Meichmaschin

Aus Wikipedia
Wexln zua: Navigation, Suach
Der Artikl is im Dialekt Südostobaboarisch gschrim worn.
A Meichmaschin

A Meichmaschin is a Maschin, wos zum Meicha vo de Kia heagnumma werd. Friara ham de Bauan zwoa Moi am Dog olle Kia mit da Hand gmoichn, wei des aba oiwei recht vui Arbat war, hod ma de Meichmaschin erfundn. S'gebt aa nu gloanane Meichmaschindln fia Schoof oda Goaßn.

Wias funktioniert[VE | Weakln]

Des is a komplizierta Apparat mit am Haffa Schleichln, a Pumpn, am Bheita fia d'Muich und ollawei vier Saugnäpf, de wo an de Zitzn vo da Kua oneghengt wern. Oiss wos da Mensch no doa muas, is des Eita und de Zitzn schee sauba macha, de Saugnäpf onehenga (de hoitn vo seiba wega dem leichtn Vakuum) und dann wieda obedoa, wanns Eita laar is. De Muich wart' dann scho in dem Bheita, wos koid ghoitn werd bis mas weidavaarbat, oda meistns, bis da Muichlasta vo da Moikarei kimt.