Hegedechs

Aus Wikipedia
Wexln zua: Navigation, Suach
Die Hegedex (Podarcis muralis))

Hegedechs, aa Hegedex isch in der Gégnt va Poazn die Pezeichnung fir an Reptil. In Tiról gip’s mindigschtns zwoa Årtn dervón: die „Zauneidechse“ unt die „Mauereidechse“. Dè zwoa ghearn aa zu zwoa verschiedne Gåttungen, Lacerta unt Podarcis. Die erschte kimmp in Sidtiról nét vór. Iberhaup isch as Areal va der Zaun-Hegedex mehr nérdlich unt aa greßer, aber es iberschneidet sich toalweis mit dén va der åndern Årt. In die Tiróler Mundårt-Wérterpiacher wert nét zwischn dé zwoa unterschiedn. Die lokaln Pezeichnungen Hegedexe, Hejredex, Ejgerhexe, Egerex, Negerhexe, Hewedex, Wejgadaxl, Håradaxl, Hadaxl unt åndre geahn óffnsichtlich ålle af ålthoachtaitsch „egidechsa“ zrugg.

Die Mandlen va die poadn Årtn sein leicht zu unterscheidn, weil sie pa der Zaun-Hegedex grean unt pa der Mauer-Hegedex praun sein. Die Léng isch pa poade Årtn mehr óder weaniger gleich. Die Mauer-Hegedex håt in Lébmsraum haupsächlich af unt in sunnige Mauern unt Knótn (=Felsen). Die Zaun-Hegedex isch nét só anspruchsvóll in der Hinsicht.

In Unterinntål hoaßt sie Hadaxl (Lacerta agilis), in Pild isch as Mandl

Hegedexn håltn sich gern in der Sunn auf, weil sie koan oagne Kérperwérm håbm. Sie légn woache Ggoggelen. Wenn man sie pan Schwånz påckt, låssn sie’n åpréchn unt machen sich óhne dervón; er wåxt wieder nåch.

Va der Hegedex unterscheidet man in Sidtiról die Groanz, dé wesntlich lénger unt dicker isch.