Kanada

Kanada (englisch und franzesisch Canada) is a Staat in Nordamerika, dea zwischn Atlantik im Ostn und Pazifik im Westn liegt und nordwäats bis zur Arktis reicht. De oanzige Landesgrenz ist de Grenz zu de Vaeinigtn Staatn vo Amerika im Sidn und im Nordwestn. Af de Flächn bezogn is Kanada s zwoatgresste Land vo da ganzn Wäid.

[dro werkln] Herkumft vum Nam

Da Nam Kanada is woahscheinli vum Wort kanata obgleitet, dees wos in da Sproch vo de Sankt-Lorenz-Irokesn sovui wia „Dorf“ oda bessa „Siedlung“ bedeit.^[1] 1535 hod da franzesische Entdecka af oana Wegbeschreibung zum Indianadorf Stadacona (heit: Quebec) de Bezeichnung Canada zum eastn Moi gsegn.^[2] Cartier hod dann an Nam Canada ned nua fir dees Dorf vawendt, sondan aa fir des ganze Gebiet, des wos vom Haiptling Donnacona aus Stadacona beheascht worn is. Ab 1545 wor da Nam Canada fir de Region scho landlaifig. Forscha und Pejzhändla san vo dea Region in Richtung Westn und Sidn zogn und so is dees Gebiet dees Canada gnennt worn is imma weida gwochsn. Im friachn 18. Jh. is da Nam fir an gsamtn heitign Mittlan Westn bis Louisiana gnutzt worn.

De seit 1763 britische Kolonie Quebec is 1791 in Obakanada und Niedakanada afteit worn, wos ungefäah an spädan Provinzn Ontario und Quebec ensprochn hod. 1841 is dees wieda zur Provinz Kanada zsammgfosst worn. 1867 hom de nei grindtn Bundesstaatn vo de Kolonien in Britisch-Nordamerika an Nam Kanada und an Titl Dominion dahoidn. Bis in de 1950a Joah is da amtliche Nam "Dominion of Canada" iblich gwen. Mit da steigandn Autonomie gegniba Großbritannien hod de Regiarung imma efta de Bezeichnung Canada vawendt. S Kanada-Gsetz vo 1982 beziagt si nur no af Canada, des wos inzwischn de oanzige amtliche (zwoasprochige) Bezeichnung is.

[dro werkln] Provinzen und Territorien

Yukon-Territorium (Hauptstod: Whitehorse)
Nordwest-Territorium (Yellowknife)
Nunavut-Territorium (Iqaluit)
Britisch-Kolumbien (Victoria)
Alberta (Edmonton)
Saskatchewan (Regina)
Manitoba (Winnipeg)
Ontario (Toronto)
Québec (Québec)
Neibraunschweig (Fredericton)
Prinz-Eduard-Insel (Charlottetown)
Neischottlaund (Halifax)
Neifundlaund und Labrador (Saint John's)

[dro werkln] Oanzlnochweis

↑ The Canadian Encyclopedia, Art. Canada von W. Kaye Lamb
↑ Bruce G. Trigger: Handbook of North American Indians, Smithsonian Institution, Washington 1978Bd. 15, S. 357–361

[dro werkln] Drucksochn

Robert Bothwell: The Penguin history of Canada. Penguin Canada, Toronto, Kanada 2006, ISBN 978-0-670-06553-0.
Albrecht Iwersen, Susanne Iwersen-Sioltsidis: Kanada. Beck, München 1998, ISBN 978-3-406-39869-3.
Karl Lenz: Kanada : Geographie, Geschichte, Wirtschaft, Politik. Wissenschaftliche Buchgesellschaft, Darmstadt 2001, ISBN 978-3-534-13841-4.
Udo Sautter: Geschichte Kanadas. Beck, München 2007, ISBN 978-3-406-44737-2.
Robert Weaver, William Toye: The Oxford Anthology of Canadian Literature. Oxford University Press, Toronto, Kanada 1981, ISBN 0-19-540376-2.