Baian

Aus Wikipedia
Wexln zua: Navigation, Suach
Disambig-dark.svg Dea Artikl do beschreibt an awarischn Herrscha. Mid Baian kinan oba aa da Freistaat Bayern, de Gemeinde Baiern oda de Bajuwarn gmoant sei.
Der Artikl is im Dialekt Obaboarisch gschrim worn.

Baian († 602) wor a awarischa Khagan, dea wo vo 562 bis zu seim Doud 602 regiat hod.

567 hod a se mit dena Langobardn vabindt und zamma homs de Gepidn niedazwunga. Wia de Langobardn 568 af Italien ausgwicha san, hod a dena eana ehemoligs Land Pannonien eignumma. Nem de Gepidn hod a olle Slawn in Sideiropa sowia in Behmen, Mährn und in da Slowakei untawoafn. Im säim Joar is a in de ostremische Provinz Dalmatien eingfoin. Drei Joar spada hod a gegn Tributzohlunga Friedn mit Ostrom gschlossa. Da Baian hod se owa ned anan Friedn ghoidn, sundan is imma wieda in Ostrom eingfoin.

Wiar a 602 gstorm is, is as Reich vo de Awarn noch mearan Niedalogn gegn Ostrom kuaz vorm Zammabruch gstandn. Des is zwoa dann no amoi vahindat worn, owa es is da Ofang vum Abstieg gwen.

Literadua[VE | Weakln]

  • Walter Pohl: Die Awaren. Ein Steppenvolk in Mitteleuropa 567-822 n.Chr. Minga 2002, ISBN 3-406-48969-9.
  • Michael Whitby: The Emperor Maurice and his Historian – Theophylact Simocatta on Persian and Balkan Warfare. Oxford 1988.