Dihydrogenmonoxid

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.

Dihydrogenmonoxid ko ma ois DHMO abkiazn. S'nix andas wia Wossa (zwoa Wossastoff => Di Hydrogen, oa Sauastoff-Atom => mono oxid => H2O). Aba da DHMO so schee giftig klingt und koana an Wossa denkt, macha se manche Leid imma wiada den Spaß und warnen davor, dass DHMO a ganz a gfährliche Gschicht is und mas unbedingt abschaffa soid.

Wei DHMO

  • fiaht zua na Erstickung, wenn ma zvui davo eiatmt (oiso datrinkt)
  • hod ma scho in Krebszelln gfundn (wia in olle andan gsundn Zelln a)
  • wead in Kernkraftwerk heagnumma (freile, de brachan a a Kühlwossa)
  • am Gas vom DHMO ko ma se vabrenna (klang amoi in an Dampf iaba am Kochtopf, des duad sakrisch weh)
  • wem ma zlang as feste DHMO oglangt, werds Gwebe zastört (weis am Eis eigfriad)

Do ko ma se nu vui eifoin lassn.

S' soi a scho Politika gem hom, de auf so Spaßvegl ghead hom und ernsthaft vasucht ham, a Gsetz gega de Vawendung vom DHMO rauszbringa, ohne das gwußt hom, das se ums Wassa handlt.

Sowas nend ma an wissnschaftlichn Witz.

Schau aa im Netz[VE | Weakln]