Muich

Der Artikl is im Dialekt Südostobaboarisch gschrim worn.

A Glásl Muich

Muich (in andre Gegndn sogt ma aa Mülli oda Milli oda a einfach nua Mil) nennt ma des weiße Zeig, wos ausm Eita vo de Kia aussakimt. Muich wead gmoikn, heitzdog nimma vo da Hand, sondan mit da Meichmaschin.

Muichwiatschaft

D'Muichwiatschaft is a wichtiga Standfuass vo de Bauan im boarischn Raum. In de Berg hods mit da Oimwiatschaft a zentrale B'deitung fia d'Landschaft.

Muichprodukte

De meistn Leid tringan d'Muich zum Kaffee oda in da Fruah ind Koanfleiks. Ma ko oba aa an Haffa andre Sachan aus Muich macha:

• An Kaas
• An Rahm
• An Budan
• A Buttamille
• A Gstecklte
• An Jokuat
• An Kefir
• An Topfn
• A Juchdn (Molke)

De Muichprodukte wern greßtnteils in da Moikarei oda da Kaaserei hergsteit. Manche Bauan dean aba aa seiba buddan oda kaasn.

Freara und heitzdog

Freara is ma no oft jedn Doog mit da Millebitschn zum Baua ganga und hod dortn a frisch gmoichane Muich griagt. In da Europeischn Union is dés aba seit 1984 weng da Gesetzgebung nimma so oafach, weil de Bauan blos no a gloans bissl Muich seiba vakaffa derfn. Insgsamt is de Gschicht mit da Muichwiatschaft scho recht vazwickt, ma braucht ois Muichbaua zum Beispui áá a Muichkontingent.