Franzesisch

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Franzesisch (Français)
Vabroadung: Frankreich, Belgien, Schweiz, Luxemburg, Monaco, Kanada, weitn Tein vo Nord-, West- und Zentralafrika, Ozeanien, in da Karibik, teiweis in Sidostasien, Inslgruppm im Indischen Ozean.
Gredt vo: Gschetzte 110 Milliona Muadasprochla, insgsamt eppa 500 Milliona Sprecher[1]
Linguistische
Klassifikazion
:
Offiziella Status:
Åmtssproch in: Frankreich, Belgien, Schweiz, Luxemburg, Monaco, Kanada und mea...
Sprochcodes:
ISO 639-1: fr
ISO 639-2: (B) fre (T) fra
ISO 639-3: fra}

De franzesische Sproch (frz. la langue française [la ˌlɑ̃g fʀɑ̃ˈsε:z], oda (le) français [(lə) fʀɑ̃ˈsɛ]) gheat za de romanischn Gruppm vom italischn Zweig vo de indogermanischn Sprochn. Sie wead vo meara wia 100 Milliona Leid in meara wia 50 Lenda gschprocha und zäid za de Wäidsprochn.[2]

Franzesisch is unta andam Omtssproch in Frankreich, Kanada, da Schweiz, Belgien, Haiti und an Haffa Lenda in West- und Zentralafrika, wearends im arabischsprochign Nordafrika und in Indochina ois Nebmsproch weit vabroadd is. Aussadem is a oane vo de Omtssproch vo da EU[3], Omtssproch vo da Afrikanischen Union und da Organisation vo de Amerikanischn Stootn und oane vo de sex Omtssprochn und mit Englisch alloanige Orwatssproch vo da UNO.[4]

De franzesische Sproch wead duach de Académie française reguliat, de sognennte Loi Toubon (a Gsetz zan Schutz vo da franzesischn Sproch in Frankreich), dees Office québécois de la langue française (a Beheadn z Québec), an Service de la langue française (a belgische Institution zua Pfleg vo da franzesischn Sproch) und de Délégation générale à la langue française et aux langues de France.

Vabroadung[VE | Weakln]

dunkelblau: Muttersprache; blau: Verwaltungssprache; hellblau: Verkehrssprache; grün: Minderheitensprache
De franzesischsprochige Wäid

Dunklblau: Muadasproch
Blau: weite Vabroadung oda Omtssproch
Hejblau: Nebmsproch oda ned offizieje Sproch
Greane Quadrate: frankophone Mindaheitn.

Gschicht[VE | Weakln]

Gallien zua Zeit vom Caesar (58 v. Chr.)

In Gallien hods drei grosse Vejka mit oagnan Sprochn gem, de Käitn, wo de Rema gnennt ham, de Aquitania im Sidwestn und de Belga im Noadn. De Romanisiarung is in zwoa Schrittn eafoigt. Dees Lateinische is 122 v. Chr. mit da Grindung vo Aquae Sextiae (heit: Aix-en-Provence) und Narbonne in da Provinz vom remischn Reich Gallia Narbonensis (heit: Provence) noch Sidfrankreich kema. Obm Joar 58 v. Chr. mit da Eaobarung vo Nordgallien duachn Julius Caesar is Lateinische aa ins restliche Gallien kema.

Sprochbeispui[VE | Weakln]

Oigmoane Eaklearung vo de Menschnrecht:

Tous les êtres humains naissent libres et égaux en dignité et en droits. Ils sont doués de raison et de conscience et doivent agir les uns envers les autres dans un esprit de fraternité.

Iwasetzug:

Oi Menschn san frei und gleich an Wiade und Rechtn geborn. Se san mit Vanumft und Gwissn begobt und soin se im Geist vo Briadalichkeit begegn.

Beleg[VE | Weakln]

  1. http://www.tlfq.ulaval.ca/axl/francophonie/francophonie.htm
  2. BBC languages – French Connection (Englisch)
  3. Sprachen in der EU
  4. Praktika innerhalb des UNO-Systems

Literadua[VE | Weakln]

  •  Theresa Antes: Analyse linguistique de la langue française. Yale University Press, 2006.
  • Günter Holtus, Michael Metzeltin, Christian Schmitt (edd.): Lexikon der Romanistischen Linguistik (LRL), Tübingen, Niemeyer, 1988-2005 (12 Bände); Band V,1: Französisch, 1992.
  •  Mireille Huchon: Histoire de la langue française. Le livre de poche, 2002.

Im Netz[VE | Weakln]