Noadische Kombination

Aus Wikipedia
(Weidagloadt vo Nordische Kombination)
Piktogramm fia de nordische Kombination

De Nordische Kombination is a Mehrkampfsportart, de wej in Winter bedriem wird. Zeascht doun de Sportler Skispringa, nachernd kimmt Skilanglauf.

Gschichd[Werkeln | Am Gwëntext werkeln]

De Nordische Kombinatuiin is a Spoatart mid ana langer Gschicht. Vo de easdn Olymbischn Winderspiele is bereits ausdrong woan. Do san de Sportler eascht ghupft, nachernd sans 18 km grennd. Mid an komblizierdn Punktesysdem is nachernd da Siega ausgrechert worn. Oana vo de bekanntasdn und erfolgreichsdn Sportler zu deara Zeid woar da Gunder Gundersen. Der hod nachernd de sogenannte Gundersenmethode entwiggld. Do is da Rückstand vom Skispringa in a Zeid umgrecherd worn. Des woar nachernd da Rückstand, mid den wejs lous grennd san. Wer als easda in Züll gwen is, hod gwunger ghod. As Langlaufen hammands iagandwann kirzer gmocht. Wieder schbäder hod ma nachand mearane Disziplinen eigfiahrt, wej z. B. Sprint. Heizedogs giz wieder sched mea oa Disziplin, waalse kaam oana no auskennd hod. Ejtz wird easd oaml ghupft, nachernd 10 km grennd. Owa de Gundersenmethode nimmt ma bis heid her.

Wichdige Wettkämbfe[Werkeln | Am Gwëntext werkeln]

A nejds Joar giz an Weltcup, wous Bungde fia oanzlne Weddbeweabe gidd. Wear aafzletzt de mearan Bungde hod, is Gesamtweltcupsieger. In letzan Joar hod da Koivuranta Anssi vo Finnland gwunga.

Alle zwoa Joar is aussadem de noadische Ski-WM, wous mearane Weddbeweabe in da Nordischen Kombination gidd.

Vo de Olymbischn Spiele hoz bis ejtz awl oan oda meara Weddbeweabe in da Nordischn Kombination gem.

Alle de Weddbeweabe giz owa sched fiar d'Mona.

Bekannde Sportla[Werkeln | Am Gwëntext werkeln]

Einheimische[Werkeln | Am Gwëntext werkeln]

  • Bayern: Rydzek Hans, Weinbruch Hermann
  • Östareicha: Gottwald Felix, Bieler Christoph, Stecher Mario, Denifl Willi, Klapfer Lucke, Gruber Bernhard, Guaber Miche, Krainer David

Främe[Werkeln | Am Gwëntext werkeln]

  • Breissn: Ackermann Ronny, Kircheisen Björn, Menz Hias, Hettisch Schorsch, Haseney Wast, Thoma Schorsch, Edelmann Tino, Frenzl Eric
  • Finnen: Koivuranta Anssi, Ryynänen Janne, Manninen Hannu, Larjunen Samppa, Tallus Jaakko
  • Norwega: Moan Magnus, Krog Magnus, Klemetsen Havard, Tande Petter, Wirkola Bjørn, Riiber Jarl Magnus
  • Franzosn: Lamy Chappuis Jason, Laheurte Maxime, Braud François, Lacroix Sebastien
  • Japaner: Kobayashi Norihito, Takahashi Daito, Watabe Akito
  • Amerikaner: Lodwick Todd, Demong Billy, Spillane Johnny

Im Netz[Werkeln | Am Gwëntext werkeln]

 Commons: Nordic combined – Sammlung vo Buidl, Videos und Audiodateien