Amalienbad
| Der Artikl is im Dialekt Weanarisch gschriem worn. |
Des Amalienbad is a Hall'nbåd im 10. Weana Beziak Favoritn aum Reumannplåtz.
In de Joahr' von 1923 bis 1926 is des Båd baut wuan, und zwoa nåch de Plän' von de zwaa'r Architekt'n Karl Schmalhofer und Otto Nadel. De Stafiguan aun da Vuadaseit'n håt da Büidhaua Karl Stemolak (1875–1954) g'schåff'n, de keramisch'n Flies'n von da Innaneirichtung san in de kunstkeramisch'n Weakstätt'n Brüder Schwadron[1] heag'stöit wua'n.[2]
Den Nauman Amalienbad håt des Båd nåch da 1926 g'stuabanan Weana Gemeinderätin Amalie Pölzer[3] kriagt.
Des Amalienbad is bei seina Eaöffnung ans von de greßt'n Bäda in Eiropa g'wes'n und håt Plåtz füa rund 1300 Bådegäst g'håbt. De Architekt'n hau'm si ois Vualåg de remisch'n Therman g'numma, de Innanausståttung is im Art-Déco-Stil[4] g'hoit'n. Üwa da groß'n Schwimmhåll'n woa'r a beweglich's Glåsdåch und rund um's Beck' san Tribünan g'wes'n, Des Dachl håt ma in nua drei Minut'n mechanisch aufschiab'n könna.
Im Zweit'n Wöitkriag is des Båd duach Bomb'n schwea beschädicht und nua no in ana wenicha aufwendich'n Variant'n wieda heag'stöit wua'n. Von 1979 bis 1986 håt's a gewoitiche Genaräusanierung geb'n.
De Bädavawoitung von da Magistratsåbteulung 44 is im Amalienbad z'haus.
Literatua
[Werkeln | Am Gwëntext werkeln]- Werner Schubert: Favoriten, Verlag Beziaksmuseum Favoritn, Wien 1992; S. 92.
- Christine Klusacek/Kurt Stimmer: Favoriten. Zwischen gestern und morgen, Mohl Verlag, Wien 2004, ISBN 3-901781-38-1; S 181-185.
- Maria Kinz: Lebenswertes Favoriten, J&V Edition Wien, Wien 1992, ISBN 3-85085-083-0; S 145.
im Netz
[Werkeln | Am Gwëntext werkeln]
Commons: Amalienbad – Sammlung vo Buidl, Videos und Audiodateien- wien.gv.at - Städtisches Bad Amalienbad
- Wien Geschichte Wiki - Amalienbad
- Eintrag über Amalienbad im Lexikon der Wiener Sozialdemokratie
Beleg
[Werkeln | Am Gwëntext werkeln]- ↑ schaug bei Brüder Schwadron
- ↑ Interaktives Ausstellungsprojekt, 5.–30. November 2014, im Museum für angewandte Kunst (MAK-Wien); Webseite projekt-Schwadron (Memento des Originals [1] vom 1. Nóvémber 2016 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. (ohg'ruaf'n aum 1. Meaz 2014)
- ↑ schaug bei Amalie Pölzer
- ↑ schaug bei Art déco
Koordinaten: 48° 10′ 28″ N, 16° 22′ 42″ O