Quöntext voh da Seiten Slowenien auhschauh

{{Dialekt-oben|Ostmittelbairisch|Sort=Österreich}}

{{Infobox Staat
|NAME = <font size="+1">'''Republik Slowenien'''</font><br />
Republika Slovenija
|BILD-FLAGGE = Flag of Slovenia.svg
|BILD-FLAGGE-RAHMEN = ja
|ARTIKEL-FLAGGE = Flagge Sloweniens
|BILD-WAPPEN = Coat of Arms of Slovenia.svg
|BILD-WAPPEN-BREITE = 100px
|ARTIKEL-WAPPEN = Woppm vo Slowenien
|WAHLSPRUCH = 
|AMTSSPRACHE = [[Slowenische Sprache|Slowenisch]] regional: [[Italienisch]] und [[Ungarisch]] und aa Deitsch
|HAUPTSTADT = [[Laibach|Laiboch]] (''Ljubljana'')
|STAATSFORM = [[Republik]]
|STAATSOBERHAUPT = Stootspresident Nataša Pirc Musar
|REGIERUNGSCHEF = Ministerpresident Robert Golob
|FLÄCHE = 20.273
|EINWOHNER = 2.063.077 (Staund 1. Juli 2015)
|BEV-DICHTE = 102
|WÄHRUNG = [[Euro]]
|UNABHÄNGIGKEIT = 25. Juni [[1991]] (vo [[Jugoslawien]]) (Unobhengigkeitseaklearung)
|NATIONALHYMNE = ''Zdravljica'' (siebte Strophn)
|ZEITZONE = [[UTC]])+1 MEZ, UTC+2 MESZ (Meaz bis Oktoba)
|KFZ-KENNZEICHEN = SLO
|INTERNET-TLD = .si
|TELEFON-VORWAHL = +386
|BILD-LAGE = Slovenia in European Union.svg
}}
[[Datei:Borut Pahor (cropped).jpg|miniatur|hochkant|Borut Pahor (2019)]]
[[Datei:Robert Golob - 52114942369 (cropped).jpg|mini|Robert Golob (2022)]]

'''Slowenien''' ([[Slowenische Sprache|slowenisch]]: '''Slovenija''') is a [[Stoot]] in [[Eiropa]], dea wos an [[Italien]], [[Östareich]], [[Ungarn]], [[Krowozien]] und d Adria grenzt. Es Laund is am 1. Mai [[2004]] Mitglied vo da [[Europäische Union|Eiropäischn Union]] worn. Am 1. Jenna [[2007]] is aa da [[Euro]], dea wos in slowenischn Tolar obglest hod, eigefiad worn.

De [[Haptstod]] vo Slowenien is [[Laibach|Laiboch]] ([[Slowenische Sprache|slow.]]: ''Ljubljana''), mid 287.218 Eihwohna (Staund: 1. Jenna [[2015]]).

== Bevejkarung ==

Slowenien hod a iwaraus homogene Bevejkarung und bsteht aus foigendn Voiksgrubbm:

* 83,06% [[Slowenischs Voik|Slowenen]]
*  1,98% [[Serbien|Serbm]]
*  1,81% [[Krowozien|Krowodn]]
*  1,10% [[Bosnien-Herzegowina|Bosniakn]]
(Zensus [[2002]])

weitas klaane autochthone Mindaheitn vo [[Italien]]an in Istrien (0,11%), [[Ungarn]] in da estlichn Region Prekmurje (0,32%), sowia [[Österreicher|Oidöstareicha]] (0,10%).

=== Religion ===

Laut Zensus vo 2002 san 57,8 % vo de Slowenen [[Römisch-Katholische Kirche|remisch-katholisch]], 2,5 % san [[Islam|Muslime]], 2,3 % orthodox, 0,9 % Protestantn. 3,5 % san konfessionslos glaibig. 10,1 % san Atheistn. 22,8 % hom koa Ogob bei dea Umfrog gmocht.

=== Sprochn ===

In Slowenien wiad vuaoim [[Slowenische Sprache|Slowenisch]] gredt. A großa Teu vo de Slowenen kau vua oim owa no [[Serbokroatische Sprache|Serbokrwodisch]] - duach de launge Zuaghearigkeit zum ehemoling [[Jugoslawien]]. Klaane Grubbm redn no [[Italienische Sprache|Italienisch]], [[Ungarische Sprache|Ungarisch]], [[Albanische Sprache|Albanisch]] und [[Deutsche Sprache (Hochdeutsch)|Deitsch]].

== Vawoitungsgliedarung ==

Slowenien is in '''212 Gmoana''' (slowenisch ''občine'', Sg. ''občina'')- drunta öif Stodgemeindn - gliedat. Olladings wead üba de Schoffung vo Regoonan nochdenkt.

De 11 '''Stodgmoana''' san:
{|
| colspan="3" |
|-----
| width="30%" valign="top" |
# [[Celje]] (''Cilli'')
# [[Koper]] (''Capodistria'')
# [[Kranj]] (''Krainburg'')
# [[Ljubljana]] (''[[Laiboch]]'')
| width="30%" valign="top" |
<ol start=5>
<li> [[Maribor]] (''[[Marburg an da Drau]]'')
<li> [[Murska Sobota]] (''Oisnitz'')
<li> [[Nova Gorica]] (''Nei Görz'')
<li> [[Novo Mesto]] (''Rudoifswert'')
| width="30%" valign="top" |
<ol start=9>
<li> [[Ptuj]] (''[[Pettau]]'')
<li> [[Slovenj Gradec]] (''Windischgrätz'')
<li> [[Velenje]] (''Wöllan'')</ol>
|}
[[Datei:Kronländer Slowenien.svg|thumb|Historische Laundschoftn vo Slowenien:<br />1: [[Primorska]]<br />2: [[Kranjska]] (Krain)<br />2a: [[Gorenjska]]<br />2b: [[Notranjska]]<br />2c: [[Dolenjska]] und [[Bela krajina]]<br />3: [[Koroška]]<br />4: [[Štajerska]]<br />5: [[Prekmurje]]]]

=== De grässtn Städt ===

* [[Ljubljana]] (''Laiboch'') 300.000 EW
* [[Maribor]] (''Marburg'') 110.000 EW
* [[Celje]] (''Zilli'') 41.000 EW
* [[Kranj]] (''Krainburg'') 37.000 EW
* [[Velenje]] (''Wöllan'') 26.500 EW
* [[Koper]] (''Capodistria'') 25.000 EW
* [[Novo Mesto]] (''Rudoifswert'') 23.000 EW
* [[Ptuj]] (''[[Pettau]]'') 23.000 EW

=== Historische Laundschoftn ===

Slowenien wead traditionö in 5 historische Laundschoftn eiteut:

* [[Krain]] (''Kranjska'')
** [[Innerkrain|Innakrain]] (''Notranjska'')
** [[Oberkrain|Obakrain]] (''Gorenjska'')
** [[Unterkrain|Untakrain]] (''Dolenjska'')
** [[Weißkrain]] (''Bela krajina'')
* [[Primorska|Küstenlaund]] (''Primorska'')
** Slowenisch Istrien (''[[Slovenska Istra]]'')
* Murlaund (''[[Prekmurje]]'')
* (Unta-)Keantn (''[[Koroška]]'')
* (Unta-)Steiamoark (''[[Štajerska]]'')

=== Statistische Regionen ===

[[Datei:Slov-reg.PNG|thumb|right|300px|Statistische Regionen]]

Slowenien is außadem in Statistikregionen eiteut, de wos owa kaa administrative Bedeitung hom:

# Gorenjska regija
# Goriška regija
# Jugovzhodna Slovenija
# Koroška regija
# Notranjsko - kraška regija
# Obalno - kraška regija
# Osrednjeslovenska regija
# Podravska regija
# Pomurska regija
# Savinjska regija
# Spodnjeposavska regija
# Zasavska regija

== Gschicht ==

=== 6. Joahundat bis zum Heilign Remischn Reich ===

Es wiad augnumman, dass de Slowenen im 6. Joahundat ins heitige Gebiet vo Slowenien eigwaundat san. Im 7. Joahundat is es slawische Fiaschtndum [[Karantanien]] (Karantanija), da easchte slowenische Stoot wuan. Im Valauf vo de näxtn zwa Joahundate is Karantanien znaxt unta boarische und daun fränkische Vuaheaschoft gfoin. In da Mittn vom 10. Joahundat woa duachn Sieg vom Kenig und spädan Kaisa [[Otto I. (HRR)|Otto I.]] in da Schlocht aufm Lechföd (bei [[Augschburg]]) da Weg frei fiad Ostkolonisation duachs [[Heiliges Remisches Reich|Heilige Remische Reich]]. De Ungarn hom si in da Foige ausn Gebiet vaum heitign Slowenien in de Panonnische Tiafebane zruckzogn. Karantanien is ins [[Herzogdum Bayern]] eigliedat wuan und ob 976 zum Herzogdum Kärntn vom [[Heiliges Remisches Reich|Heilign Remischn Reich]] wuan. In de foigendn Joahundate is des Gebiet in de Herzogtüma [[Kärnten|Keantn]] (Koroška), [[Steiermark|Steiermoark]] (Štajerska) und [[Krain]] (Kranjska) aufgespoitn wuan.

=== Habsburga bis 1. Wödkriag ===

Duachn Aufstieg vo de [[Habsburger|Habsburga]] in da Mittn vom 13. Joahundat san große Gebiete vo Slowenien habsburgisch wuan. A Ausnauhm woa de Grofschoft Sanegg in [[Cilli]] (Celje), de wos se duach gschiggte Heiratspolitik bis zum Aussteabm vo da Dynastie [[1456]] geng de habsburgarische Hegemonie bhauptn hod kenna. Danoch is Slowenien bis zum Ende vom [[Erster Weltkrieg|Easchtn Wödkriag]] - mit ana kuazn Untabrechung wearend da Napoleonischen Kriag - unta habsburgischa Herrschoft gstaundn.

=== SHS-Stoot bis 2. Wödkriag ===

Des scho im 19. Joahundat zuanehmend aufflaumende Nationalbewusstsein hod [[1918]] daun zua Proklamation vom [[Jugoslawien|Kenigreich vo de Serbm, Krowodn und Slowenen]] gfiat; woraufhi [[Italien]] de slowenische Küstnregion bsetzt hod, de wos des Kenigreich daun im Grenzvatrog vo Rapallo [[1920]] offiziö obtretn hod miassn. [[1929]] is des Laund nochm Stootsstreich vom Kenig in [[Jugoslawien|Kenigreich Jugoslawien]] umgnennt wuan. Doduach hod si de Dominanz vo de Serbm im Kenigreich vasteakt. Zuadem hom de Slowenen untam Valust vo ernana Küstenregjon glittn. Zuanehmend innenpolitisch zarrüttet, hod se des Land oba sei Neitralität beweat. Am 25. Meaz [[1941]] is Slowenien vo de Axnmächte zum Mitpaktian zwunga wurn. De Militeafiarung hod oba scho zwa Tog späda putscht und hod in Kronprinz Peter II. ois Mochthoba eigsetzt. De Axnmächte hom de Vurgäng aun iara sidestlichn Flankn ois Gfoa eigstuaft und hom deseng im Aprü 1941 des gsamte Jugoslawien bsetzt. Slowenien is nocha unta [[Italien]], [[Ungarn]] und [[Deitschland]] aufteut wuan. Scho a poa Tog noch da Bsetzung vo Slowenien is de kommunistisch gfiate Widastaundsorganisation ''Osvobodilna Fronta'' grindt wuan. Zoihreiche Partisanenvaband hom se unta de Kenigstrein - und ob da Kriagserklearung vom [[Hitler]] aun [[Josef Stalin|Stalin]] - aa unta de kommunistischn Opposizionön (unta da Fiarung vom Titoformiat. Am End vam zwatn Wödkriag is nohezua de gsamte deitschsprochige Mindaheit vatriebm wuan. Dabei san noch da Beendigung vom zwatn Wödkriag im Gebiet um [[Maribor]] (Marburg) und in de Schluchtn vom Hornwoid vo Tito-Partisanen Massnmorde ("Massaka vo Bleiburg") beganga wuan.

=== SFRJ bis Unobhängigkeit ===

Nochm zwatn Wödkriag is am 29. Novemba [[1945]] de ''Demokratische Fedarative Voiksrepubblik Jugoslawien'' grindt wuan. Ab [[1963]] hod sa se ''Sozialistische Fedarative Republik Jugoslawien'' ('''SFRJ''') gnennt. De woxande Unzufriednheit mit da [[Belgrad]]a Fiarung wearend da [[1980]]a Joa hod zua Unobhängigkeitserklearung vo Slowenien am 25. Juni [[1991]] gfiat. Da drauffoigende Eimarsch jugoslawischa Trubbm hod im sognenntn ''10-Toge-Kriag'' erfoigreich obgweat wean kenna. Slowenien is binnen an Monat vo oin Mitgliedan vo da [[Europäische Union|EU]] onakaunt wuan. De ethnisch relativ homogene Bevökarung und de wenign Kriagshaunlungan hom a schölle Stabilisiarung eameglicht. Des is mitm Beginn vo de Beitrittsvoondlungen zur EU im Novemba [[1998]] honoriat wuan und mitm Beitritt vo Slowenien am 1. Mai [[2004]] zur [[Europäische Union|EU]] bsieglt wuan.

== Eadkund ==

[[Datei:Triglav.jpg|thumb|Da Triglav in de Julischn Oipn]]

Obwoi Slowenien relativ klaa is, gibts do recht vaschiedane Laundschoftsfuamen. Im Noadn liegn de Hochgebiage Julischn Oipn, de Karawankn und de Staana Oim. Im Nationalpark Triglav gibts mitn Triglav (2.864 m) in hächstn Beag vom Laund. In de Julischn Oipm entspringan aa da Soča und de [[Save]], de wos neba da [[Drau]] und da [[Mur (Fluss)|Mur]] wichtige Flüss vo Slowenien san. Da Ostn is vo ana Tiafebene prägt, de wos in de Pannonische Tiafebane iwagäht, wearend se in da Mittn und im Westn Middlgebirgszig vom [[Dinarisches Gebirg|Dinarischen Gebirg]] befindn. Duat gibts aa de tipischn Karst Erscheinungan. Im aissastn Siidwestn vum Laund liegt de 47&nbsp;km launge Adria-Küstn, de wos in tiafstn Punkt vom Laund markiat. Iwa de Höftn vo da Stootsflächn san mit Woid bedeggt.
Im Südwesten vom Laund herrscht a mediterrans Klima mit woaman Summan und müdn, feichtn Wintan. Winta und Fruajoa bringan an da Küstn oft koide Foiwinde. Im Laundesinnan is des Klima kontinentala prägt.

== Infrastruktur ==

Slowenien hod a guade Infrastruktua mit an modernan Autobaunnetz.

Da greßte intanazionale Flughofn haßt ''Brnik'' und liegt in da Näh va da Hauptstod. Danebm gibts zwa klanare internationale Flughäfn, [[Maribor|Marburg]] und [[Portorož]]. Entlang vo da [[Save]] valauft de Eisnbaun vo [[Deitschland]] und [[Östareich]] noch [[Krowozien]]. A weitare wichtige Eisnbaunvabindung valauft vo [[Italien]] noch [[Ungarn]].

== Wiatschoft ==

A wichtiga Wirtschoftszweig vo Slowenien is da Tourismus, dea wos si vua oim auf de [[Alpen|Oipm]], [[Ljubljana|Laiboch]], de Adria und aundare Sengswiadigkeitn wia de Höin vau Postojna konzentriad.

Des [[Bruttoinlandsprodukt]] hod im Joa [[2002]] 21,905 Mrd. € ausgmocht, des bedeidt pro Kopf 11.709 €. De Auslandsvaschuidung hod se 2002 auf 3968 Millionen Euro belauffm. Des reale Woxsdum hod 2002 3,2 % (2001: 3,0 %) betrong. De Inflazionsratn is imma no relativ hoch und hod im Joa 2002 7,5 % (2001: 8,4 %)betrong. De Arbeitslosenquotn hod vo [[2001]] auf 2002 von 6,4 % auf 6,0 % reduziat wean kena. ([[2005]]) hod Slowenien a Inflation vo 2,0 % und a gschätzts Wiatschoftswoxdum vo 3,7 %.

Im Vagleich mitm [[BIP]] vo da [[Europäische Union|EU]] ausdruggt in Kaufkroftstandards erreicht Slowenien an Index vo 76.0 (EU-25:100) ([[2003]]).<ref>Eurostat News Release 63/[[2006]]: [https://web.archive.org/web/20070312021320/http://epp.eurostat.cec.eu.int/pls/portal/docs/PAGE/PGP_PRD_CAT_PREREL/PGE_CAT_PREREL_YEAR_2006/PGE_CAT_PREREL_YEAR_2006_MONTH_05/1-18052006-EN-AP.PDF Regional GDP per inhabitant in the EU 25]</ref>

Slowenien hod am 1. Jenna [[2007]] in [[Euro]] eigfiad, 1 Euro hod do 239,640 Tolar entsprochn.

== Politik ==

Stootsobahaupt vo da Republik Slowenien is da President, dea wos vua oim a repräsentative Funktion hod und olle finf Joa vo da Bevökarung gwöht wiad.

Ois a Teu vo da exekutivn Gwoit wiada vom Ministapresidentn und im Ministarot untastitzt, de wos olle zwoa vo da Nationalvasaumlung gewöht wean.

Es slowenische Parlament besteht aus zwa Kauman: De Nationalversaumlung (''Državni zbor'') und im Nationalroat (''Državni svet''). De Nationalvasaumlung setzt se aus 90 Obgeordnetn zaum, de wos zum Teu duach a direkte Woi oda duacha Proporzjwoirecht bstimmt wean. De autochtonan Mindaheitn vo de Italiena und Ungarn höm a garantiads Voiksgrubbmmandat. In Frong, de wos ausschliaßlich de jeweiling Recht vo da Mindaheit betreffm, bsitzn de Voiksgrubbmobgeordnetn a absolutes Vetorecht.

In an Nationalrot wean 40 Abgeordnete aus sozialn, wiatschoftlichn und regionaln Intaressnsgrubbm gschickt. De Parlamentswoin findn olle via Joa stott.

Im Zug vo da NATO-Ostaweidarung is Slowenien am 29. Meaz 2004 Mitglied vo da [[NATO]] wurn. Seit 1. Mai 2004 is s Mitglied vo da [[Europäische Union|Eiropäischn Union]].

== Kuitua ==

=== Schriftstöla ===

{|border="0" cellpadding="7"
|- valign="top"
|
* Primož Trubar (1508 - 1586)
* Anton Tomaž Linhart (1756-1795)
* Valentin Vodnik (1758-1819)
* Matija Čop (1797 - 1835)
* Friedrich Irenäus Baraga (1797 - 1868)
* France Prešeren (1800-1849)
* Anton Aškerc (1856 - 1912)
* Jospi Jurčič (1884 - 1881)
* Fran Saleški Finžgar (1871-1962)
* Fran Ksaver Meško (1874-1964)
* Ivan Cankar (1876-1918)
* Oton Župančič (1878-1949)
* France Bevk (1890-1970)
* Juš Kozak (1892-1964)
* Prežihov Voranc (1893-1950)
* Ernest Arnošt Adamič (1898 - 1977)
|
* Louis Adamič (1898 - 1951 ermordet)
* Vladimir Bartol (1903-1967)
* Edvard Kocbek (1904-1981)
* Anton Ingolič (1907-1992)
* Miško Kranjec (1908-1983)
* Ciril Kosmač (1910-1980)
* Boris Pahor (1913-)
* Matej Bor (1913-)
* Ivo Antič (1948-)
* Alojz Rebula (1924-) 
* Žarko Petan (1929-)
* Kajetan Kovič (1931-)
* Drago Jančar (1948-)
* Aleš Debeljak (1961-)
* Slavoj Žižek (1949-)
|}

=== Kinstla ===

* Evgen Bavčar (1946-)   Fotograf

=== Musika/Musikgrubbm ===

* Slavko Avsenik - Original Oberkraina Quintett
* Laibach (Band)
* Siddharta (Rockgruppe)
* Atomik Harmonik
* BeatweenTheLines
* Sankrock

=== Kinstlagrubbm ===

* Neie Slowenische Kunst

=== Feiatog ===

{| class="wikitable"
! style="background:#ABCDEF;" | Datum
! style="background:#ABCDEF;" | Boarisch Naum
! style="background:#ABCDEF;" | Slowenischa Naum
! style="background:#ABCDEF;" | Aunmeakungan
|-----
| 1. und 2. Jenna
| [[Neujahr|Neijoa]]
| ''Novo leto''
| Zwadägiga Feiadog
|-----
| 8. Feba
| Prešeren-Dog, slowenischa Kuituafeiadog
| ''Prešernov dan, slovenski kulturni praznik''
| Todesdog vom Nationaldichta France Prešeren
|-----
| Meaz, Aprü
| Ostersunntog, Ostermontog; [[Ostan]]
| ''Velikonočna nedelja in ponedeljek; Velika noč''
| religjösa Feiatog
|-----
| 27. Aprü
| Dog vom Wiedastaund im [[Zweiter Weltkrieg|Zwaatn Wödkriag]]
| ''Dan upora proti okupatorju''
| stootlicha Feiadog
|-----
| 1. und 2. Mai
| Tog vo da Orwad
| ''Praznik dela''
| stootlicha Feiatog
|-----
| Mai, Juni
| Pfingstsundog; Pfingstn
| ''Binkoštna nedelja; Binkošti''
| religiesa Feiatog
|-----
| 25. Juni
| Tog vo da Stootlichkeit
| ''Dan državnosti''
| Vakingung vo da stootlichn Souveränität 1991
|-----
| 15. August
| Mariä Himmefoart
| ''Marijino vnebovzetje''
| religiesa Feiatog
|-----
| 31. Oktoba
| Reformationstog
| ''Dan reformacije''
| De slowenische Schriftsproch und de easchte Eawähnung vom Begriff Slowenien gäht auf de Reformation zruck
|-----
| 1. Novemba
| Tog vom Gedenkn aun de Vastuabanan
| ''Dan spomina na mrtve''
| stootlicha Feiatog
|-----
| 25. Dezemba
| [[Weihnachten|Weihnocht]]
| ''Božič''
| religiesa Feiadog
|-----
| 26. Dezemba
| Dog vo da Unobhängigkeit und Einigkeit
| ''Dan samostojnosti in enotnosti''
| Vakindung vaum Ergebnis vom Unobhängigkeitsrefarendum im Parlament, 1990
|}

== Spoat ==

Nebm [[Fuaßboi]] und de Wintasportoartn Eishockey, Schi Alpin und Schi Nordisch gibts aa erfoigreiche Anzlspoatla. Im Eishockey is da HK Jesenice slowenischa Rekordmasta.

De Flugschanzn in Planica is de grässte vo da Wöid. 1936 is da Östareicha Sepp Bradl ois easchta Mensch iwa 100 m weit gflong.

== Schau aa ==

* [[Kärntner Slowenen|Keantna Slowenen]]
* [[Slawische Besiedlung vo de Ostoipm]]
* [[Slowenische Euromünzen]]
* [[Slowenische Sprache|Slowenische Sproch]]
* [[Slowenischs Voik]]

== Beleg ==
<references/>

== Im Netz ==
* [http://www.slovenia.si/ Slovenia.si]. Your gateway to information on Slovenia.
* [http://www.vlada.si/en/ Government of the Republic of Slovenia]
* [https://web.archive.org/web/20041127070239/http://slovenia.info/ Slowenischa Tourismus www.slovenia.info]
* [https://web.archive.org/web/20070705104616/http://www.sigov.si/ Offiziölle Netzseitn vo Slowenien]
* [https://web.archive.org/web/20150224052913/http://www.stat.si/ Statistični urad Republike Slovenije - Statistik-Amt vo Slowenien]
* [https://web.archive.org/web/20061001132431/http://www.uvi.si/eng/slovenia/publications/facts-book/german.pdf Faktn iwa Slowenien]
* [https://web.archive.org/web/20070211184054/http://www.bahn-und-meer.de/slowenien.html Fotogalarie Slowenien]
* [https://web.archive.org/web/20070710055432/http://www.hribi.net/default.asp?lng=1 Slowenische Beag <small>(engl.)</small>]

{{NaviBlock
|Navigationsleiste Staaten in Europa
|Navigationsleiste EU-Staaten
|Navigationsleiste Mitgliedstaaten OECD}}

[[Kategorie:Slowenien]]
[[Kategorie:Staat in Europa]]
[[Kategorie:Mitgliedstaat der Europäischen Union]]
[[Kategorie:Mitglied des Europarats]]