Eskimo

Aus Wikipedia
Traditionejs Siedlungsgebiet vo de Eskimos:
* Yupik (Yupik, Sibirische Yupik)
* Inuit (Inupiat, Inuvialuit, Nunavut, Nunavik, Nunatsiavut, Kalaallit)
Inuit-Frau, 1929

Eskimos san a Gruppm vo indigenen Vejkan ausm neadlichn Polargebiet. Eana traditionejs Siedlungsgebiet reicht vo Noadostsibirien iba Alaska und Kanada bis auf Grönland.

Etymologie[Werkeln | Am Gwëntext werkeln]

Eskimo woa uaspringlich a reine Fremdbezeichnung, de wo oft ois obweatend ealebt woan is, weil friaras vamuat woan is, dass Rouhfleischessa bedeit. Bsondas de vo Inuit grindte Oaganisation Inuit Circumpolar Council hod vasuacht "Inuit" ois Gsomtbezeichnung duachzsetztn. Des wead oba ned vo oin Eskimos akzeptiat. De Bezeichnung Inuit wead vo de Voiksgruppm obglehnt, bei dena as Woat "Inuit" in da Sproch ned voakimmt. Es gibt aa Vejka, wia de Inupiat, de wo groussn Weat drauf leng, zum "groussn Voik vo de Eskimos" z ghean.

De vaschiedanan Eignbezeichnunga vo de Eskimo-Vejka bedeitn olle "Mensch", z. B. in Sidalaska „Yupik“, in Nordwestalaska „Inupiat“, im Mackenziegebiet „Inuvialuit“, in Noad- und Nordostkanada „Inuit“ und auf Grönland „Kalaallit“.

De Bezeichnung "Eskimo" kimmt vo de Kri- und Algonkin-Indiana, de wo olle Vejka im Polargebiet, de wo ned mit eana vawondt woan, so gnennt hom. De uaspringliche Vamutung, dass des "Rouhfleischessa" bedeitn dadat, guid heid ois wiedalegt. Heit wead ognumma, dass Eskimo ausm Kri-Wort „aayaskimeew“ = „Schneeschuahmocha“ (englisch: „Snowshoe netters“) heagleit is.[1].

Vabroadung[Werkeln | Am Gwëntext werkeln]

De Ozoi vo de Eskimos wead heit auf ebba 160.000 gschätzt. Davo lem in Grönland ebba 50.000 und in Kanada ebba 60.000.

Obwoi de Eskimos weit vastraat lem, is de Sprochvawondtschoft zwischn de Vejka sea eng.

Galerie[Werkeln | Am Gwëntext werkeln]

Beleg[Werkeln | Am Gwëntext werkeln]

  1. Mark Israe: Eskimo. Archiviert vom Original [1] am 3. Aprü 2012; abgerufen am 2. März 2012 (englisch).

Im Netz[Werkeln | Am Gwëntext werkeln]