Schottland
| Der Artikl is im Dialekt Obaboarisch gschrim worn. |
| Schottland Alba (schottisch-gälisch) |
|||||
|
|||||
| Woispruch: „Nemo me impune lacessit“ (latein) („Neamd roazt mi ungstroft“) |
|||||
| Åmtssproch | Englisch, Schottisch-Gälisch, Scots | ||||
| Hauptstod | Edinburgh | ||||
| Stootsform | Konstitutionell-parlamentarische Monarchie | ||||
| Stootsowahaupt | Königin Elisabeth
Minister für Schottland Jim Murphy |
||||
| Regiarungsschef | Erster Minister Alex Salmond | ||||
| Flächn | 78.772 km² | ||||
| Eiwohnazoi | 5.094.800 (Schätzung 20021) | ||||
| Beväikarungsdichtn | 64 Eiwohna pro km² | ||||
| BIP | $ 194 Mrd. (Schätzung 2006) | ||||
| BIP/Eiwohna | $ 39.680 (Schätzung 2006) | ||||
| Währung | Pfund Sterling | ||||
| Unobhängigkeit | 843 | ||||
| Zeidzone | UTC +0, Sommerzeit: UTC +1 | ||||
| Internet-TLD | . sco (vorgeschlagen),. uk,. gb (ungenutzt) | ||||
| Telefonvurwoi | +44 | ||||
| 1 General Register Office for Scotland | |||||
 |
|||||
Schottland (gälisch: Alba, scots: Scotland, lateinisch-keltisch:Caledonia) is a Land im Nordwestn vo Eiropa und a Landestei vom Vaeinigtn Kinireich. Schottland bestähd ausm neadlichn Tei vo da greßtn eiropäischn Insl Großbritannien und mehran Inslgruppm. De Haptstod und zwoatgreßte Stod is Edinburgh mit 430.000 Eiwohna, oba de greßte Stod is Glasgow mit 629.000 Eiwohna.
Inhoitsvazeichnis |
[drå werkln] Gschicht
Schottland woa bis zum 1. Mai 1707 unabhängig und is nacha mitm Kinireich England varoanigd woan. Oba im Joar 1746 hod da "Bonnie Prince Charlie" Stuart (dea wo eigntli da schottischa Thronfoiga gwesn is) probiat, dass a de Unobhängigkeit vo Schottland zruckgwinnt. Hod a olladings ned gschafft, sondan is am 16. April 1746 bei Culloden vo de Englanda gschlong woarn und dann af Italien gflohn. In de letzdn Johr san Schritte zu mehr Autonomie gmacht wordn.
[drå werkln] Erdkund
Schottland umfosst s neadliche Drittl vo da Insel Großbritannien. De Flächn betrogt 78.772 km². Es grenzt im Sidn zwischn am Solway Firth im Westn und am Fluss Tweed an da Ostküstn auf 96 km an England. Es teit si in drei geografische Regionen af: de Highlands, de Central Lowlands und de Southern Uplands. Da häxde Berg vo Schottland (und ganz Großbritanniens) is da Ben Nevis bei Fort William. Er gheat zu de sogenanntn Munros.
Schottland westli vorglagad is de Inslgruppm vo de Hebriden, wo deitle trennt san in de Gruppm vo de Innan und Aißan Hebriden. Neadle vo Schottland liegn de Inslgruppm vo de Orkney-Inseln und deitle weida entfernt de Shetland-Inseln.
Beväikarungsschwerpunkt is da Central Belt zwischn Edinburgh und Glasgow.
[drå werkln] Städde
| Stod | Eiwohna 5. April 1991 |
Eiwohna 29. April 2001 |
Eiwohna 2006/2007 |
|---|---|---|---|
| Glasgow (Glaschu) | 658.379 | 629.501 | 580.690 |
| Edinburgh (Dùn Èideann) | 400.632 | 430.082 | 463.510 |
| Aberdeen (Obar Dhèathain) | 182.133 | 184.788 | 183.467 |
| Dundee (Dùn Dè, Dùn Dèagh) | 157.808 | 154.674 | 175.000 |
| Paisley (Paislig) | 73.925 | 74.170 | 74.048 |
| East Kilbride (Cille Bhrìghde an Ear) | 70.579 | 73.796 | 81.000 |
| Inverness (Inbhir Nis) | 50.000 | 55.000 | 46.110 |
| Hamilton (Hamaltan) | 49.988 | 48.546 | 49.267 |
| Cumbernauld (Comainn nan Allt) | 49.507 | 49.664 | 49.541 |
| Greenock (Grianaig) | 49.267 | 45.467 | 47.367 |
[drå werkln] Politik
1999 hod Schottland sei eigans Parlament griagt, zan easchtn Moi seit da Vaeinigung mit England im Joar 1707. Des Parlament, da Easchte Minista (vagleichbor mitn Ministapräsidentn in Bayern und mit de Landeshaptleit in Österreich) und des Kabinett san fia de meistn innenpolitischn Afgobm zuaständig. Da Amtssitz vo dena Institutionen is Edinburgh.
De Legislative Gwoit liegt neman schottischn Parlament weida aa ban Parlament vom Vaeinigten Kinireich in Westminster. De Entscheidungen vom schottischn Parlament kena sogor iwastimmt wean.
De Rechtsordung vo Schottland is a weng andas ois wia des englische Recht und hod mehra Änlichkeit mit de Rechtsordnungen vo Kontinentaleiropa. Aa de Gerichts- und Vawoitungsorganisation is a bissl andas ois wia de englische.
Easchte Minister vo Schottland
| Donald Dewar (Labour) | 1999 - 2000 |
| Henry McLeish (Labour) | 2000 - 2001 |
| Jack McConnell (Labour) | 2001 - 2007 |
| Alex Salmond (SNP) | 2007 - heit |
[drå werkln] Strebn noch Unobhängigkeit
Schottland is 1707 durch an Act of Union 1707 mit England zum Kinireich Großbritannien vaeinigt woan. Es gibt scho imma politische Kräfte, wo wieda a Unobhängigkeit ostrebm. In de letztn Joar san de Kräfte stärka woan, wos scho zu mea Autonomie gfiat hod. Seit de letztn schottischn Parlamentswoin 2007 wead de Regierung zum easchtn Moi vo da Scottish National Party gstejt, wo fia de Unobhängigkeit eintritt und a Referendum dazua ostrebt. Des is owa a Mindaheitsregierung, de wo vo da Labour und vo de Konservativen blockiat wean ko, de SNP hod 47 vo 129 Sitzn im Parlament.[1] De Opposition lehnt a Referendum ob.[2]
[drå werkln] Sproch
In Schottland wean drei Sprochn gredt: Englisch, Scots (a schottisch-englischa Dialekt, aa Lallans) und Gälisch (englisch: Gaelic; Eignbezeichnung: Gàidhlig [ˈgɑːlik])
Fast olle Schottn redn Standardenglisch. S Mejdeamt nimmt o, dass 30% vo da Beväikarung danebm fließend Scots (Schottisch) sprechn. A weng meah wia 1% vo da Beväikarung gebm ois Muaddasproch Schottisch-Gälisch o, a kejtische Sproch, wo mitm Irischn vswandt is. Nur af de Aißan Hebriden gibts no a Schottisch-Gälisch sprechende Meahheit.
[drå werkln] Buidlgalerie
-
Da Hadrianswall
-
Suenos Stoa bei Forres ausm 9. Jh.
-
Ruinen vo Melrose Abbey
-
Eilean Donan Castle am Loch Duich
-
Stirling Castle
-
Forth Bridge bei Edinburgh
-
Blick auf Loch Lomond im Dezemba
-
Old Man of Stoer an da Küstn vo Sutherland
-
Natua (Weidnroserl) in de Highlands vo Schottland
[drå werkln] Im Netz
De Wikipedia af Schottisch — a freie Enzyklopädie
| Commons: Schottland – Buidl, Videos und/oda Audiodatein |
- Schottlandportal – Infos rund um Schottland
- Schottlandgeschichte.de – Land und Leit vo Schottland
[drå werkln] Beleg
- ↑ Übersicht der Wahlergebnisse[1]
- ↑ "Labour, the Conservatives and the Liberal Democrats ... all made it clear last night that a referendum was not likely."[2]
Landesteile: England | Schottland | Wales | Nordirland
Ibasägebiete: Anguilla | Bermuda | Britische Jungferninseln | Britisches Antarktis-Territorium | Britischs Territorium am Indischn Ozean | Falklandinseln | Gibraltar | Kaimaninseln | Montserrat | Pitcairninseln | Souveräne Militärbasen Akrotiri und Dekelia | St. Helena, Ascension und Tristan da Cunha | Südgeorgien und die Südlichen Sandwichinseln | Turks- und Caicosinseln
Kronbesitz: Guernsey | Jersey | Man
