Quöntext voh da Seiten Ludwig Ganghofer auhschauh

{{Dialekt-oben|Westmittlboarisch}}
[[Datei:1908 FAKaulbach - Ludwig Ganghofer.jpg|mini|Da Ganghofer (Porträä vom Friedrich August von Kaulbach, 1908)]]
[[Datei:1908 Sig Ludwig Ganghofer.jpg|mini|De Untaschrift vom Ganghofer]]
[[Datei:GanghoferDenkmalEgern.jpg|thumb|Da Roth Quirin vo Gmund hod de Rottacher an Ganghofer higstöid]]

'''Ludwig Albert Ganghofer''' (* 7. Juli [[1855]] in [[Kaufbeuren|Kaafbeian]], † 24. Juli [[1920]] in [[Tegernsee (Stadt)|Tegansää]]) woar a [[Bayern|boarischa]] [[Schriftstella]], dea duach seine Hoamatroman bekonnt woan is.

== Lem ==

Seine Eijtan woan da Ministarialrot August Ganghofer, dea spada Leita vo da Keeniglich Boarischn Foastvawoijtung woan is unn dafia [[1887]] an nichteablichn Odlstitl Ritter) eahoijtn hot, unn sei Frau Karolina (Ruafnom Charlotte), geboanane Louis.

Nach seim Abitua am (heit Albertus-Magnus-Gymnasium ) im Joar [[1873]] in [[Regensburg|Regnschburg]] hot a oa Joar oijs Schlossa unn Monteur in a [[Augsburg|Augschbuaga]] Maschinanfabrik goabat. [[1875]] hot ea a Maschinanbauschtudium am Polytechnikum in [[Minga]] ogfonga, hot spada oba mit Litaraduagschichtn unn [[Philosophie]] in Minga, [[Berlin]] unn [[Leipzig]] weidagmocht. [[1879]] hot ea donn in Leipzig aa promoviat.

Sei easchts Schauspuij „Der Herrgottschnitzer von Ammergau“ hot Ganghofer [[1880]] fias Münchna Gäatnaplootztheata gschriem. Es is dortn 19 Moi aufgfiat woan. Oijs Gastspiel in [[Berlin|Balin]] hots donn immahi scho iaba 100 Auffiarunga dalebt. Donoch hot ea oijs Dramatuag am [[Wien|Weana]] Ringtheata ([[1881]]), ois freia Mitoabeita fia des Famuijenblott ''Die Gartenlaube'' unn schließli oijs Feuilletonredakteur vom ''Neien Weana Togblott'' ([[1886]]-[[1891]]) goabat. Sein Duachbruch oijs [[Schriftstella]] hot ea mit seine ''Hochlandgeschichten'' bzw. Hochlandroman, oijs easchts mit da Prosafassung vo dem bis dohin eafoijglosn Bühnastick ''Der Jäger von Fall'' ([[1883]]) gfeiat. Ob 1891 hot ea donn aa sein Schwaapunkt auf de Schriftstellarei glegt, hot oba a no zum Beispuij [[1898]] in Minga [[Hugo von Hofmannsthal]]s „Tor und Tod“ inszeniat. Do dadriabanaus hot ea aa dee [[Münchner literarische Gesellschaft]] gründt.

Ganghofer hot mit seina Famuij a gostfreis Haus gfiat - sowoji in Minga oijs aa auf seim groaßziagig ausbautn Jogdhaus "Hubertus" bei [[Leutasch]] in [[Tirol|Tiroij]], wo ea mit einige vo seine Mitpächta (Guatsbsitza Carl von Eynern, de Generalkonsuijn [[Carl Reiß]] aus Mannheim unn Paul Wedekind aus Palermo sowia Geheima Kommerzienrat Richard Zanders aus Bergisch Gladbach) aa a Jogdrevia vo iaba 20.000 Hektar im [[Gaistal]] pocht hot. S'woan vuij bekonnte Peasönlichkeitn aus de untaschiedlichstn Bereich seine Gäst, do drunta unta ondam [[Ludwig Thoma]], [[Friedrich August von Kaulbach]], [[Franz von Stuck]], [[Franz von Defregger]], [[Rheiner Maria Rilke]], [[Hugo von Hofmannsthal]], [[Leo Slezak]] oda [[Richard Strauss]]. Freindschaftli vabundn woar ea in seina Weana Zeit aa mit [[Vinzenz Chiavacci]] und [[Johann Strauß (Sohn)]], dea eam sei [[Polka]] "Auf zum Tanze" op.436 gwidmet hot.

Weniga bekonnt is sei Oabeit zwischn [[1915]] unn [[1917]] oijs freiwilliga [[Kriegsberichterstatter|Kriagsberichteastotta]] vo de Frontn im [[Erster Weltkrieg|Easchtn Weijtkriag]]. Dobei hot ea nemn [[Propaganda|propagandistischn]] unn weni objektivn Kriagsbrichtn wia de „Reise zur deutschen Front“ aa a Vuijzoij vo Kriagsgdicht gschriem, de in Sommeijbänd patriotischa Prägung wia „Eiserne Zither“ unn „Neue Kriegslieder“ easchiana san. Ganghofer woar a peaseenlicha Freind vo [[Wilhelm II. (Deutsches Reich)|Kaisa Wilhelm II]], unn seine Kriagsbricht san net seijtn Lobeshymnan auf an Kaisa unn de Kriagsfiarung. No bis kuaz voa Kriagsend hot Ganghofer Duachhoijteparoijn vaeffentlicht.

Noch [[1917]] hot ea bis zu seim Doud [[1920]] wieda oijs Schriftstella goabat. Sei letzts Weak, „Das Land der Bayern in Farbenphotographie“, hot ea [[Ludwig III. (Bayern)|König Ludwig III. von Bayern]] gwidmet.

De Weak vo Ganghofer, voa oijm de Roman, wean no heit valegt. Weijtweit san insgsomt mea oijs 30 Millionan vo seine Biacha vakaaft woan (gschätzt, Stond [[2004]]). Donemn is Ganghofer oana vo de meist vafuijmtn deitschn [[Autor]]n.

De Hoamatroman hom Ganghofer den Ruaf von am „Heile Welt“-Schreiba eitrong. Net seijtn wean seine Weak, de meist vom Lemn oafocha, tichtiga, ealicha Leit hondln, oijs [[Kitsch]] bzeichnat, zuamoij de Handlunga hauptsächli in da iabatriemn dogsteijtn Idyll vo de boarischn [[Alpen|Oijpn]] spuijn.

Net weni vo seine Weak greifn Gschehniss aus da Gschicht vo [[Berchtsgoan]] auf, wo ea si reglmäßi aufghoijtn hot, unn san im [[Berchtsgoana Lond]] aa vafuijmt woan. Oba a vo Ganghofer seijbst plants Theata fia seine Weak - am Originalschauplootz in Berchtesgoan – is net realisiat woan.

Bekonnt woane Enkeijn vo Ganghofer san da Schriftstella Bernhard Horstmann, dea unta dem Pseudonym Stefan Murr Kriminalroman unn Thriller schreibt, unn dea Publizist Caspar Freiherr von Schrenck-Notzing.
A Schwoga vo Ganghofer woa da Geologe unn Geograph [[Albrecht Penck]], a Neff vo eam da Geomorphologe Walther Penck.

As Grob vo Ganghofer bfindt se nemn dem vo seim Freind [[Ludwig Thoma]] auf am Kjuchhof vo [[Rottach-Egern]].

De Bdeitung vo Ganghofer woa aa bei de Londbeveijkarung groaß. Des losst se ohand vo oana kloanan Anekdot beleng: 1920, kuaz nochdem da Doud vo Ganghofer in da Zeidung gmeijt woan is (oijso no währand da Eantezeit), hot se a Baua ausm Zillatoij z'Fuaß aufn Weg zum Tegansää gmocht, um dea Beeadigung vo "seim Schriftstella" in Rottach-Egern beiwohnan z'kenna.

== Weak (Auswoi) ==

* ''Der Herrgottschnitzer von [[Oberammergau|Ammergau]]'' (Voijksstickl, 1880 (1890 a.a.Q.))
* ''Der Jäger von Fall'' (Hochlandroman, 1883)
* ''Die Sünden der Väter'', (Roman, 1886)
* ''Edelweißkönig'' (Hochlandroman, 1886)
* ''Der Unfried'' (Roman, 1888)
* ''Der Klosterjäger'' (Historischa Roman, 1892)
* ''Die Martinsklause'' (Historischa Roman, 1894)
* ''Die Fackeljungfrau'' (Roman, 1894)
* ''Schloss Hubertus'' (Roman, 1895)
* ''Die Bacchantin'' (Roman, 1897)
* ''Das Schweigen im Walde'' (Roman, 1899)
* ''Das Gotteslehen'' (Historischa Roman, 1899)
* ''Der Dorfapostel'' (Hochlandroman, 1900)
* ''Das neue Wesen'' (Historischa Roman, 1902)
* ''Der Hohe Schein'' (Roman, 1904)
* ''Der Besondere'', (Erzehjung, 1904)
* ''Gewitter im Mai'' (Kuazgeschichtn/Noveijn, 1904)
* ''Der Mann im Salz'' (Historischa Roman, 1906)
* ''Damian Zagg'' ([[Kurzgeschichte|Kuazgeschichtn]] / Novejn, 1906)
* ''Waldrausch'' (Roman, 1907 (1908 a.a.Q.))
* ''Lebenslauf eines Optimisten'' (Autobiographie, 3 Bde., 1909-1911)
* ''Der Ochsenkrieg'' (Historischa Roman, 1914)
* ''Die Trutze von Trutzberg'' (Historischa Roman 1915)
* ''Reise zur deutschen Front'' (Bericht, 1915)
* ''Das große Jagen'' (Roman, 1918)
* ''Der laufende Berg'' (Hochlandroman, 1920 (1897 a.a.Q.))
* ''Hochlandzauber'' (Kuazgeschichtn / Noveijn, 1931 posthum (?))
* ''Bergheimat'' (Kuazgeschichtn / Noveijn, 1933 posthum (?))
* ''Die Fuhrmännin'' (Roman, 1942 posthum (?))

== Rezeption ==

=== Vafuijmunga unn Auffiarunga ===

A Deij vo de Roman vom Ganghofer san scho in de 30a Joar vafuijmt woan.
Zoijreiche [[Heimatfuijm]] vo de [[1950]]a Joar - im Zuag vo dem [[Kinowunder|Kinowunda]] - san [[Literaturverfilmung|Vafuijmunga]] vo seine Roman unn homn de Popularität von eam enoam in d'Häh steing lossa.
De bishea letztn Ganghofer-Fuijm san in de 1970a Joar entstondn.

Im [[Schönau am Königssee]] homn im Sommer [[2003]] in am groaßn Theatazeijt 180 Auffiarunga vo da ''Salzsaga'' stottgfundn - des is a [[Musical]] auf da Basis von am Ganghofer seim Roman "Der Mann im Salz" noch a Idee vo dem Rosnheima [[Autor]] unn Titluaheba [[Nikolaus Bielka]]. In da easchtn zua Auffiarung glongtn Version san de Musi von dem Oijgeia Bigband-Leader [[Klaus Ammann]] unn de Text von da Regisseurin [[Barbara Mende]] gwen.

=== Bnennunga noch Ganghofer ===

In [[Wean]] is im 11. Beziak a Gass noch Ganghofer bnennt, in Berlin Neukölln a kloane Stroß.

In [[Berchtsgoan]] is a Straß a noch eam gnannt worn. Genau wia si a a Berchtsgodna Buttnmandl Bass den Nom D'Ganghofer Buttnmandl gem hod.

De estareichische Party- unn Voijksmusigruppn "[[Die Klosterjäger]]" homn eanan Bandnoma von am Roman vo Ganghofer obgleit.

Jeds Joar Ofong Meaz find im Leutasch-Toij in Tirol da [https://web.archive.org/web/20120503111302/http://www.ganghoferlauf.at/ Intanationale Ganghofer-Laaf] stott. On dem offanan Wettbweab im Schilonglaaf fiar a jede Oijtas- unn Leistungsklassn nehman iaba 1000 Sportla aus olla Weijt teil.

=== Museen ===

Im Gebuatshaus vom Ganghofer z Kaufbeian gibts a Ganghofermuseum. A weidas Ganghofermuseum gibts in Leitasch.

== Biacha ==

* Franz Loquai (Hg.): ''Die Alpen''. Eine Landschaft und ihre Menschen in Texten deutschsprachiger [[Autor]]en des 18. und 19. Jahrhunderts. Zitat von Ludwig Ganghofer: ''Die Begegnung'' aus ''Der Klosterjäger'' sowia kritischs Nochwoat zu Ganghofer sieg de Seitn 477 - 480. Goldmann Valog, [[Minga]] [[1996]]. ISBN 3-442-07659-5
* Emil Karl Braito: ''Ludwig Ganghofer und seine Zeit.'' Löwenzahn Verlag, [[Innschbruck]] [[2005]]. ISBN 3-7066-2388-9
* Gerd Thumser: ''Ludwig Ganghofer.'' Alpenkönig und Kinofreund, Ludwig Ganghofer (1855 - 1920) zum 150. Geburtstag. Bachmaier Verlag, [[Minga]] 2005, ISBN 3-931680-46-0

== Im Netz ==

{{Commons|Ludwig Ganghofer}}
* {{PND|118537490}}
* {{PGDA|ganghofe}}
* [https://web.archive.org/web/20090106064814/http://www.wissen-im-netz.info/literatur/ganghofer/werke.htm Werke bei www.wissen-im-netz.info] Online
* [https://web.archive.org/web/20070626055547/http://www.leutasch.at/Museum.htm Ganghofer-Museum in Leutasch/Tirol]
* [https://web.archive.org/web/20070413071459/http://www.ganghofer.kaufbeuren.de/ Ludwig-Ganghofer-Jahr in Kaufbeuren, mit weidane Links]

=== Frei zuagängliche Weak ===

'''www.wissen-im-netz.info'''
* [https://web.archive.org/web/20050501014014/http://www.wissen-im-netz.info/literatur/ganghofer/grosjagn/index.htm ''Das große Jagen'']
* [https://web.archive.org/web/20050816163733/http://www.wissen-im-netz.info/literatur/ganghofer/jagerfall/index.htm ''Der Jäger von Fall''] 
* [https://web.archive.org/web/20050827150311/http://www.wissen-im-netz.info/literatur/ganghofer/jager/index.htm ''Der Klosterjäger'']
* [https://web.archive.org/web/20050819010143/http://www.wissen-im-netz.info/literatur/ganghofer/mannsalz/index.htm ''Der Mann im Salz'']
* [https://web.archive.org/web/20050501014109/http://www.wissen-im-netz.info/literatur/ganghofer/ochsenkrieg/index.htm ''Der Ochsenkrieg'']
* [https://web.archive.org/web/20050822072505/http://www.wissen-im-netz.info/literatur/ganghofer/laufberg/index.htm ''Der laufende Berg'']
* [https://web.archive.org/web/20050501014101/http://www.wissen-im-netz.info/literatur/ganghofer/martin/index.htm ''Die Martinsklause'']
* [https://web.archive.org/web/20050818231748/http://www.wissen-im-netz.info/literatur/ganghofer/trutz/index.htm ''Die Trutze von Trutzberg'']
* [https://web.archive.org/web/20050828181853/http://www.wissen-im-netz.info/literatur/ganghofer/edelweis/index.htm ''Edelweißkönig'']  
* [https://web.archive.org/web/20051210131218/http://www.wissen-im-netz.info/literatur/ganghofer/optimist/index.htm ''Lebenslauf eines Optimisten''] 
* [https://web.archive.org/web/20050830055524/http://www.wissen-im-netz.info/literatur/ganghofer/dfront1915/index.htm ''Reise zur deutschen Front'']  
* [https://web.archive.org/web/20050817185811/http://www.wissen-im-netz.info/literatur/ganghofer/hubertus/index.htm ''Schloss Hubertus''] 
* [https://web.archive.org/web/20050501014105/http://www.wissen-im-netz.info/literatur/ganghofer/waldrausch/index.htm ''Waldrausch''] 
 
'''Projekt Gutenberg.spiegel.de'''
* [https://web.archive.org/web/20070211075501/http://gutenberg.spiegel.de/ganghofe/schweign/schweign.htm ''Das Schweigen im Walde''] 
* [https://web.archive.org/web/20070211142853/http://gutenberg.spiegel.de/ganghofe/dorfapos/dorfapos.htm ''Der Dorfapostel'']

{{Normdaten|TYP=p|GND=118537490|LCCN=n/85/200771|VIAF=59072154}}

{{SORTIERUNG:Ganghofer, Ludwig}}
[[Kategorie:Autor]]
[[Kategorie:Literatur (Deutsch)|Ganghofer, Ludwig]]
[[Kategorie:Literatur (19. Jahrhundert)|Ganghofer, Ludwig]]
[[Kategorie:Literatur (20. Jahrhundert)|Ganghofer, Ludwig]]
[[Kategorie:Roman, Epik]]
[[Kategorie:Bairische Schriftsteller|Ganghofer, Ludwig]]
[[Kategorie:Deutscher|Ganghofer, Ludwig]]
[[Kategorie:Johann Nestroy]]
[[Kategorie:Geboren 1855]]
[[Kategorie:Gestorben 1920]]
[[Kategorie:Mann]]