De 36 Stratagem
De 36 Strategem (Kinesisch: 三十六計; Pinyin: sanshiliu ji) san a Sammlung vo Kriagslistn, de wo in Kina zua Oigmoabuidung ghean und aa in da Politik und im Zivuilebm a grossa Bedeitung hom. De Strategem wean im kinesischn General Tan Daoji († 436) zuagschriebm.
Gliedarung [dro werkln]
Da Text is in 6 Kapitl einteit und jeds Kapitl enthoit 6 Stratageme.
Siega Strategem [dro werkln]
1. In Koasa taischn und es Mea ibaquean [dro werkln]
S Zui vaschleian.
2. Wei belogan, um Zhao z rettn [dro werkln]
An Ogriff duachfian, um in Gegna vo seim Zui obzlenka.
3. Mit an ausborgtn Messa umbringa [dro werkln]
A dritte Partei fian Ogriff nutzn.
4. In Ruhe obwoartn, wearend da Feind orbad [dro werkln]
Zeit und Ort vo da Schlocht sejm bestimma. An Hintahoid legn.
5. A brennads Haus ausraubm [dro werkln]
Chaos eazeign und fia an Ogriff ausnutzn.
6. Im Ostn Leam mocha, im Westn ogreifa [dro werkln]
Duach Scheinogriff ban Gegna Truppmvalogarunga auslesn. Nacha do ogreifa, wo da Gegna Truppm obzogn hod.
Feind Strategem [dro werkln]
7. Aus nix wos mocha [dro werkln]
In Feind glaubm mocha, dass nixe is, wo wos is und dass wos is, wo nixe is.
8. So duan ois ob ma de Beagstrossn ausbessad und hoamli af Chencang maschian. [dro werkln]
De Maschrichtung vaschleian. Da Feind glabt, dass ma iban Beag kimpt und no a Zeitl braucht, bis ma de Beagstross repariat hod. Oba hoamli maschiat ma scho afn Feind ua.
9. S Feia am andan Ufa beobochtn. [dro werkln]
Passiv bleibm solang si da Gegna sejm zamiabt. Nacha mit volla Kroft ogreifa.
10. S Messa hintam Grinsn vastecka. [dro werkln]
Zan Gegna imma charmant und freindli sei. Wensd sei Vatraun gwunna hosd, hoamli ogreifa.
11. In Zwetschgnbaam opfan und in Pfeaschabaam rettn. [dro werkln]
S Sindnbock Stratagem. A kloans Opfa bringa, um wos Weatvois z sichan. A kuazfristigs Zui aufgebm, um a langfristigs Zui z eareicha.
12. Wen si de Glegnheit eagibt, a Goass mitgeh lossn. [dro werkln]
Ginstige Glegnheitn imma nutzn, aa wens kloa san.
Ogriff Strategem [dro werkln]
13. Afs Gros stampfa, um d Schlanga z daschrecka. [dro werkln]
Afn Busch klopfa und in Feind zu ana unibalegtn Reaktion provozian.
14. A Leich ausgrobm, um a Seej wieda aflebm z lossn. [dro werkln]
Oide Ideen, Traditiona, Methodn wiedabelebm, um s fia d oagnan Zweck z interpretian.
15. In Tiga aus seim Beagvasteck locka. [dro werkln]
In Gegna afs Glotteis fian; wegga vo seim vatrautn Terrain.
16. Wensd wos fanga wuist, muasst zeascht loslossn. [dro werkln]
Ma deaf in Gegna ned in de Eng treibm, wei dees schnej Desperados produziat, ma muass eam a Zeitl de Illusion vo ana Chance lossn.
17. An Ziaglstoa hihaun und an Jadestoa kriagn. [dro werkln]
Wos Weatloses opfan (oda damit locka bzw. provozian), um wos Weatvois dafia z kriagn.
18. In Ofiara fanga und so in Feind bezwinga. [dro werkln]
Wen de gegnarischn Soidotn nua duach Gejd oda Zwang motiviat san, nacha nimm in Ofiara gfanga und du hosd gwunna. Wen da Gegna mitn Ofiara owa emotional vabundn is, nacha sei af da Huat, wei se kanntn nacha weida kempfn.
Chaos Strategem [dro werkln]
19. Es Brennhoiz untam Kessl weggaziagn. [dro werkln]
Stod ogreifa im Gegna de Ressourcen entziagn; es "Wossa ogrobm".
20. Es Wossa driab mocha und de Fisch fonga. [dro werkln]
Im "Driabm fischn". In Gegna de Ibasicht nehma und nacha zuaschlogn.
21. De Zikadn wiafd de goidane Haud o. [dro werkln]
An ibamechtign Gegna duach Tarnung, Maskiarung und Taischung olenka. (De Zikadnlarvn, wo unta da Eadn lebt, wiafd zua Tarnung ia goidglenzende Haud o, wens an de Ead-Obaflech kimpt.)
22. De Tia zuamocha und in Diab fonga. [dro werkln]
Zeaschd in Gegna eikessln und nacha zuaschlogn.
23. Si mid an feana Gegna vabindn und in Nochba ogreifa. [dro werkln]
"Da Feind vo meim Feind is mei Freind".
24. Es Rechd af Duachmarsch sichan und in Stoot Guo ogreifa. [dro werkln]
Vo an Alliatn Ressourcen ausboagn. Wen da Gegna besiegt is, in Alliatn ogreifa.
Approximative Strategem [dro werkln]
25. Hoamli Stitzboikn mid moaschn Pfostn tauschn. [dro werkln]
Spitznleid vom Gegna obweabm oda ois Agentn oweabm.
26. Afm Maibeabaam zoagn und afd Akazie schimpfm. [dro werkln]
Es Sackl haun und in Esl moana. Ohne an Nama z nenna, Voagsezde und Prominenz kritisian und in de Enge treibm.
27. An Noarn spuin, owa s Gleichgwichd hoidn. [dro werkln]
In Gegna im Glaam lossn, dass ma unfehig is und eam so in Sichaheid wiagn.
28. De Loata weggaziagn, wen da Feind am Doch huckt. [dro werkln]
In Gegna in a schwaars Terrain locka und eam nacha de Fluchtmeglichkeid obschneidn.
29. An doudn Baam mid foischn Bliah afbrezln. [dro werkln]
Mid Attrappm in Gegna iba de oagne Steak taischn (vgl. Potemkinsche Deafa).
30. Vom Gost zun Gostgeba wean. [dro werkln]
In Feind infiltrian und zeaschd de passive Roin vo am Gost spuin. Nacha vo innen hea woxn und irgendwann de Position vom Haushean ibanehma.
Desperado Strategem [dro werkln]
31. De Schixn-Foin. [dro werkln]
Scheene Fraun kina in Gegna duachananda bringa und schachmatt setzn.
Easchdns, wei da Ofiara daduach sei Pflichd vanochlessign kannt. Zwoatns, wei daduach zwischn de Mauna meglichaweis Streidarein entstenga. Und Drittns, wei des aa unte de Fraun zu Eifasuch und Neid fiaht.
Da Senga Sima Xiangru hod dazua gsunga: „Oa Blick – und a Stod foid, a zwoata Blick – und a Reich brichd zamma.“
Es gibt aa de Variantn mid scheene Monnsbuida, de Romeo-Foin. De is in da Spionage recht beliabd.
32. De offane Stod Strategie. [dro werkln]
Wen da Feind hoffnungslos ibalegn is, nacha ruhig und gelossn agian, so ois ob ma in Gegna ned ganz eanst nimmd. Demonstrativ koa militearische Presenz zoagn, koa Aggressivität oda Vateidigungsvahoidn und in Feind ignorian. Nacha kannt a glaabm, dass ma si aus guadn Grund ibalegn fuid, an Hintahoid vamuatn und obziagn.
32. Zwietrochd saan. [dro werkln]
Im feindlichn Loga Zwietrochd saan: Zwischn seine Freind, Alliiadn, Rodgeban, Famij, Kommandantn, Soidodn und seina Bevejkarung.
Prinzip: "Wen si zwoa streidn, nach gfreid si da Dritte!"
