Kanada

Aus Wikipedia
Wexln zua: Navigation, Suach
Kanada

Canada

Flag of Canada.svg
Coat of arms of Canada rendition.svg
Woispruch: A Mari Usque Ad Mare

(lat. fia Vo Meer zu Meer, obgleidt vom Psalm 72, 8)

Amtssproch Englisch, Franzesisch;

regional Inuktitut

Haptstod Ottawa
Stootsform Bundesstoot und Konstitutionelle Monarchie
Stootsobahapt Kenigin Elizabeth II.

vertreten durch Generalgouverneur David Lloyd Johnston

Regiarungschef Premierminister Stephen Harper
Fläch 9.984.670 km²
Eiwohna 32.378.122 Einwohner (1. Oktober 2005)
Dichtn 3,24 Eiwohna pro km²
Bruttoinlandsprodukt $1.098 Mrd. (9., Schätzung 2005)
Bruttoinlandsprodukt pro Eiwohna $34.028 (18.)
Währung 1 Kanadischa Dollar ($) = 100 Cent
Unobhängigkeit formal 1982 vo Großbritannien
Nationalhymne O Canada
Zeitzone UTC -3,5 bis -10
Kfz-Kennzoachn CDN
Internet-TLD .ca
Telefonvoawoi +1
Canada on the globe (North America centered).svg

Kanada (englisch und franzesisch Canada) is a Stoot in Nordamerika, dea wo zwischn Atlantik im Ostn und Pazifik im Westn liegt und nordweats bis zur Arktis reicht. De oanzige Landesgrenz ist de Grenz zu de Vaeinigtn Staatn vo Amerika im Sidn und im Nordwestn. Af de Flächn bezogn is Kanada s zwoatgresste Land vo da ganzn Wäid.

Des Lond hod zwoa Amtssprochn, Englisch und Franzesisch. Zentrale Konflikte im Land san de Rechte vo de frankophonen Kanadia und vo de indigenen Vejka: Easchte Nationa, Inuit und Métis.

Herkumft vum Nam[VE | Weakln]

Da Nam Kanada is woahscheinli vum Wort kanata obgleitet, dees wos in da Sproch vo de Sankt-Lorenz-Irokesn sovui wia „Dorf“ oda bessa „Siedlung“ bedeit.[1] 1535 hod da franzesische Entdecka af oana Wegbeschreibung zum Indianadorf Stadacona (heit: Quebec) de Bezeichnung Canada zum eastn Moi gsegn.[2] Cartier hod dann an Nam Canada ned nua fir dees Dorf vawendt, sondan aa fir des ganze Gebiet, des wos vom Haiptling Donnacona aus Stadacona beheascht worn is. Ab 1545 wor da Nam Canada fir de Region scho landlaifig. Forscha und Pejzhändla san vo dea Region in Richtung Westn und Sidn zogn und so is dees Gebiet dees Canada gnennt worn is imma weida gwochsn. Im friachn 18. Jh. is da Nam fir an gsamtn heitign Mittlan Westn bis Louisiana gnutzt worn.

De seit 1763 britische Kolonie Quebec is 1791 in Obakanada und Niadakanada afteit worn, wos ungefäah an spädan Provinzn Ontario und Quebec ensprochn hod. 1841 is dees wieda zur Provinz Kanada zsammgfosst worn. 1867 hom de nei grindtn Bundesstaatn vo de Kolonien in Britisch-Nordamerika an Nam Kanada und an Titl Dominion dahoidn. Bis in de 1950a Joah is da amtliche Nam "Dominion of Canada" iblich gwen. Mit da steigandn Autonomie gegniba Großbritannien hod de Regiarung imma efta de Bezeichnung Canada vawendt. S Kanada-Gsetz vo 1982 beziagt si nur no af Canada, des wos inzwischn de oanzige amtliche (zwoasprochige) Bezeichnung is.

Geographie[VE | Weakln]

Ausdehnung und Grenzn[VE | Weakln]

Kanada is mid arana Flächn vo 9.984.670 Quadratkilomeda noch Russland as zwoatgresste Land auf da Wäid und fast so grouß wia Eiropa. As Land nimmd um de 41 % vo da Flächn vo ganz Noadamerika ei. Da oazigste unabhängige mid Landesgrenzn vabundne Nochba hand de Vaeinigtn Staatn am Sidn und am Noadwestn. A andana Nochba wad nu as dänische Autonomiegebiet Grönland, des wos oba duach a eba 30 Kilomeda broade Meerenge (Kennedy-Kanal) vo da neadlichstn kanadischn Insl, Ellesmere Island, wegad is. Mid da siadlie vo Neifundland glenga Inslgruppn St. Pierre et Miquelon hods a nu a Ibableibsl vo da franzesischn KolonieNeifrankreich.

De gresste Noad-Sid-Ausdehnung, vo Kap Columbia auf Ellesmere Island in Nunavut zua da Insl Middle Island am Eriesee, hand 4634 Kilomeda. De gresste Ost-West-Entfeanug hand 5514 Kilomeda vo Cape Spear auf Neifundland bis zua Grenz vom Yukon-Territorium mid Alaska. De Gsamtläng vo da Grenz zwischn Kanada und de Vaeinigtn Staatn hand 8890 Kilomeda. Kanada hod mid 243.042 Kilomeda a de längste Kistnlinie auf da ganzn Wäid.

De gresste Insl is d Baffininsel am Noadosnt, wo a glei de fimftgresste Insl auf da ganzn Wäid is. De neadlichste Hoibinsl is Boothia. 9.093.507 km² vo Kanada hand Land- und 891.163 km² Wossaflächn.

Kanada hod an Ateil an sechs Zeitzonen.

Geologie und Gliedarung vo da Landschaft[VE | Weakln]

As geologische Grundgebirge vo de estlichn Provinzn hand oide Berg, wo scha odrong hand und nu äidane Teile vom Kanadischn Schuidl. Der umfosst a recht a grouße Region mid an haufa vo de Äidastn Gstoana. Um d Hudson Bay rumdum, isa fast so grouß wia d Häiftn vom Kanadischn Staatsgebiet. Bis auf a boa gloane Berg am estlichn Quebec und in Labrador is d Landschaft flach und buglad. As Netz vo de Gwassa is recht dicht, d Entwassarung vo dera Region erfoigt duach a Vuizoi vo Fliss. De siadliche Häiftn vom Schuidl is mid boreale Wäida bedeckt.

Beväikarung[VE | Weakln]

Bei da letztn Voikzejlung vo 2006 hod Kanada 31.612.897 Einwohna ghobt. De Beväikarungsdichtn gheat mit ebba 3,2 Einwohner/km² zu de geringstn der Welt. De Beväikarung konzentriat si auf an 350 Kilometa broadn Stroafn entlang vo da Grenz zua USA. Da Noadn is weitgehend unbesiedlt.

Indigene Vejka[VE | Weakln]

Inuit-Frau

Bei da letztn Voikszejlung im Joa 2006 hom 1.172.790 Kanadia ogem, dass zu ana indigenen Gruppm ghean. Des woan 3,8 % vo da Beväikarung. Dazua ghean:

  • 698.025 vo de Easchtn Nationa
  • 389.785 Métis (Nochfoan vo eiropäischn Monnan, de wo mit Indianarinnen a Vabindung eingonga san)
  • 50.485 Inuit
  • 6665 Indigene vo gemischta Heakumft (Stand: 2001),
  • 23.415 Indigene ohne eindeitige ethnische Zuaoadnung (Stand: 2001).

185.960 Kanadia hom im Joa 2001 oane vo de 50 indigenen Sprochn gredt. De Indiana hom eascht seit 1960 s volle Woirecht.

Seit 1996 wead in Kanada am 21. Juni da „National Aboriginal Day“ bzw. „Journée nationale des Autochtones“ ('Nationalfeiadog vo de Ureinwohna') gfeiat.

Sprochn[VE | Weakln]

De Amtssprochn in Kanada san Englisch und Franzesisch. 20,1 % vo da Beväikarung gem o, dass weda de oane no de ondare eana Muaddasproch warad.

Englisch und Franzesisch san de Muaddasproch vo 59,7 % bzw. 23,2 % vo da Beväikarung.[3]

In de Noadwest-Territorien hom mearare Sprochn vo de Easchtn Nationa offiziejn Status. Im Territorium Nunavut, wo de Inuit de Meaheit stejn, is Inuktitut oane vo drei Amtssprochn.

Gschicht[VE | Weakln]

Ua- und Fruahgschicht[VE | Weakln]

Voa mindastns 12.000 Joa hom Indiana (in Kanada Easchte Nationa gnennt) Noadamerika bsiedlt. Voa ebba 5000 Joa sa de Inuit gfoigt.[4] Ob ebba 4800 v. Chr. losst si Kupfabeorbatung nochweisn. Um ebba 2500 v. Chr. hods de easchtn Deafa gem. Am Ofong woans Wintadeafa; d.h. im Summa is ma gwondat, im Winta hod ma im Doaf gwohnt. Oanige Indianastämm san sogoa scho um ebba 1600 v. Chr. Bauan woan, wia z.B. de Katzie.[5] Um ebba 1000 v. Chr. bis 500 n. Chr. hods vo Irokesen- und Algonkin-Stämm on de Grossn Seen und om Sankt-Lorenz-Strom scho Longhaisa gem, de wo s gonze Joa iba bewohnt woan.

Kolonialisierung[VE | Weakln]

Rekonstruktion vo da Wikingasiedlung in L’Anse aux Meadows

De easchtn eiropäischn Siedla in Noadamerika woan um ebba 1000 de Wikinga, de wo a kuaze Zeit long am neadlichn End vo Neifundland glebt hom.[6] Eascht 1497 san de nextn Eiropäa auftaucht. Es woa da italienische Seefoara John Cabot, dea wo de kanadische Antlantikküstn fia England entdeckt und teiweis in Besitz gnomma hod.[7]

Provinzn und Territorien[VE | Weakln]

Dänemark Island Frankreich Alaska Vereinigte Staaten Prince Edward Island Nova Scotia New Brunswick Neufundland und Labrador Québec Ontario Manitoba Saskatchewan Alberta British Columbia Nunavut Nordwest-Territorien Yukon
Politische Koatn vo Kanada

Kanada is a in zeha Provinzn und drei Territorien gliadata Bundesstaat. De subnationaln Einheitn kinnand in geographische Regionen gliedat wern. Westkanada bestehd aus British Columbia und de drei Prärieprovinzn Alberta, Saskatchewan und Manitoba. Zentralkanada umfosst de zwe Provinzn Ontario und Québec, wo da Groußteil vo da Bväikarung wohnd. Ois Seeprovinzen zäind New Brunswick, Prince Edward Island und Nova Scotia; zam mid Neifundland und Labrador buidns de Atlantischn Provinzn. De drei Territorien Yukon, Nordwest-Territorien und Nunavut umfossand olle Gebiete wos neadle vom 60. Breangrod und westle vo da Hudson Bay lingand.

De Provinzn hamd olle an recht an houha Grad an Autonomie. Olle Provinzn und Territorien hamd a Oakammerparlament und oan Premierminister ois Regierungschef. Da kanadische Monarch wiad in olle Provinzn duach an Vizegouverneur vadren,[8] der wos genauso vui zum mäidn hod wia da Generalgouverneur und mehr oda wenga grod zeremonielle Aufgom ibanimmd. A de Territorien ibanimmd a vo da Bundesregiarung bestimmda Kommissar de Aufgom vo am Vizegouverneur.

Provinz oda
Territorium
Hauptstod Flächn
in km²
Bväikarung
(2011)[9]
Alberta Alberta Edmonton 640.082 3.645.257
British Columbia British Columbia Victoria 922.510 4.400.057
Manitoba Manitoba Winnipeg 552.330 1.208.268
Neufundland und Labrador Neufundland und Labrador St. John’s 370.511 514.536
New BrunswickNew Brunswick New Brunswick Fredericton 71.377 751.171
NordwestterritorienNordwest-Territorien Nordwest-Territorien Yellowknife 1.143.794 41.462
Nova Scotia Nova Scotia Halifax 52.939 921.727
NunavutNunavut Nunavut Iqaluit 1.877.788 31.906
OntarioOntario Ontario Toronto 908.608 12.851.821
Prince Edward Island Prince Edward Island Charlottetown 5.686 140.204
QuébecQuébec Québec Québec 1.356.547 7.903.001
Saskatchewan Saskatchewan Regina 588.240 1.033.381
YukonYukon Yukon Whitehorse 474.713 33.897

Beleg[VE | Weakln]

  1. The Canadian Encyclopedia, Art. Canada von W. Kaye Lamb
  2. Bruce G. Trigger: Handbook of North American Indians, Smithsonian Institution, Washington 1978Bd. 15, S. 357–361
  3. Bevölkerung nach Muttersprache – Statistics Canada (2006)
  4. Vgl. (PDF, 244 kB): Andrew Kitchen, Michael M. Miyamoto, Connie J. Mulligan, A Three-Stage Colonization Model for the Peopling of the Americas, in: Public Library of Science (PLoS), 13. Feba 2008 und J. V. Wright: A History of the Native People of Canada: Early and Middle Archaic Complexes – Canadian Museum of Civilization, Ottawa 2001.
  5. Brian Lewis, Katzie heritage site being bulldozed for bridge. Only three per cent of artifacts have been recovered so far, in: The Province, 22. Juni 2008.
  6. Arthur Middleton Reeves: The Norse Discovery of America. BiblioLife, 2009. S.82
  7. "John Cabot's voyage of 1498". Memorial University of Newfoundland. 2000. http://www.heritage.nf.ca/exploration/cabot1498.html. Retrieved on 2011-05-23. 
  8. The Lieutenant Governors. Government of Canada - Canadian Crown. 2012-06-01, obgruafa am 2012-12-10. (en)
  9. Census Profile. Statistics Canada. 2012-09-28, obgruafa am 2012-12-10. (en)

Literadua[VE | Weakln]

Im Netz[VE | Weakln]

 Commons: Kanada – Sammlung vo Buidl, Videos und Audiodateien
Wikiatlas Wikimedia-Atlas: Kanada – geografische und historische Koartn
Boarisches Weatabuach: Kanada – Bedeitungserklärunga, Woatheakunft, Synonyme und Ibasetzunga