Goif (Spoat)
| Der Artikl is im Dialekt Weanarisch gschrim worn. |
Goif (Golf) is a oide Boispoatoat, de aus Schottlaund kummt.
A klana Boi muass mit megligst wenig Schlegn und noch den Regln in a jeds Loch vo an Goifplotz gspüt wean. Dabei wean mehrare vaschiedane Goifschlega vawendt.
Goif ghead zu den wenign Boispoatortn, wo dea Spüplotz ned standardisirt is. Jede Goifaunloge is anzigortig. Des mocht unta aundarem den Reiz vo Goif aus. Gspüt wiad normal auf 18 Spübauhnen, oba es gibt a 9 Bauhnen Aunlogn.
De easte schriftliche Erwehnung vo Goif is vo 1456 in Edinburgh, Schottlaund.
Inhoitsvazeichnis |
Woat-Heakunft[dro werkln]
Kummt aus dem Englischn von „golf“ und des gehd zruck auf des flämische „kolfen“, zu niederländisch „kolf“ (Schläger, Kolben). Damit woa uaspringlich a Spü gmant, bei dem mit Schlägan auf Toa gspüd wuan is.[1]
Regln[dro werkln]
Des Reglweak fum Goif is sea umfaungreich. Des hengt damit zsaum, dass der Plotz riesig is und sea vü Situationen denkboa san. In jedm Vabaund gibts sogoa Expertnkommissionen, de Streidfrogn beauntwoatn.
Jednfois muss a Boi (Duachmessa mindestens 42,67 mm, Gwicht hächstens 45,93 Gramm) fum Obschlog mit meglichsd wenig Schlägn in a Loch mit 10,8 cm gspüt wean, des merare hundad Meta entfeant is. Des Spüföd håt in dea Regl 18 Lecha und is bis zu 7.000 m laung.
De Aunzoi dea Schleg bis zum Einlochn wiad Score gnaunnt und auf an Ergebniszedl (Scorekoatn) aufgschribn.
Par[dro werkln]
Fia jede Spübauhn (= Loch) is a sognaunts Par festglegt. Des is de Aunzoi vo Schlägn, de a guata Spüla braucht, um den Boi fum Obschlog ins Loch z'spün. A 18-Loch Plåtz hot meistns via Par-3, zehn Par-4 und via Par-5 Lecha. Des ist daun a Par vo 72 fia a gaunze Runde.
Nauman vo Schlogzoin (Scores)[dro werkln]
| Fochbegriff | Wos gmaant is |
|---|---|
| Ass, Hole-in-one | fum Åbschlog direkt ins Loch |
| Triple Eagle oder Double Albatross | via Schleg unta Par |
| Double Eagle oder Albatross | drei Schleg unta Par |
| Eagle (Odler) | zwa Schlog unta Par |
| Birdie (Vogal) | an Schlog unta Par |
| Par oder Even | genau Par |
| Bogey | ans iwan Par |
| Double Bogey | zwa iwan Par |
| Triple Bogey | drei iwan Par |
Beleg[dro werkln]
Schau a[dro werkln]
Im Netz[dro werkln]
- Deutscher Golf Verband e.V.
- Österreichischer Golf-Verband
- Association Suisse de Golf
- Die offiziellen Golfregeln 2008-2011 mit Amateurstatut, PDF-Datei, 275 Seiten
Commons: Category:Golf – Sammlung vo Buidl, Videos und Audiodateien
