Noadeifl
(Weidagloadt vo Nordeifel)
De Noadeifl (dt.: Nordeifel), da neadliche Tei vo da Eifl, vo om Middlgebiag in Nordrhein-Westfalen, Rheinland-Pfoiz und Ostbejgien bstähd aus fimf Teigebiete, nemli
- om Vennvoaland,
- om Hohn Venn,
- da Rureifl,
- da Koicheifl,
- om Ourtoi.
Olle Teigebiete ghean zan Natuapark Hohs Venn-Eifl.
Etwos Bsondas is's Hochmoor van Hohn Venn as Platoo van Hohn Venn bfindd se seit 2008 af da bejgischn Voaschlogsliste fia's UNESCO-Wejdeabe. De Eifla Säänplottn mid da zwoatgressdn Toisperre vo Deitschland, da Rurtoisperre, liegd middn in da Noadeifl.
Za da Noadeifl ghean aa:
- da Nationalpark Eifl,
- as Monschaua Hecknland,
- da Kermeter,
- da Hürtgenwoid,
- da Zittawoid sowia
- Auslaifa vo da Noadeifl, de in de Jülich-Zülpicha Börde iwagenga, wi de Gebiete uma Euskirchen, Zülpich und Düren. Diese Teiauslaifa buidn an Iwagong ins Voaeiflland.