Chaos (Mythologie)
Aus Wikipedia
Chaos (griachisch χάος, cháos, wo Kluft oda Leare hoasst) is a Zuastand voiständiga Unordnung oda Vawirrung und da Gegnbegriff zan Kosmos, am griachischen Begriff fia Ordnung.
In da Theogonie vum griachischen Dichta Hesiod (ca. 700 v. Chr.) is s Chaos da Uazuastand vo da Wejt: „Woahofti, zeascht is des Chaos und spada de Eadn enstandn...“ (Vers 116). Des Chaos moant oiso in dera Schepfungsgschicht des Nix und de Leare. Kinda vum Chaos san ban Hesiod de Gaia (de Geddin vo da Eadn), Nyx (de Geddin vo da Finstanis vo da Nocht), Erebos (da God vo da Finstanis in da Untawejt), Tartaros (de Untawejt, Ort und Peason zgleich) und Eros (da God vo da Liab). Olle fimf Gedda san zua sejm Zeit ausm Chaos entstandn.
[drå werkln] Im Netz
| Commons: Chaos (Mythologie) – Buidl, Videos und/oda Audiodatein |
- Robert Bishop: „Chaos“ in da Stanford Encyclopedia of Philosophy (englisch, inklusive Literatuaogobm)
