Internetz

Des Internetz oda kuaz Netz, aa Internet, is a wejdweits Netzweak aus vui vaschiedanan Rechnanetzweakn, iwa de wo Datn austauscht wean kena. S Internetz eameglicht aa de Nutzung vo vaschiedanan Internetzdeanstn wia E-Post, Telnet, Usenet, FTP-Dateiiwatrogung, WWW und in letzta Zeit vasteakt aa Telefonie, Radio und Feanseng. Jeda Rechna mit Internetzoschluss is praktisch wejdweit mit jedn ondan Rechna im Netz vabundn.

Woatheakumft

"Internet" kimmt ausm Englischn und is a Obkiazung vo interconnected network, des wo weatli ebba "zwischnvabundans Netz" bedeitn duat. Des hod en Grund, dass des Internetz a Zammaschluss vo an Haffa Teinetzweakn is.

Gschicht

Des Internetz is 1969 in da USA entstandn. Es wor uaspringle a Projekt vo da Defense Advanced Research Project Agency (ARPA) vom US-amerikanischn Vateidigungsministerium^[1]. Des dezentral strukturiate Netz ois Ausgongsbasis hod ARPANET ghoassn.

Dea Tei vom Internetz, wo "World Wide Web (www)" gnennt wead is im CERN in da Schweiz 1989 vom Tim Berners-Lee entwicklt worn.

Technik

Infrastruktur

S Internetz bsteht aus vaschiedanen Netzweakn, de wo zammagschoit wean. Des san beispuisweis:

Providernetzweak: olle Rechna vo de Kundn vo am Provida
Firmennetzweak (Intranet): s Netzweak vo de Rechna vo oana Firma
Universitäts- und Forschungsnetzweak

IP und DNS

De Adressiarung wead im Internetz duachs Internetzprotokoll (IP) eameglicht, des wo duach an offanen Standard greglt wead.

De Adressiarung und da Datnaustausch zwischn vaschiedanen Rechnern und Netzweakn basiat auf offanen Standards greglt wean. De Iwatrogung wead paketweis gmochd und ned vabindungsorientiat wia beim Telefonian.

Schau aa

Beleg

↑ A Brief History of the Internet af walthowe.com

Literatua

Bridgette Wessels: Understanding the Internet: a socio-cultural perspective. Palgrave Macmillan, Basingstoke 2010, ISBN 978-0-230-51733-2.

Im Netz

Commons: Internet – Sammlung vo Buidl, Videos und Audiodateien

[1] A Brief History of the Internet af walthowe.com

[1]