Karakalpakistan

Aus Wikipedia

Karakalpakistan, karakalpakisch Qaraqalpaqstan Respublikasi oda Qaraqalpaqstan (neiche lateinische Schreibweis) bzw. Қарақалпақстан Республикасы oda Қарақалпақстан (vaåitate kirillische Schreibweis), usbekisch Qoraqalpog‘iston Respublikasi, Qoraqalpog‘iston, ãmtlich Republik Karakalpakistan, aa Karakalpakstan oda vaåitat Karakalpakien, liegt im zentralasiatischn Lãnd Usbekistan in da Gegnd vum Aralsee. Åb 1924 wåa Karakalpakistan a autonomes Gebiet in da Sowjetunion, nåch da Unåbhängigkeit vu Usbekistan 1991 is's a autonome Republik woan. Karakalpakistan håd um de 1.632.600 Einwohner (Stãnd vum 1. Jänna 2004) und a Flächn vu 164.900 km². D'Hauptståd ist Nukus.

Karakalpakistan håd a eings Parlament, an eingnen Ministaråd und a eingne Flaggn. S'Karakalpakische is zsãmm mit'm Usbekischn Ãmtsspråch.

Inhoitsvazeichnis 1 Geographie 2 Wiatschåft 3 Bevöikarung 4 Weblinks

[dro werkln] Geographie

Im Ostn liegt d'Wüstn Kisilkum, im Westn s'Ustjurt-Platoo, im Mitteltêu s' Döita vum Fluss Amudarja. Im nerdlichn Têu vu Karakalpakistan liegt de südliche Höiftn vum Aralsee, dea åwa imma kleana wiad, wesweng Karakalpakistan Probleme mim Wåssahaushåit håd.

[dro werkln] Wiatschåft

De Hauptwiatschåftszweige san d'Föaderung vu Eadöi und Eadgas, d'Såiz- und Phosphatgewinnung, da Bewässarungsföidbau (Baumwoi, Reis), d'Lammpi- und Seidnraupmzucht und d'Textüiindustrie.

[dro werkln] Bevöikarung

D'Bevöikarung vu Karakalpakistan setzt si aus ungefäa jewêus am Drittl Karakalpakn, Usbekn und Kasachn zsãmm. A greßare Mindaheit stöin de Turkmenen dåa

De Karakalpakn („Schwarzhiatla“) unterschein si äißalich vu de Usbekn, wêu's a mongolidas Ausseng håm.

[dro werkln] Weblinks

• www.karakalpak.com (englisch)
• Karakalpakistan - Fotografie