Usbekistan

Aus Wikipedia

Wexln zua: Navigazión, Suach

O‘zbekiston Respublikasi

Republik Usbekistan


(Details)	(Details)

Åmtssproch

Usbekisch,
regional aa Karakalpakisch

Hauptstod

Taschkent (usbek. Toshkent)

Stootsform

Republik, Präsidialdemokratie mid am Zwaakãmmanparlament

Stootsowahaupt

Präsident Islom Karimov

Regiarungsschef

Shavkat Mirziyoyev

Flächn

447.400 km²

Eiwohnazoi

26.485.000 (1. Oktober 2006)

Beväikarungsdichtn

59,2 Eiwohna pro km²

BIP nominal (2007)^[1]

22.307 Mio. US$ (86.)

BIP/Eiwohna

815 US$ (142.)

HDI

0,702 (113.)

Währung

So‘m (Сўм)
entsprichd 100 Tiyin (Тийин)

Unobhängigkeit

vu da Sowjetunion
am 1. Septemba 1991

Nazionalhymne

Serquyosh, hur o‘lkam,
elga baxt, najot

Zeidzone

UTC+5

Kfz-Kennzeichn

UZ

Internet-TLD

.uz

Telefonvurwoi

+998

Usbekistan (usbek. Oʻzbekiston bzw. Ўзбекистон; ãmtlich Republik Usbekistan, usbek. O‘zbekiston Respublikasi bzw. Ўзбекистон Республикаси) is a Stååd in Zentralasien. Usbekistan is a „doppida Binnenstååd“, dea zwischn Kasachstan, Kiagisien, Tadschikistan, Afghanistan und Tuakmenien gleng is.

Usbekistan liegt großteus zwischn de Flüss Sirdarja und Amudarja. Im Westn liegt da Aralsee, dea, weu a imma weniga wiad, zu da Wüstn Aralkum wiad, südli davãu d'Oasn Choresmien und d'Karakum, östli vu dem Gãnzn d'Kisilkum. Gãnz im Ostn liegt s'Ferganatåi, des vu de Ausläufa vum Pamir und vum Tienshan umgem is. Da hechste Beag is da Beshtor mid 4301 Meta Hechn, da tiafste Punkt vum Lãnd liegt 12 Meta unta'm Meeresspüagi.

D'Sherdor-Koranschui in Samarkand

D'Hauptståd vu Usbekistan is Taschkent (Toshkent, ziaka 2 Millionen Einwohna und damid aa d'greßte Ståd vum Lãnd), wichtige ãndare Städt san Samarkand, Buchara, Fergana, Margilan, Namangan, Andischan, Urgentsch, Chiwa, Kokand, Angren, Dschissach, Termis, Karschi und d'karakalpakische Hauptståd Nukus. Insgesãmt lem in Usbekistan 26,5 Millionen Leid, duachschnittli 60 am Quadratkilometa.

Usbekistan is in 12 Provinzn (viloyat), a Ståd (shahar) und de autonome Republik Karakalpakistan teud. Ãmtsspråch is s'Usbekische und regional aa s'Karakalpakische. S'Russische is a wichtige Vakeahsspråch und Wissnschåftsspråch, regional is aa s'Tadschikische a dominiarade Språch. S'Usbekische is gãnz früha in arabisch gschrim woan, dãun lãng kirillisch. Seid de 90a-Joa wiad auf'd Lateinschrift umgstöid, wås nu ãndauat.

Usbekistan is Mitglied vu da UNO, vu da Oaganisazion fia wiatschåftliche Zsãmmenåawad, vu da Gmoaschåft vu unåbhängige Stååtn, vu da Shanghai Cooperation Organization, vu da Eurasischn Wiatschåftsgemeinschåft, vu da Economic Cooperation Organization, vu da Oaganisazion vu da Islamischn Konfarenz und vu da OSZE.