K3b

Aus Wikipedia
K3b
Logo
Screenshot von K3b
K3b 1.0 unta KDE 3.5.8 (Deitsch)
Basisdatn
Entwickla: Sebastian Trueg, Christian Kvasny u. a.
Aktuelle Version 23.08.3[1]
(9. Nóvémber 2023)
Betriebssystem: Linux/Unix
Programmiersproch C++
Kategorie: CD-DVD-Brennprogramm
Lizenz GPL
Deitsch: jo, measprochig
Netzseitn: k3b.org

K3b is a Brennprogramm füa olle Systeme, de wo vo KDE untasützt wean. Da Nam is de Kuazschreibweis füa KBBB (3b) wos a Abküazung vo „KDE Burn Baby, Burn!“ is. As Programm wead seit 1999 entwicked, und im März 2007 is Version 1.0 erschiena.

Funktionsweis[Werkeln | Am Gwëntext werkeln]

K3b is eigentlich nua a grafische Obaflächn füa a vuizoi vo Brennprogramm. S' Programm dient ois Frontend und vaoafachds Brenna rechd vui, do da Nutza ned de gonzn Befej und dern Parameda zum Brenna kenna muas. Des ko ois übad Grafik und d' Maus gmachd wean.

S' Dateien auswejn ged oafach mid Drag and Drop innahoib vom Programm, und a mid andane Programm, wie zum Beispui an Dolphin (KDE). Andane Programm kinnandn ois Dienstprogramm nutzn, wei des duach de Vawendung vom D-Bus ois Kommunikation zwischen de Programm meglich is.

Funktiona und Formatuntaschützung[Werkeln | Am Gwëntext werkeln]

De Funktiona hängan vo de installiertn Brennprogramm o, auf de K3b zuagreifa ko. Won ois installiert is, gibts an groaßen Umfang an Funktiona:

  • Brenna vo CD-Rs und CD-RWs (a leschn)
  • Brenna vo Mixed-Mode CDs, Datn CDs, Audio CDs, (S)Video CDs und eMovix CDs
  • Brenna vo a Vuizoi vo Speicherabbild-Typen (Cue/Bin, TOC)
  • Brenna vo DVD±Rs und DVD±RWs (a leschn)
  • Brenna vo DVD±R DL
  • Brenna vo Daten-DVDs, Video-DVDs und eMoviX-DVDs
  • Brenna vo ISO 9660 CD- und DVD-Abbuidl
  • Kopian vo CDs und DVDs
  • Umwandlung vo Audiodateien in Mp3s, Ogg Vorbis usw.
  • Format-und Inhaltsanalyse eiglegda Rohling und bspuibora CDs und DVDs

eMovix CDs und DVDs, ham nebam eigntlichn Fuim a nu a gloans GNU/Linux-basiads Betriabssystem drauf, damids direkt beim Startn vom Kompjuta, ohne an installierts Betriabssystem, glon wean kinnan.

Wejche Audi-Formate dassa brenna ko, hängt emfois vo da installierten Software ob. Auf am komplett frein System umfassns Ogg Vorbis, FLAC und RIFF WAVE-PCM (.wav). Zuasätzlich kinnan a MP3, Musepack und Monkeys Audio untastützt wean.

Literatua[Werkeln | Am Gwëntext werkeln]

  • Holger Reibold: K3b kompakt. As offiziäe Owendahandbiache Bomots, ISBN 2-915-92501-1
  • Markus Priemer: K3b 1.x kompakt. As offiziäe Owendahandbiache Bomots, ISBN 3-939316-22-9 (auf da Webseitn stehd as Inhoidsvazeichnis und a eifüande Leseprob ois PDF zua Vafügung)

Im Netz[Werkeln | Am Gwëntext werkeln]

  1. apps.kde.org.