiplåtz mit Saundkist'n, Klettagerüst' und Rutsch'n; dea Plåtz is ois ana von de eascht'n behindat'gerecht baut wua'n
Im Staud'ngoat'n find't ma seit 2000 meahra ois 11.500 Staud'n aus 90 vaschiedan Gåttungan
Da Streich'lzoo beheabeagt Ziag'n, Schåf, Gansl'n, Heahna, Pfau und vüile Taub'n in an Taub'nschlåg; da Zaun is so niadrig, dass de Kinda de Viecha streich'ln kennan