Jakobus da Äitere
Aus Wikipedia
Jakobus da Äitere († ca. 44 n. Chr.) is a Gstoit im Neien Testament, der zu de zwöif Apostln von Jesus Christus zäiht. Er ghert mit seim Bruada Johannes zamm nebm Simon Petrus und Andreas zu de erstberuafanen Jüngan (Mt 4,21 EU; Lk 5,10 EU), de aa a bsondare Stellung im Jüngakreis ham.
Heit steht de Kathedraln von Santiago de Compostela in Spanien üba de Grabstättn, de 'm Jakobus zuagschriebm wird und 's Ziel vom Jakobsweg is.
