Estagebirg
Des Estagebirg, hochdeitsch Estergebirge oder a Krottenkopfgebirge gnannt, is in de boarischen Oipn zwischn Luisa- und Isartal und kheat damit zu den Nördlichn Koikoipn. De Eschnloa begrenzt des Gebirg nach Nord'n,[1] wos de oft dazuazoitn Heimgartn und Herzogstand ned dazua khean lasst.
Des Estagebirg is oans vo de greßtn Karstgebiet in de Boarischen Oipn.
Inhoitsvazeichnis |
[drå werkln] Gipfä
[drå werkln] Wichtigstä Gipfä
Wichtigä Gipfä san da Kroudakopf (2.086 m), da Bischof (2.033 m), de Hoache Kistn (1.922 m), da Hoache Frickn (1.940 m) und da Simetsberg (1.836 m). De Anstieg aus'm Luisatoi oda a vo Südost'n aus Kri und Woiga san ziemli lang, drum is bis jetzt im Estagebirg no ganz sche ruhig bliem, bis auf'n Wank, auf den vo Garmisch-Batakurch aus a Soalbahn geht.
[drå werkln] Weitere Gipfä
- Risskopf
- Platt'neck
- Klaffn
- Woigaua Eck
[drå werkln] Höhln
- Angerlloch
- Fricknhöhle bei de Kuahfluchtwassafoi vo Farchant
[drå werkln] Tourismus
Im Estagebirg ko ma im Summa oda a im Winta ummananda dappen. Zwoa Hittn vom Oipnverein san in da Gebirgsregion, oamoi de Weilheimer Hitt'n am Kroudakopf und dann des Wankhaus auf'n Wank, des glei neba da Wankbahn steht.
B'sonders sche is a Tour zum Kuahfluchtwassafoi am Hoachn Frickn, de ma a scho vo Farchant aus seng ko. Da Boch springt mittn aus a gachen Foiswand mit an dickn Strahl, des is aba a vom Weda obhängig. Do gibts a an bsoffna Woid, des san Bam, de si in olle Richtungen neing weil de ganze Leit'n in Bewegung is.
Wenn ma de öffentliche Verkehrsmittl hernimmt, ko ma schene Durchquerunga und Überschreitunga machen (Bahnstationa in Uistodt, Eschla, Farchant, Garmisch-Batakurch, Kloas; Busstreck Koche am See-Woichensee-Woiga).
[drå werkln] Biacha
- Eugen E. Hüsler: Isarwinkel Bad Tölz – Lenggries – Kochel, Bergverlag Rother, Ottobrunn 2004, ISBN 978-3-7633-4006-4
- Topographische Karte - Karwendelgebirge, UKL30, Bayerisches Landesvermessungsamt, Maßstab 1:50.000, ISBN 3-86038-498-8
[drå werkln] Buidl
-
Da Kroudakopf (Oktober 2004)
-
Vom Kroudakopf (2.086 m) in Richtung südwest auf'n Bischof (2.033 m)
-
Der Hoache Frickn vom Bischof, im Hintergrund da Zugspitz
-
Vom Simetsberg in des westlichä Estagebirg
[drå werkln] Weblinks
- Estergebirge auf steinmandl.de
[drå werkln] Einzelnachweise
- ↑ Da Vorsitzende vom "Verbandes für Orts- und Flurnamenforschung in Bayern e.V.", hot mit dem Landesvermessungsamt, des fia de Nama und de Ausdehnung auf de boarischen Landkarten verantwortli is, zamm g'arbat und auf a Anfrage am 24. November 2009 g'sogt, dass des Eschnloatoi de Nordgrenzn vom Estagebirg aus onomatologischn und historischn Gründn is.
Koordinaten: 47° 32′ N, 11° 12′ O
