Karakalpakistan

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
Flaggn vu Karakalpakistan
Koatn vu Karakalpakistan
Karakalpakische Laundschoft bei Moʻynoq
Karakalpakstan map.png

Karakalpakistan, karakalpakisch Qaraqalpaqstan Respublikasi oda Qaraqalpaqstan (neiche lateinische Schreibweis) bzw. Қарақалпақстан Республикасы oda Қарақалпақстан (vaoitate kirillische Schreibweis), usbekisch Qoraqalpog‘iston Respublikasi (Қорақалпоғистон Республикаси) oda kuaz Qoraqalpog‘iston (Қорақалпоғистон), aumtlich Republik Karakalpakistan, aa Karakalpakstan oda vaoitat Karakalpakien, liegt im zentralasiatischn Laund Usbekistan in da Gegnd vum Aralsee. Ob 1924 woa Karakalpakistan a autonomes Gebiet in da Sowjetunion, noch da Unobhängigkeit vu Usbekistan 1991 iss a autonome Republik woan. Karakalpakistan hod um de 1.632.600 Einwohner (Staund vum 1. Jenna 2004) und a Flächn vu 164.900 km². Da ISO 3166-2-Code fia Karakalpakistan is UZ-QR, d'Hauptstod ist Nukus.

Karakalpakistan hod a eings Parlament, an eingnen Ministarod und a eingne Flaggn. S'Karakalpakische is zsaumm mit'm Usbekischn Aumtssproch.

Geographie[VE | Weakln]

Im Ostn liegt d'Wüstn Kisilkum, im Westn s'Ustjurt-Platoo, im Mittelteu s' Döita vum Fluss Amudarja. Im nerdlichn Teu vu Karakalpakistan liegt de südliche Höiftn vum Aralsee, dea owa imma kleana wiad, wesweng Karakalpakistan Probleme mim Wossahaushoit hod.

Wiatschoft[VE | Weakln]

De Hauptwiatschoftszweige san d'Föaderung vu Eadöi und Eadgas, d'Soiz- und Phosphatgewinnung, da Bewässarungsföidbau (Baumwoi, Reis), d'Lammpi- und Seidnraupmzucht und d'Textüiindustrie.

Bevöikarung[VE | Weakln]

De Bevöikarung vu Karakalpakistan setzt si aus ungefäa jeweus am Drittl Karakalpakn, Usbekn und Kasachn zsaumm. A greßare Mindaheit stöin de Turkmenen doa

De Karakalpakn („Schwarzhiatla“) unterschein si äißalich vu de Usbekn, weus a mongolidas Ausseng hom.

Administrative Untagliadarung[VE | Weakln]

Karakalpakistan untagliadat si in 14 Beziake (karakalpakisch rayon, usbekisch tuman) und 7 Städte (karakalpakisch qalas, usbekisch 'shahar), de direkt da autonomen Republik untastengan. De 7 Städt han: Beruniy (karakalpakisch: Biruniy), Nukus (No'kis), Taxiatosh (Taxiatash), Toʻrtkoʻl (To'rtku'l), Xoʻjayli (Xojeli), Chimboy (Chimbay) und Qoʻngʻirot (Qon'rat). Da Beziak Kegeyli is 2004 duach'd Zsaummenlegung vu de domoling Beziake Kegeyli und Boʻzatov (Buzatov; Hauptoat woa Qozonketkan/Qazanketken) entstaundn.

Beziake in Karakalpakistan
Nr Beziak Hauptoat Nr Beziak Hauptoat Nr Beziak Hauptoat Nr Beziak Hauptoat Bezirke in Karakalpakistan seit 2004
1 Amudaryo
A'mu da'rya
Mangʻit
Man'g'ıt
5 Kegeyli
Kegeyli
Kegeyli
Kegeyli
9 Qongʻirot
Qon'rat
Qongʻirot
Qon'rat
13 Toʻrtkoʻl
To'rtku'l
Toʻrtkoʻl
To'rtku'l
2 Beruniy
Biruniy
Beruniy
Biruniy
6 Moʻynoq
Moynaq
Moʻynoq
Moynaq
10 Qoraoʻzak
Qarao'zek
Qoraoʻzak
Qarao'zek
14 Xoʻjayli
Xojeli
Xoʻjayli
Xojeli
3 Chimboy
Chimbay
Chimboy
Chimbay
7 Nukus
No'kis
Oqmangʻit
Aqman'g'ıt
11 Shumanay
Shomanay
Shumanay
Shomanay
de oban Naumen han usbekisch, de druntan karakalpakisch
4 Ellakqala
Ellikqala
Boʻston
Bustan
8 Qanlikoʻl
Qan'lıku'l
Qanlikoʻl
Qan'lıku'l
12 Taxtakoʻpir
Taxtako'pir
Taxtakoʻpir
Taxtako'pir

Im Netz[VE | Weakln]

 Commons: Karakalpakistan – Sammlung vo Buidl, Videos und Audiodateien