Anandyn Amar

Der Artikl is im Dialekt Owaöstareichisch gschrim worn.

Da Anandyn Amar

Da Anandyn Amar (mongolisch Анандын Амар; aa Agdanbuugiyn Amar; * 1886 im Sum Changal; † um an 27. Juli 1941, vamutli in Moskau) is a mongolischa Politika in da kommunistischn Epochn gwesn.

Da Amar woa vum 21. Fewra 1928 bis zum 27. Aprüi 1930 und nu amåi vum 22. März 1936 bis zum 7. März 1939 da Premierminista vu da Mongolei, dazwischen woar a vum 2. Juli 1934 bis zum 22. März 1936 da Präsident.

Sei zweite Ãmtszeid åis Premierminista håd a beendn miaßn, weu eam da Chorloogiin Tschoibalsan bei Parteitåg am 7. März 1939 voagwoafn håd, dass a kontrarevoluzionäre Såchn ãugstöid håd. Desweng is da Amar aa glei aus da Partei außigschmissn woan, sei Ãmt üwanumma håd em da Tschoibalsan. Im Juli im söim Joa nu hãm de Mongoin in Amar in Tschita in Sibirien de Sowjets üwagem. Am 10. Juli 1941, åiso zwoa Joa drauf, is a vum hechstn sowjetischn Gricht weng Spionasch fia'd Japana zum Tod vauateud woan; wãun, wo und wia genau dass a gstoam is waaß ma ned. Ãngeblich is a am 27. Juli im 41a-Joa in Moskau hingricht woan, mãnche sång, ma håd eam aus am Fliega außegschmissn.

Am 25. Jenna 1962 is da Amar rehabilitiad woan, nåchdem ma in Stalin seine Måßnãhmen nu amåi genau duachgschaud håd, und sei Mitgliedschåft in da Mongolischn Revoluzionärn Partei is aa wiedaheagstöid woan.

Literadua

• B. Baabar: History of Mongolia. Monsudar Pub, 1999. ISBN 978-9992900383

Ãmt	Vorgänga	Zeidraum	Nåchfoiga
Mongolischa Premierminista	Balingiin Tserendordsch Beyse	21. Feba 1928 - 27. April 1930	Tsengeltiin Dschigdschiddschaw
	Tsengeltiin Dschigdschiddschaw	22. März 1936 - 7. März 1939	Chorloogiin Tschoibalsan
Mongolischa Präsident	Losolyn Laagan	2. Juli 1934 - 22. März 1936	Dansrabilegiin Dogsom