Linux-Distribution
A Linux-Distribution is a Zamstäiung vom Linux (Kernel) mid vui andana Software um daraus a Betriebssystem zum macha.
Inhoitsvazeichnis |
Zamsetzung[dro werkln]
A Distribution bstäd nomalaweis imma ausm Linux-Kernel und da zuakerign GNU-Software, wos as grundlegende Basissystem dostäid. Danoch kimmd bei de meistn imma a X-Window-System und einige grafische Benutzaobaflächn. De vabreitstn san dabei GNOME, KDE und Xfce. Dabei is fosd imma a a Boot-Manager, deas System parallel zua andane Betriebssystem startn ko. Oft san a Programme füad Paketvawoidung und zua Installation dabei.
Beim Standard Grundsystem is nua a Bruchtei vo da vafügboan Software installiert. De meistn Distributionen ham speziäe Paketmanager zua Programmvawoidung dabei, womids Nochrüsten damid rechd oafach is. Zuasätzliche Software san meistens vaschiedene Owendungsprogramm, wie beispuisweis Office-Pakete, Editoren, E-Mail-Programm, Browser aba a vui Server-Software. Fia Entwickla san a imma oanige Programme wia Compiler oda Intapreta füa a vuizoa an Programmiersprochn voahandn.
Vatrieb[dro werkln]
Linux-Distributionen wern in da Regl ned - wia andare Betriebssysteme - iban Einzlhandl vatriem oda voainstalliad mid m Rechna vakafd, sondan wern meistns üwa kostnlose Beilang-CD's (oda DVD's) in Zeitschriftn vatriem oda kennan kostnlos vo da Webseitn vo de Anbieta owaglodn wern. Es gibt Distributionan de ma vom obieta ois CD kostnlos bstäin koo. In Afrika gibts extrig Stationan wo ma se fürn Preis von am CD-Rohling des Betriebssystem und de de ganze Software de ma se sunst vom Intanet owelon koo, brenna lassn koo. De Distributorn finanzian si iba Spendn (z.B. Ubuntu wead finanziad vom Mark Shuttleworth]] und Serviceleistungen (Support) füa kommerzielle Åwenda. Es gibt owa inzwischn aa a poar Distributionen, de iban Einzlhandl vatriem wern, wobei ma dabei meistns des beiliegade Buach mid na Installationsanleitung und na Bedienungsanleitung zoihd.
A de Voainstalliade Veasion kimmd mittlaweiln auf vasteakte Kundnnåchfrog imma efta voa, so hod z.B. Fujitsu-Siemens scho seid a boor Jåhr de Lindows-Installationsmedien in da Standardausstattung vo de Gschäfts-PC's und Dell installiad bei am Großdail seina Rechna Ubuntu vorweg ois Betriebssystem.
Literadua[dro werkln]
- S. Wendzel, J. Plötner: Linux. Das distributionsunabhängige Handbuch. Galileo-Press, Bonn 2006, ISBN 3-89842-677-7
- Michael Kofler: Linux. Addison-Wesley, München 2007, 8. Auflage, aktualisierter Nachdruck März 2008, ISBN 978-3-8273-2478-8
Im Web[dro werkln]
- Distributionsüwasicht mid a Ranglisten auf DistroWatch.com
- Auflistung da Live CD Distributionen
- Zeitleistn da Linuxdistributionen ois Grafik
- Linux Distribution Chooser – a Huifsweakzeig füad Woi zwischen vaschiedne vabreitete Linux-Distributionen
- Wechseln Sie zu GNU/Linux! (Auswoi zwischen Ubuntu, Fedora und gNewSense)
- Mind Map of Linux distributions – a Üwasicht üwad Linux-Stammbaum
