Radiweiber
Erscheinungsbild
(Weidagloadt vo Radiweiwa)
![](http://upload.wikimedia.org/wikipedia/bar/thumb/d/d2/Fliagande-Haendla.jpg/300px-Fliagande-Haendla.jpg)
Radiweiber oda Radiweiwa hod ma friacha fliagade Händlarinna gnennt, de wo in Wirtschafdn Radi und Niss vakafft hom. Heit hoasst ma s Radifraun oda Radiweiberl.
De Radiweiber san voa oim duachs Hofbräuhaus zua Legendn worn. De bekanntestn worn de Nuss-Kathl und de Radi-Rosl. Sejchane leicht z miakade Nama hods an Hauffa gem. Duach ihr loses Mundweak hom si fia Untahoitung und guade Stimmung gsorgt. A bsundare Gaudi und Hetz worn de Radiweiber-Renna, de wo zua Maibockzeit duachgfiahtn worn san. Do hom imma Tausande zuagschaud und gjoiht, wia de nimma ganz jungan Radiweiber Wettrenna glaffa san.
Radiweib is oba aa a Synonym fia a unpflegts, ordinärs Weib.