Quöntext voh da Seiten Poimkatzal auhschauh

{{Dialekt-oben|Westmittlboarisch|Obaboarisch}}
{{Wikidata Infobox}}
[[Datei:Salix caprea goat willow.jpg|thumb|Poimkatzal]]
[[File:Salix caprea catkins 080315-1.jpg|thumb|Poimkatzal]]

'''Poimkatzal''' oda '''Poimkatzl''' nennt ma de Bliatnständ an am [[Poimgart]] (Weidnzweigal), de wo im Fruajoar fia de Vawendung in [[Poimbuschn]] gschnittn wern. Andanorts sogt ma oafach '''Weidnkatzal''' dazua. Da Vagleich mid gloane [[Katz]]al ligt nah zweng am woachn graun "Fej", wo s vorm Afblian hom.

== Poimkatzal im Brauchdum ==

In vuin Gegandn schneidt ma am [[Greapfinzda]] oda am Poimsunda Poimkatzalzweig ob. De wean na dahoam in a Vasn gstejt und am Koarsamsda mit ausblosane und bunt ogmoide [[Oa]]r gschmickt.

Um s Haus und de Bewohna vor Ungmoch z schitzn, wean a heit no Poimzweigal am Kruzifix im Herrgodswinkl afgstejt und an Spiagln oda Heilignbuidln obrocht. Friaa hom manche Bauan de viar Eckn vo an jedn Ocka mit Poimzweigal markiat, damit s Fejd vor Vawiastunga vom Droadgeist bewoat worn is.

Bliahade Poimkatzal san a heit no - oft nem Stechpoim- und [[Kranawitt]]zweigal (Wachoida), bliahadn Hoslruadn und Buxzweigal, Immagrean und Oachnzweigal mit vorjaarigm [[Laab]] - Bstandtoal vom Poimbuschn. An am langan Steckn (Poimsteckn) wean nacheinanda jeweis drei Zweigal vo ana Oart mit buntn Bandln festgmocht. Des werd dann in oana Prozession - moast vo Kindan - am Poimsunnda zua Kira drong und duatn gweiht.

== Literatua ==

* Sybil Gräfin Schönfeldt: ''Feste und Bräuche durch das Jahr'', Urania, 1999, ISBN 3-332-01026-3

{{Navi Boarischa Brauch}}

[[Kategorie:Pflanzen]]