Quöntext voh da Seiten Middlboarisch auhschauh

'''Middlboarisch''' (dt.: '''mittelbairisch''') is neem [[Noadboarisch]] und [[Sidboarisch]] oane vo de drei Haptgruppn vo da [[Boarisch|boarischn Sproch]]. Des middlboarische Sprochgebiet eastreckt se iwa grouße Tei vo [[Bayern]] und [[Östareich]]. Noch da Ozoih vo de Sprecha is's bei weitm de gresste Untagruppn vo da boarischn Sproch.

As Middlboarische ko ma in Westmiddlboarisch und Ostmiddllboarisch aftein.

== Meakmoi ==

As oigmoane Kennzeichn vom Middlboarischn is, dass Fortis-Laute wia ''p'', ''t'', ''k'' zwischn Vokaln oda Resonantn un in Olaut obgschwächt wean. Vua an Vokal bleibt es aspiriata ''k'' (kʰ) im Olaut dahoidn, wia z. B. in ''[[Kuh|Kuah]]''.<ref>Vgl. Wiesinger: "The Central and South Bavarian Dialects in Bavaria and Austria", in: Charles V.J. Russ: ''The Dialects of Modern German'', Routledge: London 1990, S. 460f.</ref>

Ois Vakloanarungsforma wern ''-l'' oda ''-al'' vawendt (''Dirndl/Dirndal, Hiasl/Hiasal, Katzl/Katzal''). Im Grenzgebiet zwischn Sid- und Westmittlboarisch (''[[Salzburger Land|Soizburga Oipmgaue]], [[Berchtesgaden|Berchtsgoan]], Steirische Tauangegend, Tirola Untaland, [[Boarisches Obaland]]'') heat ma aa -ai ois Koseform (''Dirnei, Hiasei, Katzei'').

As Mittlboarische ko ma ins [[Westmittlboarisch]]e (teiweis aa "Oidboarisch"<ref>[https://www.bairische-sprache.at/Index/Bairischer%20Sprachraum.htm ''Bairischer Sprachraum''] auf bairische-sprache.at</ref><ref>{{Webarchiv|url=http://www.univie.ac.at/iggerm/files/mitschriften/Variation_des_Deutschen_in_%C3%96sterreich-Glauninger-SS11.pdf |wayback=20161020105236 |text=''Variationen des Deutschen'' (Server vo da Uni Wien) |archiv-bot=2018-07-01 16:23:12 InternetArchiveBot }}</ref>) gnennt) und s [[Ostmittlboarisch]]e (teiweis aa "Österreichisch" gnennt) eintein. De Grenz zwischn West- und Ostmittlboarisch (''vui'' geng ''vüi'' und ''vü'') vaschiabt se untam Einfluss vom [[Weanarisch]]n oimähli zua Stootsgrenz zwischn [[Österreich]] und [[Deitschland]] hin.

In [[Obaöstareich]], im [[Soizburg]]a [[Flochgau]] (''aussa da Stod [[Soizburg]] und seina Agglomarazion'') sowia im [[Niedaöstareich|niadaöstareichischn]] [[Woidviadl|Woid-]] und [[Mostviadl]] is, wia im benochbartn [[Bayern]], s [[Westmittlboarisch]]e behoamatt. De Dialekte buidn do midm ogrenzendn [[Niedabayern|Niadaboarisch]] an Sprochvaband. Andas ois s [[Ostmittlboarisch]]e is des aufm Bodn vom oidn Stammesherzogtum entstandn. A deitlichs Untascheidungskriterium zwischn [[Westmittlboarisch|West-]] und Ostmittlboarisch is da Doppelaut ''-au-''; im Westmittlboarischn wead a tendenziell mehra mit ''-a-'' aufglöst (des kaff i ma); im [[Ostmittlboarisch]]n mid an vadunkltn ''au'' Laut (des kauf i ma). A de beigtn Forma vo "kemma" (I kimm, se kemma(n), Infinitiv: kemma) san aufs Westmittl- und Siidboarische bschrenkt. As Ostmittlboarische kennt nur de Büidung mit ''-u-'' (''I kumm'').
Im [[Westmittlboarisch]]n is aa de oide Form fia "san" - ''hand'' (''Mir hand erm inna worn'') no oztreffa. Weitas wead a des oide germanische Temporaladverb "oft" nebm "na" im Sinn vo "danoch", "hintaher" vawendt (''oft host a Pech''). De letztgnanntn Formen san heid nur no auf 'm ländlichn Raum beschränkt.

In [[Owaöstareich]] buidt da Dialekt vom [[Innviadl]] midm ogrenzendn [[Niedabayern]] a historische Eiheit. Politisch is Innviadl eascht 1814 östareichisch worn. Währnd da Dialekt vom Innviadl geng Ostn hi (''in Richtung Hausruck'') an erkennbarn Lautwandl durchmocht (''ui wead zu üi - zB spuin / spüin, a zuanehmende o-Vadunklung'') san de Iwagäng weita ostwärts entlang vo da [[Donau]] iwas Traun- zum [[Mostviertel|Mostviadl]] hi fliaßend. Außadem nimmt noch Ostn hi da Einfluss vom [[Wean]]arischn zua, der in de letztn Joarzehntn zuanehmend de bodnständing Mundortn üwalogat hod. Am stärkstn merkt ma des in de greßan Städte und aun da Hauptvakeasstreggn.

Da boarische Sprochraum in Österreich geht auf de boarische Ostbesiadlung zruck, wo nacha s Herrschoftsgebiet vo de Babenberga entstandn is. De Sprochinnovation und domit de Differenziarung vom Oidboarischn zum Ostmittlboarischn is vor oim aufn Einfluss vom [[Weanarisch]]n zruckzfihrn. Des hod mit da dominantn Stejung vo Wean in da Region z doa. Da Einfluss vom [[Weanarisch]]n mocht si im gsamtn boarischen Sprochraum in Österreich bemeakboa. Des "oa" wead mehr und mehr vom Ostmittlboarischn "aa" easetzt. Beispuisweis wead aus ''oans, zwoa, kloa, kleana, Stoa, hoass, hoazn'' ... durch ''aans, zwaa, klaa, Staa, haaß, haazn''. De Dialektgrenzn san in Österreich in Auflesung. Es gibt koa klor definiate Grenz zwischen Ost- und Westmittlboarisch und aa ned zum Siidboarischn.

An Untaschiad mocht de Lexik aus. S estliche [[Ostmittlboarisch]] zoagt a slawischs [[Subsdrat - Supasdrat - Adsdrat|Substrat]] und a [[fränkisch]]s [[Subsdrat - Supasdrat - Adsdrat|Supastrat]], des wo si im bsundan Wortschotz und a boa lautliche Oagnheidn zoagt. Aussadam is s Ostmittlboarische während da Zeit vom Koasareich [[Österreich-Ungarn]] mid vui slawische und [[ungarisch]]e Fremdweata gspickt worn und hebt si aa so vom [[Westmittlboarisch]]n ob.

A gwisse Oagnständigkeit hod s [[Landl]]arische ghobt, a Dialekt, wo im Hausruckviadl und im Westn vom Traun- und Mihviadl gredt worn is und wo ma heit nua no sejtn heat. Do kummt an da Stej vom ostmittlboarischn langan "o" as "eo" (z. B. Broot -> Breot, root -> reot; betont wead a im zwoatn Foi as "o"). Im Westn vom Mihviadl gibts Forma mitm gstirztn Diphtong (Broet, roet).

Am Ostrand vom Mittlboarischn, im [[Weinviadl]] und im [[Burgenland|Burgnland]] findt ma s "[[Hianzisch]]e" (ui-Dialekt). Do sogt ma a "ui" (''Bruida, guit, Schuich''), wo ma im Mittlboarischn sunstan a "ua" (''Bruada, guad, Schuach'') sogt.

Da Lech buidt im Westn de Grenz vom Boarischn zum schwobschn Sprochraum. Natiale spiat ma aa scho noh an da Grenz (z. B. [[Pfahofa]]) in alemannischn Einfluss (z. B. "I hob koa Luscht").

=== Tippische Untaschiad ===

{| class="wikitable" 
|-
! style="width:150px;"| Isoglosse
! style="width:150px;"| Westmittlboarisch
! style="width:150px;"| Ostmittlboarisch
|-
| ''ui'' vs. ''ü'' (< ahd. ''il''):||vui||vü
|-
| ||Spui, Spuin||Spü, Spün
|-
| ||i wui, mia woin||i wü, mia woin
|-
| ''o/or/oar'' vs. ''oa'' (< ahd. ''ar''):||i for, mia forma||i foa, mia foan
|-
| ||hort, heata||hoat, heata
|-
| ''o'' vs. ''au'' (< ahd. ''au''):||i kaf, mia kaffa(n)||i kauf, mia kauffa(n)
|-
| ''on'' vs. ''aun'' (< ahd. ''an''):||Lond||Laund
|-
| ungsetzmäßi:||i kimm, mia kemma(n)||i kumm, mia kumma(n)
|}

==Beleg==
<references />

== Schau aa ==

* [[Portal:Boarisch]]
* [[:Kategorie:Bairische Sprache|Kategorie Boarische Sproch]]

{{Übersetzungshinweis|Lemma=Bairische Dialekte|de|deitsch}}

[[Kategorie:Bairische Sprache]]