Horst Seehofer
Da Horst Lorenz Seehofer (* 4. Juli 1949 in Inglståd) is a boarischer Politiker vo da CSU. Vo 1992 bis 1998 issa da Bundesminista fia Gsundheit und vo o 2005 issa da Bundesminista fia Ernearung, Landwirtschaft und Vabrauchaschutz gwen. Im Oktoba 2008 weg issa da Chef vo da CSU worn und seit am 27. Oktoba 2008 is da Horst Seehofer zum boarischn Ministapräsidentn gwäit worn.
Inhoitsvazeichnis |
[drå werkln] Lem und Beruf
Ois Bua vo am Lastwangfahrer und Bauarbata hat da Seehofer nåch da Mittlern Reife a Ausbuidung in da kommunaln Vawoitung gmacht und 1967 d'Vawoitungspriafung fian mittlern Deanst bei da Boarischn Vawoitungsschui in Minga bståndn. 1970 issa in'n hehern Deanst ois Diplom-Verwoidtungswirt (FH) aufgstieng.
Nachherd issa bis 1980 bei'n Landratsämta in Inglståd und Eichstätt bscheftigt gwen. Vo 1974 bis 1980 issa nembei a da Gscheftsfiahra vom Planungsverbånd und Rettungszweckverbånd vo da Region Inglståd gwen. An Bsuach vo da Verwoidtungs- und Wirtschåftsakademie in Minger håt a 1979 ois Verwoidtungs-Btriabswirt abgschlossn.
Im Jänner 2002 håt er a Myocarditis nua knapp ibalebt.
Da Seehofer Horst is zum zwoatn moi vaheirat und håd vo dera Eh'n drei Kinder sowia a Madl vo am Seitnsprung.[1] Lebm deadta im Inglstådter Stådttei Geroifing.
[drå werkln] Politik
Zerscht issa 1969 in de Junge Union eini ganga, zwoa Jåhr spada aa in de CSU. Vom September 1994 bis zua Woi ois CSU-Chef im Oktober 2008 issara stejvatretender CSU-Chef gwen. Da Seehofer is aa da Chef vo da CSU-Arbeitnehmer-Union (CSA).
Vo 1992 bis 1998 war a da Bundesminista fia Gsundheit. Er håt no im März 2005 de Hartz IV-Reforma ois wirkungslos abglehnt [2] und war ois VdK-Chef forgseng. Dann issa aba kurz drauf Bundesminista fia Ernährung, Landwirtschaft und Verbrauchaschutz worn.
Wia da Stoiber Edmund gsagt håt, das a im Septemba 2007 sowoi an Parteivorsitz wia aa an Ministapräsidentnpostn abgem wui, håt da Seehofer gsågt, dås a fia'n Parteivorsitz kandidiern wui. Er is aba damois aba net gwäit worn. Auf'm Parteitag vo da CSU in Minga am 29. September 2007 håt a nur 39,1 % vo de Stimma kriagt, Wirtschaftsminista Erwin Huber war mit 58,19 % da Siega.
Nach'm schlechtn Abschneidn vo da CSU bei da Landdogswoih in Bayern 2008 – de CSU hod nur no ummara 43 % vo de abgemna Stimma kriagt – san da Erwin Huber und da Günther Beckstein vor oim vo de Obabayern zum Rücktritt drängt worn. Oktoba 2008 is da Horst Seehofer Parteichef und Ministapräsident worn. [3] Sei erste Regierungserklärung håt er dann zu de Schuidn vo da Boarischn Landesbank abgem miaßn.
[drå werkln] Beleg
- ↑ Seehofer ist wieder Vater geworden in SPIEGEL ONLINE am 14. Juni 2007
- ↑ SPIEGEL Online vom 11. Meaz 2005
- ↑ Spiegel Online: CSU wählt Seehofer zum neuen Parteichef 25. Oktober 2008
[drå werkln] Im Netz
| Wikiquote: Horst Seehofer – Zitate |
| Commons: Horst Seehofer – Buidl, Videos und/oda Audiodatein |
- Literatur vo und iwa Horst Seehofer bei DNB und Bibliotheksverbünden: DNB; BVB (nur vo)
- Homepage vom Horst Seehofer
- Biografie im Deutschen Bundestag
- Portrait vo Tagesschau.de
| Personendaten | |
|---|---|
| NAME | Seehofer, Horst |
| KURZBESCHREIBUNG | Deitscha Politika und boarischa Ministapräsident |
| GEBURTSDATUM | 4. Juli 1949 |
| GEBURTSORT | Ingolstadt |
