Eskimo

Traditionejs Siedlungsgebiet vo de Eskimos:
* Yupik (Yupik, Sibirische Yupik)
* Inuit (Inupiat, Inuvialuit, Nunavut, Nunavik, Nunatsiavut, Kalaallit)

Inuit-Frau, 1929

Eskimos san a Gruppm vo indigenen Vejkan ausm neadlichn Polargebiet. Eana traditionejs Siedlungsgebiet reicht vo Noadostsibirien iba Alaska und Kanada bis auf Grönland.

Eskimo woa uaspringlich a reine Fremdbezeichnung, de wo oft ois obweatend ealebt woan is. Bsondas de Inuit hom vasuacht "Inuit" ois Gsomtbezeichnung duachzsetztn. Des wead oba ned vo oin Eskimos akzeptiat. De Bezeichnung Inuit wead vo de Voiksgruppm obglehnt, bei dena as Woat "Inuit" in da Sproch ned voakimmt. Es gibt aa Vejka, wia de Inupiat, de wo grossn Weat drauf legn, zum "grossn Voik vo de Eskimos" z ghean.

Etymologie [dro werkln]

De vaschiedanan Eignbezeichnunga vo de Eskimo-Vejka bedeitn olle "Mensch", z.B. in Sidalaska „Yupik“, in Nordwestalaska „Inupiat“, im Mackenziegebiet „Inuvialuit“, in Noad- und Nordostkanada „Inuit“ und auf Grönland „Kalaallit“.

De Bezeichnung "Eskimo" kimmt vo de Kri- und Algonkin-Indiana, de wo olle Vejka im Polargebiet, de wo ned mit eana vawondt woan, so gnennt hom. De uaspringliche Vamutung, dass des "Rohfleischessa" bedeitn dadat, hod zua Oblehnung duach de Inuit gfiat. Heit wead ognumma, dass Eskimo ausm Kri-Wort „aayaskimeew“ = „Schneeschuahmocha“ (englisch: „Snowshoe netters“) heagleit is.^[1].