Quöntext voh da Seiten Ukrainische Sproch auhschauh

{{Dialekt-oben|Ostmittlboarisch|Ostestareichisch}}
{{Infobox Sprache|
Sprache=Ukrainisch (українська мова)|
Länder=[[Ukraine]], [[Russland]], [[Kasachstan]], [[Weißrussland]], [[Kirgisistan]], [[Usbekistan]], [[Poin]]|
Sprecher=45 Milliona (gschätzt)<ref>[http://www.forost.lmu.de/sprachdatenbank/sprachdatenbank.php?display=Ukrainisch:sprachdaten:verbreitung ''Ukrainisch.''] in da Sprochdatnbank vom ''Foaschungsvabund Ost- und Sidosteiropa'' (forost)</ref>
Klassifikation=* [[Indogermanische Sprochn]]
*: [[Slawische Sprochn]]
*:: [[Ostslawische Sprochn]]|
KSprache=Ukrainisch|
Amtssprache={{UKR}}<br />{{PMR}}
|ISO1=uk
|ETHNO14=UKR 
|ISO3=ukr 
|ISO2=ukr
}}

De '''Ukrainische Sproch''' (Obkiazung: [[ukr.]], Eignnaum: ''українська (мова)''/''ukrajinska (mowa)'', wiss. [[Transliteration]] ''ukrajins’ka mova'', friacha aa ''Klaarussisch'' und maunges moi aa [[Ruthenisch]] gnennd) is a [[Sproch]] aus da [[Ostslawische Sprochn|ostslawischn]] Untagrubbm vom [[Slawische Sprochn|slawischn Astl]] vo de [[indogermanische Sprachen|indogermanischn Sprochn]].

Is Ukrainische is noch'm Russischn und'n Poinischn de drittgräßte slawische Sproch. In da Ukraine, wo's de anziche [[Amtssprache|Aumbstsproch]] is, wiad's vo 35 Mülleonan [[Leit]] ois [[Muadasproch]] gredt. Außadem gibt's duatn Leit, de wos kane ethnische Ukraina san, owa Ukrainisch ois zwoate Sproch redn.

Is Ukrainische wiad mid'n [[Kyrillischs Oiphabet|kyrillischn Alphabet]] gschriebm, wobei in da ukrainische Version a poa Buchstobm aundast san ois wia in da russischn.

[[File:WIKITONGUES- Vira speaking Ukrainian.webm|thumb|250px|Ukrainische Sproch]]
== Gschicht ==

[[Datei:Ukrainian in Russian Empire 1897.png|thumb|250px|historische Vabreitung (Prozentzoih vo de Sprecha)]] vom Ukrainischn in de Gouvernements vom [[Russischs Koasareich|Russischn Reich]] noch da offiziön Statistik vo [[1897]].
[[Datei:Ukraine census 2001 Ukrainian.svg|thumb|250px|Heitige Vabreitung (Prozentzoih vo de Muadasprochla)]] vom Ukrainischn in da Republik Ukraine noch da offiziön Statistik vo [[2001]].
Is Ukrainische gheat zaumman mid n [[Russische Sproch|Russischn]] und in [[Weißrussische Sproch|Weißrussischn]] zua ostslawischn Sprochgrubbm.

Da Naum „Rus“ fia de gaunze ostslawische Gegand hod friara oft an Ballawatsch brocht, weu ma „Rus“ oft mid „Russlaund“ gleichgsetzt hod. Zweng dem san de Sprochbezeichnungan „Großrussisch“ fia's Russische und „Klaarussisch“ fia's Ukrainische entstaundn. Duach des is es Ukrainische friacha oft ois Dialekt oda regionale Variantn vom Russischn gseng wuan.

Gaunz aum Aufaung (ziaka bis ins [[14. Joarhundad]]) haum olle Ostslawn zsaumman an anziche Schriftsproch, is [[Altostslawische Sproch|Oidostslawisch]]) ghobt. Spoda (ziaka vom [[15. Joarhundad|15.]] bis ins [[18. Joarhundad]]) haum de Uaahnln vo de heitign Ukraina und Weißrussn midanaund is [[ruthenische Sproch|Ruthenische]] ois Schriftsproch gnumma.

Aum End vom 18. Joarhundad hod si nemb an [[Kiachnslawisch]], des wos domois aa nu gemb hod, a [[Literatua]] und a ukrainische Schriftsproch entwicket, de wos aus da Voikssproch kumman is. Im [[19. Joarhundad]] is de ukrainische [[Kuitua]] und duach des aa de ukrainische Literatuasproch aufbliaht. De ukrainische Sproch is olladings domois eha ois Sproch fia wissnschoftliche Sochn heagnumma wuan, und net fia literatische oda politische Theman. Literatn wia da [[Gogol]] haum liawa russisch gschriebm.

Trotz oidem hod da Zar [[Alexander II. (Russland)|Alexander II.]] anno [[1876]] in [[Bad Ems]] auf Betreibm vo da zaristischn [[Zensurbehörde]] Eihschränkungan und Vabote fia ukrainische Publikationan ausgsprochn (''Emser Erlass''), weu de Aungst fuar ana Obspoitung vo de Ukraina do woa. Auf des hinauf woan bis [[1906]] wissnschoftliche Publikationan, Lesungan, Ausstöllungan und [[Konzeat (Musivaonstoitung)|Konzeate]] da Zensur untawuafn. Da [[Taras Schewtschenko]] ([[1814]]–[[1861]]), da wichtigste ukrainische Dichta, is zweng seine Textl und Gedichte noch [[Turkmenistan]] vabaunnt wuan.
 [[Datei:Ukrainian in the world.svg|miniatur|left|250px|Geografische Vabroatung vo da ukrainischn Sproch]]
In da [[Karpatoukraine]] und in da Gegnd vom domolign Kenigreich [[Ungarn]] und in da spodan [[Slowakei]] hod's im 19. Joarhundad Ausätz fiar a eigane Schriftsproch gebm, de wos zwoar iah Wuazn in de regionäun ukrainischn Mundoat ghobt hod, owa deitlich aundast ois wia de ukrainische Standardsproch woa. Dea Ausautz is in de 80ga Joar vom [[20. Joarhudad]] neich aufkumma, s Eagebnis woa de Kodifiziarung vo da [[Karpato-russinische Sproch|karpato-russinischn Sproch]], de wos iah Wuazn im Dialekt vo [[Zemplín (Landschoft)|Zemplin]] in da Ostslowakei hod. No meah aundast is de [[jugoslawo-russinische Sproch]] in da [[Vojvodina]]. Zweng Gmoasaumkeitn mid'n [[Slowakische Sproch|Slowakischn]] kau ma s ois Iwagaungsdialekt zwischn [[Ostslawische Sprochn|ostslawischa]] und [[Westslawische Sprochn|westslawischa]] Sprochfamülie seng.

Duach de Grindung vo da [[Ukrainische Voiksrepublik|ukrainischn Voiksrepublik]] anno [[1918]] is Ukrainisch easchtmolig a Stootssproch wuan, des wos aa in da [[Ukrainische Sozialistische Sowjetrepublik|Ukrainischn Sowjetrepublik]] woa. Unta de Sowjets is Ukrainisch oiso net vabotn gwest, olladings hod's Russische ois Vakeahssproch ois iwalogat, d.&nbsp;h. olle wissnschoftlichn und literarischn Weakln so ois wia de [[Massnmedien|Medien]]. Zweng dem hod de ukrainische Umgaungssproch bis heit an stoakn russischn Eihfluss. Bsundas meakt ma des, waumma in Wuatschotz vo da heitign ukrainischn Umgaungsgsproch mid den vo da stoakn ukrainischn [[Diaspora]] in [[Kanada]] vagleicht: duatn hod's vü wenicha russische Weata. De „kanadisch-ukrainischn“ Weata vawendt ma in da heitign Ukraine sötn meah, oda se kumman in dera duatign Umgaungssproch a weng sötsaum umma.

Duach de Unobhängigkeit vo da Ukraine anno [[1991]] is de Ukrainische Sproch zur anzichn [[Amtssproch|Aumbstsproch]] vom neichn Stoot wuan. Es is uandli iwa des gstridn wuan, weu a Großa Deu vo da Stootsbevökarung ethnische Russn san, und weu's aa vü [[Leit]] gibt, de wos si zwoar ois Ukraina fühn, owa nua Russisch kenna. Außadem gibt's aa no a Mischfuam zwischn Russisch und Ukrainisch, in so gnenndn [[Surschyk]], dea wos net vaschriftlich is und seid da Unobhängigkeit zruckgeht.

Zweng dera historischn Gschicht is de Sproch fia vüle Ukraina bis heit a hochpolitische Soch, iwa de oiweu auf's neiche gstriddn wiad. Noch da Unobhängigkeit hod's a Zeid vo ana Ukrainisiarung gebm, owa [[2012]] is es Russische in 13 vo de 27 Regionan vom Laund auf's Neiche a offiziölle Sproch wuan.

== Alphabet ==

As heitige ukrainische Alphabet mid da wissnschoftlichn Transliteration und da deitschn Transkription:

{| class="prettytable" 
! Groß (HTML-''Entity'')
! Klaa (HTML-''Entity'')
! wissnschoftliche<br />Transliteration
! deitsche<br />Transkription
|-----
| А (А) || а (а)
| A a || A a 
|-----
| Б (Б) || б (б)
| B b || B b
|-----
| В (В) || в (в)
| V v || W w
|-----
| Г (Г) || г (г)
| H h || H h
|-----
| Ґ (Ґ) || ґ (ґ)
| G g || G g 
|-----
| Д (Д) || д (д)
| D d || D d
|-----
| Е (Е) || е (е)
| E e || E e
|-----
| Є (Є) || є (є)
| Je je || Je je
|-----
| Ж (Ж) || ж (ж)
| Ž ž || Sch (Zh) sch (zh)
|-----
| З (З) || з (з)
| Z z || S s
|-----
| И (И) || и (и)
| Y y || Y y
|-----
| І (І) || і (і)
| I i || I i
|-----
| Ї (Ї) || ї (ї)
| Ji ji || Ji ji
|-----
| Й (Й) || й (й)
| J j || J j
|-----
| К (К) || к (к)
| K k || K k (stott ks aa x)
|-----
| Л (Л) || л (л)
| L l || L l 
|-----
| М (М) || м (м)
| M m || M m
|-----
| Н (Н) || н (н)
| N n || N n
|-----
| О (О) || о (о)
| O o || O o
|-----
| П (П) || п (п)
| P p || P p
|-----
| Р (Р) || р (р)
| R r || R r
|-----
| С (С) || с (с)
| S s || S s (zwischn Vokale aa ss)
|-----
| Т (Т) || т (т)
| T t || T t
|-----
| У (У) || у (у)
| U u || U u
|-----
| Ф (Ф) || ф (ф)
| F f || F f
|-----
| Х (Х) || х (х)
| Ch ch || Ch ch
|-----
| Ц (Ц) || ц (ц)
| C c || Z z
|-----
| Ч (Ч) || ч (ч)
| Č č || Tsch tsch
|-----
| Ш (Ш) || ш (ш)
| Š š || Sch sch
|-----
| Щ (Щ) || щ (щ)
| Šč šč || Schtsch schtsch (Stsch stsch)
|-----
|  || ь (ь)
| ’ bzw. j <sup>1</sup> (Waachheitszeichen)|| (–) bzw. j
|-----
| Ю (Ю) || ю (ю)
| Ju ju || Ju ju
|-----
| Я (Я) || я (я)
| Ja ja || Ja ja
|-----
| || ’ 
| ’ (Apostroph) <sup>2</sup>|| (–)
|}

<small>Hiweise:<br />
<sup>1</sup>: nua noch Konsonantn; an Großbuchstob gibt's net; palatisiat in vurign Konsonantn; „j“ vuar „o“, sunsta (im Auslaut und vua Konsonantn) „’“; in da Transkription „j“ vuar „o“, sunsta net auzagt<br />
<sup>2</sup>: nua zwischn Konsonantn und „j“&nbsp;+&nbsp;Vokal; in da Transkription noamalaweis ned auzagt
</small>
* ''Schau aa [[Umschrift vom ukrainischn kyrillischn Alphabet]]''

== Wuatschotz und Aussproch ==

Zweng da rölativ spodn Aufspoitung vo de anzlnan slawischn Sprochn aus da gemainsauman Wuazn Uaslawisch gibt's vü gemeinsauman Wuatschotz in dera Sprochgrubbm, in ziaka zwaa Driddl. Ukrainisch untascheid si vom Wuatschotz, vo da Lautbüdung und vom Sotzbau steaka vom Russischn ois wia vom Weißrussischn. As letztare is aa van Wuatschotz hea aum nachastn zan Ukrainischn (84%), daun kummt [[Polnische Sprache|Poinisch]] (70%), Slowakisch (68%) und Russisch (62%)%)<ref>[https://web.archive.org/web/20150501234649/http://langs.com.ua/movy/zapoz/2.htm Мови Європи: відстані між мовами за словниковим складом].</ref>.

Direkt vaglichn mid'n Russischn zagt da J. B. Rudnyckyj (''Lehrbuch der ukrainischen Sprache, Wiesbaden 1964'') unta aundam aa fuigande Lautvaschiabunga auf (is jeweulich easchte Wuat russisch und is zwoate ukrainisch):

* ''[[Itavismus]]'': de Vokale ''e'' und ''o'' wean in gschlossane Sübm zu ''i''<br />Bsp.: Львов (Lwow) – Львів ([[Lwiw]]), кошка (koschka – Kotz) – кішка (kiška)
* ''[[Ikavismus]]'': da „jat“-Laut ''je'' wead a ''i''<br />Bsp.: месяц (mjesjaz – Maunat, Mond) – місяць (misjaz'), медь (Mjed' – Kupfa) – мідь (Mid')
* ''hoate Konsonantn'' vuam ''e''<br />Bsp.: весна (vjesná – Frühling) – весна (vesna), перед (pjered – vuar) – перед (pered)
* ''Vaschmözung vo de oidslawischn Laute'' ''i'' und ''ы'' zu ''и''<br />Bsp.: пиво (pívo – Bia) – пиво (pyvo), нитка (nítka) – нитка (nytka)
* ''Entwicklung'' vo ''g''-Laut zu an ''h''<br />Bsp.: голова (galavá) – Kopf – голова (holova), горло (górlo Guagl, Hois) – горло (horlo)
* de ''Vokalisiarung'' vo ''l''-Laut, gschriebm ''в''<br />Bsp.: пил (pil – ea hod drunga) – пив (pyv), брал (bral – ea hod gnumma) – брав (brav), волк (volk – Wuif) – вовк (vovk).

A Beispui fian Untaschied im Wuatschotz is es Verb ''heirotn'':

* ukrainisch: одружуватися (fia olle zwaa Geschlechta; Wuatstaumm дружба – Freindschoft, aa дружина - Ehefrau)
* russisch: жениться (fian Mau; Wuatstaumm жена – Frau), выходить замуж (fia'd Frau; weatli: hintan Mau gehn)

== Grammatik ==

Im Ukrainischn gibt's, so wiar in vüle aundare slawische Sprochn, siemb Fölle (відмінки):

* [[Nominativ]] (називний відмінок)
* Genitiv (родовий відмінок)
* [[Dativ]] (давальний відмінок)
* [[Akkusativ]] (знахідний відмінок)
* [[Instrumental]]is (орудний відмінок): waun ma wos mid ana Soch tuat
* Lokativ (місцевий відмінок): zmeist mid Uatsaungobm vabundn
* Vokativ (кличний відмінок): waumma wen auredt

Ba da Flexion vo de Hauptweata hod ma neman Begriff „Deklination“ a no de so gnenndn Deklinationsklassn (відміна), wöchane zsaumman mid'n grammatischn Gschlecht de Flexion bstimman. Außadem hod ma innahoib vo de Deklinationsklassn no vaschiedane Grubbm, de wos duach eahnare Endungan (hoat, waach, gmischt) charaktarisiad san.
A Bsundaheid vo ukrainische Adjektive is de Buidung vo Fuaman, de wos a gfühsmäßige Eihstöllung fia Persona oda Gengständ ausdruckn; des kaun in Richtung gräßa, klaana, gräwa oda liab sei. So wiad z.&nbsp;B. s Adjektiv „schee“ (гарний) duach de Fuam гарненький quasi „liab“ gmocht, so ois wia beim Diminutiv vo Hauptweata. Aa de Adjektive wean noch eahnare Endungan (hoat oda waach) in zwa Grubbm deut und entsprechand dekliniad.

Genarö hod's im Ukrainischn nua drei Zeidkategorina (Vagaunganheid, Gegnwoat, Zukunft), ollladings spüt de Kategorie vo da „Aktionsoat“ (in da Linguistik „Aspekt“ ghaaßn) a große Roin, so ois wiar in aundare slawische Sprochn. Fiar a jeds Zeidwuat gibt's zwaa Aspekte, und zwoar in voiendetn und in unvoiendetn. In eahnara Grundbedeitung san de Aspektpaarl voikomman gleich. Da Untaschied is in da Daua vo da jeweulichn Haundlung. De imperfekte Verbfuam zagt a ned voiendete und in iahra Zeid net begrenzte Haundlung in da Vagaunganheid, Gegnwoat und Zukunft. De perfekte Verbfuam widarum kummt nua im Präteritum und im Präsens vua, wobei de Fuam im Präsens so wos wiar a grammatische Zukunft auzagt. De Bsundaheid mid de Aspekte im Verb kaun owa no vüle vaschiedane Funktionan und Meakmole haum, de wos ma an Ned-Muadasprochla nua schwaa vamidtln kau; da wiakliche Untaschied in da Bedeitung kau oft nuar ausn Zusaummanhaung vastaundn wean.

== Literatua ==

* Svetlana Amir-Babenko, Franz Pfliegl, Praktische Kurzgrammatik der ukrainischen Sprache, Buske, Hamburg 2005, 978-3-87548-371-0
* Svetlana Amir-Babenko, Lehrbuch der ukrainischen Sprache, Buske, Hamburg 2007, ISBN 978-3-87548-479-3

== Beleg ==
<references />

== Im Netz ==
{{Commonscat|Ukrainian language|Ukrainische Sprache}}
{{Commonscat|Ukrainian pronunciation|Ukrainische Aussprache}}
* [https://web.archive.org/web/20070927011219/http://www.uni-klu.ac.at/eeo/Ukrainisch.pdf Eintrag zur ukrainischen Sprache in der Enzyklopädie des Europäischen Ostens] (PDF; 425 kB)
* [https://web.archive.org/web/20120315050558/http://www.internetpolyglot.com/german/lessons-uk-de Ukrainisches Vokabeltraining]
* [http://cybermova.com/cgi-bin/onlinedic.pl Online-Wörterbuch englisch-ukrainisch-englisch]

{{Navigationsleiste Slawische Sprachen}}

[[Kategorie:Slawische Sprachen]]